Mark 11:18 - l'taamitsinikssin Mark manistaitsinikatoohpiayi 1972

¹⁸ Ki omi̱i̱ksi o̱mahkato̱yaapiikoaiksi ki o̱miksi a̱i̱ssksinima̱atstohkatoomiks atsi̱moyihkaokakihtsimaanists ota̱'ohtsimatahsawa omi̱ ota̱nisttsiihpiayi Jesus, itoma̱tapa'psskska'tsimayawa ma̱hkanistohkottsi'nitahpiawayi; iihta̱i'ssimmiaawayi ota̱i'pisatsimmahsaawayi omi̱i̱ksi mata̱piiksi manista̱i̱ssksinimaatstohkihpiayi Jesus.

Mark 11:18 Mawu Ofanana

Mark 1:22

Omi̱i̱ksi mata̱piiks ota̱'yoohto̱yissi mani̱stssksinimaatsaahpi, sto̱nnatohtsipisatsi'takiyiawa. Ma̱tsitotoyisapssi̱waatsits anniiksk a̱i̱ssksinimaatstohkatoomiksk atsi̱moyihkaokakihtsimaani. Oosto̱yi, iitssksi̱nimaatstohkiwa a̱nni na̱i̱ssksinimi o̱mohta̱i'poyihpi.

Mark 12:12

Ki o̱miksi o'tota̱ma'pssiiksi Jews issksini̱mmiawa annisk Jesus omi̱i̱hk o̱tsskskanissinihka ota̱i'totosttohsayi omi̱ksisk a̱i̱ksimi'nikkiikska manista̱i̱sspi omi̱i̱ksi Jews noohka̱ttai'ni'tsiiyawa A'pistotookiyi oto̱tohka'ta'tsiiks a̱mok issko̱o̱htsik. Ki itani̱stsiksim'staayawayi a̱hksinnahsayi anniisk Jesus; iina̱o'tsitsiko'pommiawa amo̱ya otapiy'ssina ma̱hkitsitohtsawahsi'takssini; iina̱i'tsiistapo̱oyiawa.

Mark 3:6

Ki omi̱i̱ksi Pharisees ota̱i'sakskstsii'saw omi̱ otsi̱taomo̱woohpiaw, itohpo̱ko̱piimiiyaw stsi̱kiiks oma̱nikapiimiks annisk otsi̱sttsipihkini̱naaimoaawayisk a̱a̱nista̱yinayi Herod. Ki a̱nni̱ksao'kiaw ita̱o̱kakihtsimayawa ma̱hkanistsi'nitohpiaw anniiska Jesus.

Mark 6:20

Issksino̱yiyiihka̱yi otssto̱natatoa'pssi ki otsska̱i'soka'pssi; a̱nnihkayi istsisi̱mispommoyiiyiihkayi. Ki̱i̱wa anna̱hk Herod o̱tai'yaotsistapi'toahpiayi anniisk John o̱mohta̱i'poyihpi, a̱yaahsisstsiiwayi.