1 Kɔ̀rintìyà 1:13 - Mokpwe: Bakwery (New Testament)

¹³ Krirztò àkahwàwɛ̀ hwèhvàrzù na hwèhvàrzù e? Ìmba Pàwolò ndì hwà mà wòmeyà ò mbarzà ò nyòla anyu e? Ò hwèlì tɔ̀ mɔ̀kɔ wà anyù ema à mà lùhwìrzɛ̀hwɛ̀ ò lìnà là amà Pàwolò e? Ò lì ohwà è jɔ̀kɛ̀, ò rzà enjè tɔ̀ mɔ̀kɔ.

1 Kɔ̀rintìyà 1:13 Mawu Ofanana

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Matiyò 3:6

Nà òma hwaŋga hwatò hwa mà purzɛ̀lɛ̀ wòhwe wò awu, rzìi Yòwanìrzɛ̀ à hwa lùhwìrzɛ̀ ò mòrzò mò Jɔdànì.

Hwègbèèlì 10:48

O eŋgànɛ̀lɛ̀ mɔ̀ à mà hwa kànèyà nanù ema hwa lùhwìrzɛ̀hwɛ̀ ò lìinà la ama Yerzù Krirztò. Rzìi hwa rzòrzòmeya Pètrò ò lì lìya na wɔ̀ ŋgurzu ja mèenyà.

Hwègbèèlì 19:5

Nà òma hwaŋga hwatò hwà mà hweye mamɛ ema Pàwolò à mà òhwe, hwà mà hwa lùhwìrzɛ̀ lì akeyà na lìinà la ama e Rzàŋgò Yerzù.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 8:16

Wɔ̀ hwà mà hwa kanɛ̀lɛ̀lɛ̀ èhwanja ò ene hvònda òma hwa rzi lu Èlìŋgɛ̀ yà Wòtani. Wɔ̀ hwà mà luwa ndi lì lùhwìrzɛ̀ ò lìinà la ama Rzàŋgò Yerzù.

Ròmànì 14:9

Lìtìŋga ndèŋgàtɛ̀ Krirztò à mà ŋwa, rzi a hvùmùwà, rzi a hwɛ ò lòŋgɛ, aŋga nanù mɔ̀ à hwɛ e Rzàŋgò ya hwatò ema hwà mà ŋwɛɛ na hwatò ema hwa hwèlì lòŋgɛ.

1 Kɔ̀rintìyà 1:15

Ò naŋgɛ̀ nanù, tɔ̀ mòtò, tɔ̀ mɔ̀kɔ à rzà tànɛyì ò lì òhwa nanù ema à mà lùhwìrzɛ̀hwɛ̀ ndi ò lìnà là amì.

1 Kɔ̀rintìyà 10:2

Nà oma hwà mà hwɛ o rze yà lìmbàki, ndèŋgàna na oma hwà mà akeyà o tenì ya ŋmanjà mo teyàa, e ma hwa gbeyà wɔ̀ hwa mà lùhwìrzɛ̀hwɛ̀ rzi hwa nɔ̀ŋgɔ Morzè.

2 Kɔ̀rintìyà 11:4

Imba na ohwa ndi ene eyà nanù èhwanja mòtò a jelì tɛ rzi a e ohweyà ŋmɛ̀ndì ema mo rza enje ndi ŋmɛ̀ndì mo ama Yerzù Krirztò, ema irzɔ i hwèlì lì e ohweyà inyɔ e mo emeyà. Tɔ̀ e hwɛ ndi ema mɔ̀ à e ohwèlì tɛ ndi eyà ya lì hvomɛ̀nɛ̀ èlìŋgɛ̀ ema rzeketɛ yɔ ndi irzɔ je e ohweyà e emeyà. Tɔ̀ mòtò a e ohwèlì tɛ ŋmɛ̀ndì mò gbamù ema rzɛ̀kɛtɛ mo ndi irzɔ je e ohweyà, inyɔ e mo emeyà.

Gàletìyà 1:7

O tɛ̀ɛ̀tɛ̀ɛ o rza enje mohvɛhvɛ ŋmɛ̀ndì mò gbamù. Ndi imba na ohwa ndi nanù èhwanja o hwèlì lòŋgo la hwatò ema hwa e emirzɛ. Hwa arza lì keka o lì tikowa Ŋmɛ̀ndì mò Gbamù mò ama Yerzù Krirztò.

Ɛ̀hvìrzìyà 4:5

Irzɔ hwa arzɛ i hwɛni ndi Rzàŋgo hvɔ̀kɔ. Ndèŋgàna irzɔ hwa arzɛ jò òhvi ndi lì lòkɛ̀ lɔ̀kɔ̀, ndèŋgànà i lu hvɛ ndi lì lùhwìrzɛ̀ lɔ̀kɔ̀.

Tàyìtùrzì 2:14

Yerzù Krirztò à mà aŋgbɛ mɔ̀ ŋmìti o lì jo kɔ̀tɔ̀ o wòhwe wo arzu wo arzɛ. A ma jo gbèeyà o lì hwɛ hwatò ema hwa hwèlì wòtani, ndèŋgànɛ̀lɛ̀ à mà jo gbeyà o lì hwɛ hwatò hwa eni mɛnɛ, ema hwa ohvi e nyɔ̀ŋgi ya lì gbeyà hweyà hwe gbamù.