1 Kɔ̀rintìyà 1:14 - Mokpwe: Bakwery (New Testament)

¹⁴ Nà ekà Lohwɛ̀ ema nà rzi lùhwìrzɛ̀ tɔ̀ mòtò tɔ̀ mɔ̀kɔ, lì aka tɛ Klìrzìpɔ̀rzì nà Gàyiyùrzì.

1 Kɔ̀rintìyà 1:14 Mawu Ofanana

Hwègbèèlì 10:48

O eŋgànɛ̀lɛ̀ mɔ̀ à mà hwa kànèyà nanù ema hwa lùhwìrzɛ̀hwɛ̀ ò lìinà la ama Yerzù Krirztò. Rzìi hwa rzòrzòmeya Pètrò ò lì lìya na wɔ̀ ŋgurzu ja mèenyà.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Ròmànì 16:23

Gàyiyùrzì, e mòtò ema ò ndawò ya eni ndi na hwèlì, ema ò ndawò ya eni ɔ̀ndi ŋmèmba mò wònya Krirztò mò tàneyà, mɔ̀ hvɛ a e òmelì ikɔ̀mi. Ɛ̀ràrztùrzì, ema mɔ̀ ndi à uta malì ma e mbòwa, na ŋmanyàŋgò hwa arzu Kwàtùrzì wɔ̀ hvɛ hwa e òmelì ikɔ̀mi.

1 Kɔ̀rintìyà 1:15

Ò naŋgɛ̀ nanù, tɔ̀ mòtò, tɔ̀ mɔ̀kɔ à rzà tànɛyì ò lì òhwa nanù ema à mà lùhwìrzɛ̀hwɛ̀ ndi ò lìnà là amì.

1 Kɔ̀rintìyà 1:4

Hvonda tɛ, imba nà ŋgbaà Lohwɛ̀ jèka, lì è hvomɛ̀nɛ̀ inyɔ ò nyòla è ndèli ema à è ŋgbelì lì akeyà nà Yerzù Krirztò.

1 Kɔ̀rintìyà 14:18

Nà èki Lohwà ema imba nà ohwa o ihvɛhvɛ mbɔrzi rzayì-rzayì lì aka tɔ̀ ima mɔ̀ wa anyu.

2 Kɔ̀rintìyà 2:14

Ndi na ekì Lohwɛ̀ ema a jò gbeyà ema jo ohwe ŋmɛ̀ndì mò eni. Nà oma i hwèlì mòndeŋgè na Krirztò, à mà jo gbeyà ima timba ndi nà hwatò ema Lohwɛ̀ à mà imanɛlɛ na lì timba o lì ɛnɛ jo ohwa ŋmɛ̀ndì mò gbamu ò hweki hwe arzɛ. Lohwɛ̀ à hwèlì lì gbeyà hwatò ò lì hwiya Yerzù Krirztò èhwanja ò ŋmɛ̀ndì mò eni ema i hwèlì lì ohwa. Moŋgo ŋmɛ̀ndì mò àyinɛ̀lɛ̀ o ìtììtènì ja hwatò, nàa erzunju ya gbamù ya hvɛ̀ɛ̀hvɛ̀.

Ɛ̀hvìrzìyà 5:20

È eke Lohwɛ̀ Tatɛ̀ yà arzu ò ihvonda ja arzɛ ò tɔ̀ mamɛ ema è hwɛni lì gbèyɛ̀nɛ. È mò eke ò lìinà là ama Rzàŋgo yà àrzu Yerzù Krirztò.

Kòlòrzìyà 3:15

Krirztò à mà gbeyà inyɔ è à ohvanɛ ɛ̀yɔ̀lɛ̀ mɔ̀kɔ nà ɔ̀nɛyi. Ò eŋgànɛlɛ rzɔ eŋge ɛ̀yɔ̀lɛ̀ è hwɛni lì è timba ò hweyà hwe arzɛ ema è gbeyà. Inyɔ è àŋgàmɛ̀nɛ̀yi lì eka Lohwɛ̀ ò ihvonda jà arzɛ

Kòlòrzìyà 3:17

Tɔ̀ mamɛ ema è ohwa tɔ̀ è gbeyà, inyɔ yè è gbeyà ndi o lìnà là ama Rzàŋgo Yerzù. Inyɔ e ŋgbe Lohwɛ̀ Tatɛ̀ jèka ò lìinà là ama Yerzù.

1 Tɛ̀rzàlonìyà 5:18

O tɔ̀ ima eyà ema ye e gbeeyɛnɛ, e ŋgbe Lohwɛ̀ jekà, ehwànja lì emeyà la ama Lohwɛ̀ lìini o inyɔ ema e hwèlì mɔ̀kɔ na Yerzù Krirztò.

1 Tìmotì 1:12

Nà ŋgbelì Yerzù Krirztò Rzàŋgo ya arzu jeka. Mɔ̀ ema a no ŋgbelì e ŋginyà o lì mo gbèeyà. Nà mo èki èhwanja a no wowi ndi nàa mòtò mɔ̀kɔ ema mɔ̀ à tànɛyi lì lòkɛ̀, na lì hvɔ̀rzɔ̀ nanù ema na mo gbèeyà.

Hvìlɛ̀mɔ̀nì 1:4

Ŋmanyàŋgò wà ami Hvìlɛ̀mɔ̀nì, tɔ̀ ima hvonda ema nà kanɛ̀, nà eka Lohwɛ̀ ò nyòla aŋgɔ̀.