Mark 10:34 - l'taamitsinikssin Mark manistaitsinikatoohpiayi 1972

³⁴ Ki omi̱i̱ksi noohki̱i̱tsitapiikoaiks a̱kohtsitomatapohkoikkahsa'pssiawa niisto̱yi; nita̱akaisokottakiawa, nita̱akattaistsi̱pissookiawa, ki nita̱akinai'tsii'nikkiawa. Kii ayo̱kska̱oniiniki nita̱a̱kattsitssksipoitapiyi.”

Mark 10:34 Mawu Ofanana

Mark 14:63

Ki oma̱ spato̱yaapiikoana ota̱i'yoohtowahsi Jesus ota̱a̱niihpi, sta̱mi'ta̱'pohtoki'takiwa, ipo̱ayi'takiwa; sta̱mitsitsapawa̱niitsino'tsima otsistoto̱o̱hsiistsi, ki omi̱i̱ksi itani̱stsiiwa mata̱piiksi, “Kitohkana̱yoohtoaawa ota̱a̱niihpi! Ma̱taakstsina̱a̱ttotoyi'ma̱waatsitsi; ki a̱nnohk a̱nni ota̱a̱niihpi miksistawaattotoyimohsiwa. Okki. Tsa̱ kanisttotowa̱waatsitsi?” Ki omi̱i̱ksi i̱i̱mo̱waiiksim sta̱mitohka̱na̱waaniiyawa na̱i̱pahtsa'pssiwa, a̱ksta̱mi'ni̱ttawa.

Mark 14:65

Ki o̱miksi otsi̱mowaakkiksi oso̱tamitaisokottakkaiksi. Ki otsi̱tssiika̱pinipikkaiksi ki otsi̱tawaawaya̱kiookaiksi; ki otsi̱tanikkaiksi, “Okki, a̱hksa̱nikkinnaana taka̱ anna̱hk kita̱a̱waya̱kiookahka! Kita̱kohkottanikkihpinnaan ikkama̱a̱niiniki anna̱hka A'pistotookiwa ohko̱yihka.” Ki o̱miksi ota̱i̱sska̱mmokiksi otsi̱tawaawaya̱kiookaiksi.

Mark 9:31

Itani̱stsiiwaiks, “Niisto̱wakaok Na̱hkiihtsipo̱kaawahk Otapiy'ssina, nita̱akita̱pihkaokoyi anni̱ksiskayi ni̱naayi; nita̱aksi'nikkiaw; ki a̱nnimayi nitsi̱tsi'nikkoyi o̱mohtsookskaonihpi nita̱kitssksipoyitapiyi.”