Mark 14:67 - l'taamitsinikssin Mark manistaitsinikatoohpiayi 1972

⁶⁷ Iitsi̱noyiiwayi otsito̱'taopissayi omi̱ po'ta̱a̱ni a̱i̱ksistohso̱yiinayi. Ni̱'tsisa̱maissammiiwayi, itani̱stsiiwayi: “Kitsi̱i̱kai'noo, ksiisto̱wa a̱nnikskaoki anni̱ksiska ota̱ohpoka̱'po̱omokikska oma̱hka Jesus iihto̱'to̱owahka Nazareth.”

Mark 14:67 Mawu Ofanana

Mark 1:24

“Jesus; kiisto̱wakaok anna̱hk iihto̱'to̱owahka Nazareth! Okki. Kita̱kohtsiki̱i̱hpa' niisto̱naan? Kika̱ta'ohto'to̱o̱hpa ka̱hkitsi'nikssi̱naani? Niisto̱wa, ki̱tssksinoo; ksiisto̱wakaok A'pistotookiwa ota̱towo'tohka'taan.”

Mark 10:47

Itohka̱a̱nistawa, “Amoyaok anna̱hka Jesus anna̱hk iihto̱'toowahka Nazareth; a̱kaya̱akohtsitssko̱owa.” Ki oma̱ Bartimaeus a̱o̱'matapsohka̱i̱nihkatsi̱matsiiwa Jesus. Awaanistsiiwa̱yi, “Jesus, noohksiki̱mmokit!”

Mark 14:54

Ki oma̱ Peter oma̱ttohpo'kia̱'pawaawahkaawayi, ki ma̱tsipiaapato̱owaatsitsi. Istsi̱kiksi o̱miksi ni̱naaiksi itohka̱n'saya̱yoohki̱maayawa; itoto̱ttaayawa, ki a̱nnima ita̱i̱ksistohsoyiiyawa ki oma̱ Peter noohka̱ttsitsito'to̱owaiksi, sta̱moohkattsitsino̱o̱piiwaiksi noohka̱ttsitaiksistohsoyiwa.