1 Kɔ̀rintìyà 1:2 - Mokpwe: Bakwery (New Testament)

² Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

1 Kɔ̀rintìyà 1:2 Mawu Ofanana

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 15:9

Lohwɛ̀ a rzi gbèye tɔ̀ ndandò ò wɔ̀ tɔ̀ irzɔ, èhwanja mɔ̀ à mà hwa làkirzɛ wòhwe wò awu lì akeyà na lìlòkɛ̀ la awu.

Hwègbèèlì 18:1

O mburzà hwenè hweyà hwe arzɛ, Pàwolò à mà anjiya ò mbòwa ndɛnɛ ya Atɛ̀nrzì rzi a ɛ̀ndɛ ò mbòwa ndɛnɛ ya Kɔ̀rintò.

Hwègbèèlì 22:16

O naŋgɛ rzɔ, mamɛ ò wa ò hwèlì ò lì ambɛ̀lɛ̀ e? Tɛ̀mɛ̀nɛ̀ ò ŋmanyu ò emeyà nanù ema Yerzù a hwèlì ndi Rzàŋgò ya aŋgɔ̀, ndèŋgànɛlɛ hwa ò lùhwìrzɛ̀. Ène eyà e gbeyà Lohwɛ̀ a ò rzòrza wòhwe wò àŋgɔ.’”

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 9:13

Ànàniyarzì rzìi à mò alàhwɛ̀ nanù ema, “Ìi Rzàŋgò, rzayi-rzayi jà hwatò hwa mà nò òhweyà lì hvòmɛ̀nɛ̀ ònò mòtò, nà hweyà hwe arzɛ hwe wòhwe ema mɔ̀ à mà gbeyànɛ̀ hwatò hwa aŋgɔ̀ hwa wòtani ò mbòwà yà Jèrurzalɛ̀mù.

Hwègbèèlì 9:14

Ndeŋgànɛlɛ mɔ̀ à jànì wònjà naŋgɛ anu Dàmàrzkɔ̀rzì ema ipìlìrzì ndɛnɛ ì mò ŋgbelì, ò lì ŋgbaŋgɛ hwatò hwa arzɛ ema hwa kanɛ̀ ò lìnà là aŋgɔ̀.”

Hwègbèèlì 9:21

Hwatò hwa arzɛ ema hwà mà mò òkànèyà hwà mà tàmà. Rzìi hwa wòteyà lì ijòwa nanù ema, “Rzeke ònò mòtò mɔ̀ ndì à mà hwɛ lì òŋwa hwaŋga hwatò ema hwà mà hwɛ lì kanɛ̀ ò lìna la ama Yerzù ò Jèrurzalɛ̀mù e? Ndeŋgàna rzeke hwèjèelì hwe eni hwe anu òma hwe hwèlì ndi ò lì ŋgbaŋgɛ hwaŋga hwatò na lì hwa timbaneya ipìlìrzì ndɛnɛ e?”

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 10:12

Ène e hwèlì rzɔ ò hwatò hwa arzɛ èhwanja ò rza enje hwekàhweli ema hwanu hwa hwèlì ndi wònyà Yudà, hwanu hvɛ hwa rza enje wònyà Yudà. Lohwɛ̀ a hwèlì ndi e Rzàŋgò ya hwatò hwa arzɛ, ndeŋgànɛ̀lɛ̀ hvɛ à nàmìrzɛ̀ rzayi-rzayi hwaŋga ema hwa mò hwɛlɛ.

Ròmànì 3:22

Èŋge ŋgàna e hwèlì ndi nanù ema, tɔ̀ ima mòtò ema a lòkɛ̀ Yerzù Krirztò mɔ̀ ndi à tɛmi ehve-ehve. O rza enje tɔ̀ tìŋgɛ̀ ema mòtò a hwèlì ndi wònyà Yudà tɔ̀ a rza enje wònyà Yudà.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

1 Kɔ̀rintìyà 10:32

È lìya nyayi ya ŋgàna ema e rza gbeyà mòhvùŋgu nà wònyà Yudà, hwaŋga ema hwa rza enje wònyà Yudà tɔ̀ na miitelì me ama Lohwɛ̀.

1 Kɔ̀rintìyà 12:27

Inyɔ hwa arzɛ è hwèlì ndi ŋmita mo nyo mo ama Krirztò ndèŋgànɛ̀lɛ tɔ̀ ima mɔ̀ wa anyu hvɛ a hwèlì ndi ènàmà yɔ̀kɔ ya èŋge nyo.

1 Kɔ̀rintìyà 8:6

Ndi irzɔ i hwi nanù ema, ò hwèlì ndi Lohwà lɔ̀kɔ. Tatɛ̀ ema à wèki hwema hwe arzɛ, Mɔ̀ ndeŋgatɛ irzɔ i hwèlì lòŋgɛ. Ò hwèlì hvɛ ndi Rzàŋgo hvɔ̀kɔ, Yerzù Krirztò, lì akeyà nà Mɔ̀ ndi Lohwɛ̀ à wèki hwèmà hwe arzɛ, Mɔ̀ ndeŋgatɛ irzɔ i hwèlì lòŋgɛ.

2 Kɔ̀rintìyà 1:1

Imba Pàwolò e Àpɔ̀rzìtòlò yà ama Yerzù Krirztò, nà omà e mà tɛyìrzɛhwɛ na Lohwɛ̀. Imba ndi na tìlì ene kààtì o irzɔ nà ŋmànyàŋgò wà arzu wà Krirztò Tìmòtì je omelì ikɔ̀mi. Inyɔ, lì arzàŋganɛ là hwatò hwa Lohwà ema e hwèlì ò è mbowà yà Kɔ̀rintò, na hwanɛ̀yi hwatò hwa arzɛ hwa Lohwà ema hwa hwèlì o erzoòkà ya Àkayiyà.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

Gàletìyà 1:2

Imba na hwàlòkèlì hwa arzɛ ema hwa hwèlì anu na imba je omelì ŋmèmba mo arzɛ ema mo hwèlì o Gàletìyà ikɔ̀mi.

Ɛ̀hvìrzìyà 5:26

À mà hwa ŋwèeyà aŋga nanù hwa hwɛ worzaŋgi. À mà gbeyàna malìhwa nà è mbɔrzi yà eni ò lì rzaŋgirzɛ là arzàŋganɛ là hwatò hwa Lohwà.

1 Tɛ̀rzàlonìyà 1:1

Imba Pàwolò, mòndèŋgè nà Rzàyìlàrzì nà Tìmòtì ndi nà è tìleyà ene kààti. Nà è tìleyà ndi inyɔ hwatò ema è hwèlì ò ŋmèmba mò è mbowà ndɛnɛ yà Tɛ̀rzàlonìya, inyɔ ema è hwèlì hwatò hwa ama Tatà Lohwɛ̀, ndèŋgànà inyɛ inyɔ è hwɛ hwatò hwa ama è Rzàŋgo Yerzù Krirztò. Inyɛ̀ è ndèli nà ɛ̀yɔ̀lɛ̀ yà ama Lohwɛ̀ è hwɛ nà inyɔ.

1 Tɛ̀rzàlonìyà 4:7

Lohwɛ̀ a rzi jo hvɔ̀rzè o lì hwɛnɛ ɛ̀ɛ̀mɛ̀ ya èèti, ndi mɔ̀ à mà jo hvɔ̀rzɔ̀ o lì hwɛnɛ ɛ̀ɛ̀mɛ̀ ya wòtani.

2 Tɛ̀rzàlonìyà 1:1

Imba Pàwolò mondeŋge na Rzàyilàrzì na Tìmòtì ndi na e tilelì ene kààti. Nà e tilelì ndi inyɔ hwatò ema e hwèlì o ŋmèmba mo e mbowà ndɛnɛ ya Tɛ̀rzàlonìya, inyɔ ema e hwèlì e hwa ama Lohwɛ̀ Tatɛ̀ wa arzu na e hwa ama Rzàŋgo Yerzù Krirztò.

1 Tìmotì 2:8

Tɔ̀ ima èki ema hwatò hwa Krirztò hwa arzàŋganɛ, imba na arza nanù ema wunyanà ema hwà mà aŋgbɛ wɔ̀ hwiti o lì gbèeyà Lohwɛ̀ hwa karzɛ màà mà awu o ŋmanyu o lì kànɛ̀. Hwàŋga hwatò hwa rza hwɛni lì hwɛnɛ hwetato ò ŋmèma tɔ̀ lì hwɛ hwatò ema hwa tɔ̀wɔ.

1 Tìmotì 3:15

Nà e tìleya hwene hweyà ema e hwɛyi o lì hwe gbèeyà aŋga nanù na rza akɛlɛ tɛ lì jà, e hwɛni lì hwiya ɛ̀ɛ̀mɛ̀ ema hwatò hwa Lohwà hwa àŋgàmɛ̀nɛ̀yi lì hwɛnɛ. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ ndi à hwa ɔŋgeya. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ a hwèlì lòŋgɛ. Moŋgo ŋmèmba mo hwèlì ndi nàa lìwondi na ɛ̀ɛkɛ̀ ema hwe rzulɛ gbamù eyà ya Lohwà.

2 Tìmotì 1:9

Lohwɛ̀ à mà jò rzùŋga ndèŋgànɛlɛ à mà jò hwɛlɛ ò lì hwɛ hwatò hwa eni. Mɔ̀ à gbèyi nanù rzeketɛ ò nyòla eyà ema ì gbèyi, ndi à gbèyi ndi nanù lì hvomɛ̀nɛ̀ hwètɛ̀yirzèlèlì à mà tɛ̀yirzɛ̀ ndèŋgàna hwèwòtelì hwe ene rze. À mà jò ŋgba è ndèli yà eni nà oma à jò òmelì Yerzù Krirztò anu rze.

2 Tìmotì 2:19

Ndi tɔ̀ nanù hweyà ema Lohwɛ̀ à mà rzeeya, hwe rza tikowahwa. Ndèŋgana e tìlahwì o ŋmanyu ya eni nanù ema, “È Rzàŋgo e hwi hwaŋga hwatò ema hwa hwèlì e hwe eni,” ndèŋgàna e tìlahwì nanù ema, “Hwaŋga hwatò hwa arzɛ ema hwa ohwa nanù ema wɔ̀ hwa hwèlì ndi na e Rzàŋgo, hwa hwɛni lì kumbɛ e mburza o hwègbèèlì hwe wòhwe.”

2 Tìmotì 2:22

Ìi Tìmòtì, o rzi gbeyà hweyà hwe wòhwe ema imberza i gbeyà, ndi o keke ndi lì gbeyà mamɛ ema e hvomɛ̀nɛ̀, o inyàmɛnɛ lìlòkɛ̀ Krirztò o keke lì lìŋgàna hwahvɛhvɛ hwatò, o hwɛ hvɛ ndi o ɛ̀yɔ̀lɛ̀ na tɔ̀ ima mòtò. O nɔ̀ŋge hwene hweyà na hwahvɛhvɛ hwatò ema hwa kanɛ̀lɛ̀lɛ̀ Lohwɛ̀ na ŋmèma mɔ̀kɔ.

Hibrù 10:10

Nà oma Yerzù Krirztò à mà emeyà o lì gbeyà na oma Lohwɛ̀ a àrzeyà, o lì aŋgbɛ mɔ̀ ŋmìti nàa màahweyà, e ma jo gbeyà irzɔ hwa arzɛ o lì rzaŋga o worzo wo ama Lohwɛ̀ ŋgèlì hvɔ̀kɔ, o iŋgèlì ja arzɛ.

Hibrù 13:12

Nànù mɛnɛ ndi Yerzù mɔ̀ hvɛ à mà tàke rzìi a ŋwèeyà o èwoka ya e ŋgawo ya e mbowà aŋga nanù màyija ma eni ma gbèeyà hwatò hwa hwɛ worzaŋgi.

Hibrù 2:11

Yerzù ema mɔ̀ ndi mɔ̀ à gbèyi ndèŋgànà hwatò hwa e jà wòtani, ndèŋgànɛ̀lɛ̀ hwatò ema hwa hwèlì wòtani, hwa arzɛ hwa hwèlì ndi hwàanà hwa Tatɛ̀ hvɔ̀kɔ. Ndeŋgànɛ̀lɛ̀ yɔ̀ ndi e gbèyi ndeŋgatɛ Yerzù a rza oka irzɔ̀ni o lì hwa hwɛlɛ nanù ema wònyànyàŋgo wa ami.

Judɛ 1:1

Imba Judɛ, nà hwèlì ndi Jèmirzi ŋmanyàŋgò wà eni, nà è mògbèèlì wà ama Yerzù Krirztò. Imba ndi nà è tìleyà ene kààti inyɔ ema Lohwɛ̀ à hvɔ̀rzì. È hwɛni lì hwiyà nanù ema Tatɛ̀ Lohwɛ̀ à è lìŋgàni, ndèŋgànɛlɛ Yerzù Krirztò à hwèlì à è ɔ̀ŋgeyà.

Hwèwulùwèlì 19:16

O mòŋgòmbè mo eni na o e rzorzo ya eni lìni lìnà lì tìlahwi aŋga nanù ema, “Kiŋgɛ wa ikiŋgɛ ja arzɛ na e Rzàŋgo ya irzaŋgo ja arzɛ.”