1 Kɔ̀rintìyà 1:10 - Mokpwe: Bakwery (New Testament)

¹⁰ Wònyamòwè kòkò, nà è atɛkɛ ò lìnà là ama Rzàŋgo wà arzu Yerzù Krirztò, inyɔ hwa arzɛ, è ohwe ndi eyà yɔ̀kɔ, aŋga nanù ò rza hwɛ tɔ̀ mbùnakɛ̀ tɔ̀ hvɔ̀kɔ ò ìtììtènì jà anyu. È hwɛnɛ lì ahvìyànɛ̀ ema lì ondi nà lì lùtèyà, nà etɔ̀ti yɔ̀kɔ, ò mamɛ yà arzɛ ema yà rza lì gbeyà.

1 Kɔ̀rintìyà 1:10 Mawu Ofanana

Matiyò 9:16

È hwɛni lì hwiya nanù ema mòtò a rzɛ̀ŋgɛ̀nɛ̀ tɛ mbɔti, a rza wòwà ehvàhvè ya lìhwàtù lì hvènya ò lì rzɛ̀ŋgɛ̀nɛ̀ è mbòlòwa ya mbɔ̀ti. Èhwanja eŋge ehvàhvè ya lìhwàtù lì hvènya è wòtèlì tɛ lì nyùkeyà òma la akakòwɛ ò mbòlòwa lìhwàtù. Oma eŋge èhvɔ̀ndì ya eŋge mbòlòwa ya lìhwatu ema nyàla.

Makòrzì 2:21

Mòtò à rzèeyà tɛ mbɔti, à rza wòwà èhvàhve ya lìhwatù lì hvènya ò lì rzèeyànà e mbòlòwa yà mbɔti. Èhwanja èŋge èhvàhve ya lìŋgi lìhwàtù lì hvènya lì wòtèlì tɛ lì nyàhweyà, lì nyààwà hvɛ èŋge mbòlòwa yà lìhwàtù. Ò ma lìŋgi lìhvɔ̀ndi lì ma teyama lì akà lìmɛ̀nì.

Makòrzì 3:24

È hwèlì tɛ ema hwatò hwa èkòmè yɔ̀kɔ hwa akahwanɛ tɛ, ema hwa rzà òhwa eyà yɔ̀kɔ èŋge èkòmè e rzà tanɛ̀ lì tɛ̀mɛ̀.

Yòwanìrzɛ̀ 10:19

Yerzù à mà òhwe hwenè hweyà nanù, rzi hwatò hwa wònyà Yudà hwa a kahwanɛ̀ hvɛ.

Yòwanìrzɛ̀ 17:23

Imba na hwèlì ndi mɔ̀kɔ na wɔ̀ ò wa hvɛ ò hwèlì ndi mɔ̀kɔ na imba, aŋga nanù hwa kuwa lì hwɛ mòtò mɔ̀kɔ. Hwa ò kuwa lì hwɛ mòtò mɔ̀kɔ aŋga nanù e rze e hwiya nanù ema ò wa ndi ò hwèlì e mɔ̀ ema a nò òmi, hwa hwiya hvɛ nanù ema ò hwa lìŋgàni na òma imba hvɛ na ò lìŋgàni.

Yòwanìrzɛ̀ 7:43

O èŋgànɛ̀lɛ̀ rzɔ e ŋgìndì ema akahwanɛ lì mò hvòmɛ̀nɛ̀.

Yòwanìrzɛ̀ 9:16

Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

Hwègbèèlì 4:32

Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Ròmànì 1:13

Wònyamòwè kòkò, nà lìŋgàna nanù ema è hwiye nanù ema, nà mà òhva mɔ̀ŋgɛ̀lɛ̀ rzayi-rzayi ja ŋgelì ò lì jà lì è ɛnɛ ndi nàtɛ̀ɛ nà nàŋgɛ è njiya è rzi lìhvòhwèlì. Nà lìŋgàna lì jà aŋga ò lì gbeyà èwòlò ò ìtììtènì jà anyu ema è ŋyàa hwehvùma nyàyi hvɔ̀kɔ nà òma nà mà gbèeyà hvɛ hwahvɛhvɛ hwatò ema hwa rza enje wònyà Yudà.

Ròmànì 12:1

O eŋgànɛ̀lɛ̀ rzɔ, wònyàmòwe kòkò, èhwanja ò ììlì ndɛnɛ ja ama Lohwɛ̀ ema a jò uŋmɛ̀lɛ̀, na e atɛkɛ nanù ema, ya aŋgbɛ inyɔ hwiti ò ma Lohwɛ̀ nàa jàhwèyà ema i hwèlì lòŋgɛ. Ini jàhwèyà i hwɛni lì hwɛ wòrzàŋgi na lì emeyàhwa na Lohwɛ̀. Nànù ndi inyɔ e hwɛni ò lì kànɛ.

Ròmànì 12:16

È awòhwànɛ̀ wàna hvɔ̀kɔ mɔ̀kɔ na ɔ̀nɛyi. È rzi ayèkirzɛ̀. È hwɛ mbunda na hwatò ema hwa rza òhvɛ hwetɛmelì ema hwe kàrzamì. Inyɛ̀ tɔ̀ mòtò a rzi ɔ̀ŋgɛ̀lɛ̀ nanù ema mɔ̀ à hwɛni lìhwiyè rzayi-rzayi.

Ròmànì 15:30

Ìi wònyamòwè kòkò, ò lìna la ama e Rzaŋgò Yerzù Krirztò, ndèŋgànà lì hvòmɛ̀nɛ̀ e ndòlo ema e uwɛ̀lɛ̀lɛ̀yi ò èlìŋgɛ̀ ya eni, imba na e atɛkɛ nanù ema i late màa ò lì nò kànɛ̀lɛlɛ na ŋginyà nanù ema Lohwɛ̀ a nò òŋgòwane.

Ròmànì 16:17

Ìi wònyamòwè kòkò, nà è kòkòwɛ̀lɛ̀ nanù ema, è aŋgòhweya hwaŋga hwatò ema hwa jànà yùnànelì ò ìtììtènì ja anyu nà lì eŋgìrzɛ̀ hvɛ hwahvɛhvɛ hwatò. Wɔ̀ hwa teŋgɛ̀nɛ̀yi hwèyòkòlèlì ema è ma luwɛ. È rzi keka lì hwa òŋgama.

1 Kɔ̀rintìyà 1:11

Wònyamòwè kòkò, nà è ohweyà ene eyà nanù, èhwànja lòŋgo là hwatò hwà èhvèhva ema hwa hwèlì ò lìtumba là ama Klɔ̀rzì hwà mà nò òhweyà ema inyɔ hwiti yà à tɔ̀wɔ̀nɛ̀.

1 Kɔ̀rintìyà 11:18

Èya ya worzò e hwèlì ndi ema, na ohwayɛlɛyi nanù, ema, e aùŋmanɛ tɛ o lì kanɛ̀, o hwèlì lì akahwanɛ̀ o ìtììtènì ja anyu. Nà e jɔ̀kɛ̀ na lòkɛ̀ ene eyà teŋyi.

1 Kɔ̀rintìyà 12:25

O èŋgànɛ̀lɛ̀ rzɔ o rza ènje mbààlì o ŋmita mo nyo ndi enama yɔ̀kɔ e hwɛnì lì òŋgòwàna enɛyi.

1 Kɔ̀rintìyà 3:3

Èhwanja e hwèlì e nɔ̀ŋgɔ ndi hweyà hwe e nyàmà yà nyo. È a ohvanɛyi inona mɔ̀kɔ na ɔ̀nɛyi. È tɔ̀wɔ hvɛ metaŋgo mɔ̀kɔ na ɔ̀nɛyi. Rzeke hwenè hweyà hwe uŋmɛ̀lɛ̀ nanù ema hwègbèèlì hwe wòhwe hwe e nyàmà ya nyo hwe hwèlì hwe e kànèyà e? Rzekè inyɔ e hwèlì e lìya ndi nàa hwatò hwa ène rze.

1 Kɔ̀rintìyà 4:16

O èŋgànɛ̀lɛ̀ rzɔ na e kɔ̀mɛ̀lɛ̀ nanù ema e gbeye hweyà ema imba na gbeyà.

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

2 Kɔ̀rintìyà 13:9

Jo ò oka mɔ̀nyɛ̀ŋgì, je e ɛni tɛ na oma e gbeyà hweyà ema hwe gbeyà lì lòkɛ̀ la anyu lì andàmà, tɔ̀ e hwɛ ndi nanù ema irzɔ je ɛni nanù ema i rza imbami, èhwanja i rza ɛni tɔ̀ lìtiŋga o lì e kɔ̀kìrzɛ̀. I kanɛ̀ ndi nanù ema Lohwɛ̀ a e òŋgwànɛ̀ ɛ̀ɛ̀mɛ̀ ya anyu e hwɛ ndi e ya gbamù.

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Gàletìyà 4:12

Wònyamòwè kòkò, na e arzarzɛ nanù ema, e hwɛ ndi nàa imba èhwanja o nàŋgɛ nanù imba hvɛ na hwèlì ndi nàa inyɔ. Nà rza enje hvɛ ndi o rze ya e mbenda hvɛ ndeŋgànɛ̀lɛ̀ e rzi no gbèyi eyà ya wòhwe.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 3:16

Tɔ̀ e hwɛ ndi mamɛ, i hwɛni lì oŋgama hweyà ema i ma màa lì hwiya.

1 Tɛ̀rzàlonìyà 5:13

È hwa wòŋgohwàne na èluhwe ndɛnɛ ndèŋgànɛ̀lɛ̀ e hwa uŋmɛ̀lɛ̀ e ndìŋgɛ o nyòla èwòlò ema hwa e gbèeyà. È lìya na ɛ̀yɔ̀lɛ̀ mɔ̀kɔ na ɔ̀nɛyi.

2 Tɛ̀rzàlonìyà 2:1

Ìi wònyàmòwe kòkò, o nàŋgɛ nanù je e tìleya o lì hvomɛ̀nɛ̀ etimbàko ya hwejèelì hwe ama Rzàŋgo wa arzu Yerzù Krirztò, ndèŋgànɛlɛ na oma irzɔ̀ jo ò hwɛ̀ɛ mòndeŋgè na mɔ̀. Nà e rzorzomeya nanù ema,

1 Tìmotì 5:21

Nà o òhweyà ndi o worzo wo ama Lohwɛ̀, Yerzù Krirztò, na o worzo wo i aŋgèlì ema i hvɔ̀rzɔ̀wì, nanù ema e gbèeyà mamɛ ema e hwɛni lì gbeyà e rzi hwɛ ndando tɔ̀ lì timbana mòtò mburza.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

1 Pètrò 2:11

Imbùnda ja ami kòkò, na arza nanù ema e rzɔ̀ŋgìtɛ̀nɛ̀ nanù ema e hwèlì ndi hwàyɛ̀nì, inyɔ e aka ndi lì aka anu rze ya mɔ̀nyɛ̀. O eŋgànɛ̀lɛ̀ e rzi ika mèèmà me anyu o hweyà hwe e nyo ya e mòtò wa hwènàmà ehwànja eŋge e anana hwèlìŋgɛ̀ hwe anyu.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.