Yuuda 1:3 - Bibliyeeda Ghaydit

³ Fuga aabwariinyi, geagasayi muuchi dang'oorneegwa iita lealeanoodeanya bea gealaan, ak ghaadaayi ghwahit gideaba geang'oorneegwa nea geamuscheegwa ak geeng'alealeesi masaweega ghayi sigu nibwagi ak ea majeebiikta siitaw fuga ghaydidi.

NEAJEEDA EESH BEA BUUNEESSEAN

³ Fuga abwariinyi, geagasayi muuchchi dang'oorneegwa iitta lealeanoodeanya bea geallaan, ak ghadaayi ghwahit gideaba geang'oorneegwa nea geamuscheegwa ak geeng'allealleesi masaweega ghayi sugu nibwagi ak ea majeebiikta siittaw fuga ghaydidi.

Yuuda 1:3 Mawu Ofanana

NEHEMIYA 13:25

Ak geawoowsi saawa nea ghaamwaashti saawa nea ghaabwarji mwaatkwa ea dalootiida buudeega nyaawa; nea ghaanung' ghwaak habeawooda aba gheawunga ASEETA nea geayeeshi, “Adoatawji haweegeagwa orjooga nyaawa, ghana gideaba gaygageena orjoogeagwa haweega nyaawa, ghana agoogeesean.

ISAYA 45:17

Ak eemeeda Israeli gaygwalealu NG'UTAMIIDA, aba lealeanooda manda muudeanooda; ak agooga ea mwajeapwaaspwaaseagwa nea majahirbibana damanda manda muudeanooda.

ISAYA 45:22

“Abiikni heedeanyu ak gajeelealneegwa, aba heeda oondi sean bea badayda ng'eanyiida! Aba gideaba aniini geawooschi ASEETA ak ea manda nuut.

YEREMIYA 9:3

Hean ghaghwanda ng'ushapkeaka nyaawa ghuweanga; nea ng'uyeega ea niheena jeeda ng'eanyiida ea ghwanaawa huumeanda; nea ea nisin riing'eeda ea ghwanaawda, ak ea mudu ghwanalan, ng'asheanji gwarugu NG'UTAMIIDA.

Gadiyeeda Giijasoodiga 17:3

abeeda gwarukusa buuneeda gidanyaah ng'ooruutka bea gideaba Gristo gayghwanyas hang'weaniidooda ak gwaduuna miyeeda, ak gabiikta gwayeesha, “Yesuheeni ghamneawa earukuneegwean, Gristo gil.”

Gadiyeeda Giijasoodiga 18:28

aba gideaba gabalool nea mwaawala gil ea ghwajoar fuga Yahudi aba eeshpwara, nea ghoahiimu aba ng'ooruutka ghaydidi gideaba Gristo niny Yesu.

Gadiyeeda Giijasoodiga 20:27

aba gideaba mii danung'waada rukunooda girgweageeda ASEETA. Asamiisiina geat oogasean sea hawanda,

Gadiyeeda Giijasoodiga 28:28

Asi agooga anala gideaba lealeanooda ASEETA siyeasa fuga, Eemoojiga; saawa gaygooleeysiit.”

Gadiyeeda Giijasoodiga 4:12

Ak ea manda lealeanooda aba hichpa siinuut, aba gideaba manda gheawun suuk hing'eadayda humng'eeda ghayi siitaw buuneeda jea gwalealneasa.”

Gadiyeeda Giijasoodiga 6:7

Ghaghayda ng'asheanda ASEETA; nea ghoahaada muuchi mooneeda giinealanga aba Yerusalemu, nea ashoohoodiga saang'a gwasissa mureeda masaweega.

Gadiyeeda Giijasoodiga 9:13

Ghwasha Ananiya nea gwayeesha, “Ng'utamiida, naayiinyi ng'asheegeaba siisi aba heeda fuga saang'a, ak eara ng'asheega munyas nisima fugaagu ghaydidi aba Yerusalemu;

Gadiyeeda Giijasoodiga 9:22

Iidu ghwanyas Sawli uurda, ak ghwanung' ghabeal fuga Yahudi mida Dameski aba ng'asheanji gideaba Yesu niny Gristohi.

1 Goriinto 15:3

Aba gideaba geagonyeegwa giijasta majeek bea huumwa ghayi sigoonan, bea gideaba Gristo ghami aba riing'eegaasa gawuurji ginyaashta ng'ooruutka,

Galattiya 2:5

duuku aseasa ea meamwasi iita nyaawa eara gilimwanang', aba gideaba geegasayi goobiida heedeang'wa huumeanda giijasta miy.

Galattiya 3:28

Ak biissa ea maheeli siida Yahudi ea siida Yunani, ghana siida was giing'oonyaneeda ghana dea abal geaw. Ea manda ng'eedeeda ghana gatmooda; aba gideaba agooga noowooschi agi aba naweeda Gristo Yesu.

Galattiya 6:11

Ang'ula ng'oorshooni gida aang'oardi nea geaheetu ng'ooruutka ak geang'oorneegwa aba geatindeanyu aniini.

Efeeso 1:1

Bawlo, Giijasoocheanda Gristo Yesu, aba gidagasiida ASEETA. Heeda Fuga ghaydidi biissa ea doobiiweadi aba jeeda Gristo Yesu.

GIIPKEATA DIIGHEANDA 21:9

Nih gichea geandeayda foojeanda manda ramaseanda aba jeedeang'wa, iisini ng'asheega miyaasiin aba madeeda gheanyanga NG'UTAMIIDA.

GIIPKEATA DIIGHEANDA 9:10

Hean gagoonan NG'UTAMIIDA lagheanga iyeenya sing'waara mooneeda ASEETA; nea geeng'oorsa badahuuka ng'asheega sean ghayi rukuneegwa NG'UTAMIIDA aba giijeeda rinna nyeashta bugusta beasta eaweeda sibateewa geat.

Filippi 1:1

Bawlo ea Dimoteo, was soomjooga Gristo Yesu, heeda fuga ghaydidi sean mida naweeda Gristo Yesu, mida ng'eanyiida Filipi, sea jeagiischoodiga Ganiisa sea weedanga Ganiisa.

Filippi 1:27

Anung' ghoah searoojigeagwa bea eaweega gweateayi sea giijasta miy bea Gristo, ama iyaawunyi dadaheagwa ak ghaadaayeagwa ghana ea meandani, geagasayi dayiiy aba badahuukeagwa gideaba ghoamiinaadi muuchi aba jeemba gurooroanagi, nea goobeayi fughareanagi nea goong'alealeesi masaweega giijasta miy,

Golosaayi 1:2

Heeda ASEETA fuga ghaydidi doobiiweadi was orjoogiyya aba jeeda Gristo Yesu mida Golosayi: Gagasa anyasa dagheerjeanduumeeda ea hoyyoo jea gwaleabu heeda ASEETA was Ghweandeanya.

1 Desaloniikke 2:2

eara gwasa ning'ata sawanadeedeanya nea geapwaaspwaseasa aba Filipi, aba gidoanaldi, hean goomajeegeasa ASEETEANYA ak gearukuneegwa giijasta miy bea ASEETA aba madeeda fuga eang'alealeewi.

1 Dimotteo 1:18

Ea orjeedeanyu Dimoteo, geagoonyeey diigheanji ghoah giidiiwshooda aba badayda ng'asheega was ramooranga ghayi ashoohu aba badaydaang'u, ak aba badaydeaba suh ging'uchi muuchi ng'ucheedida.

1 Dimotteo 6:12

Ng'ucheena muuchi ng'ucheedida bea masaweegean, ang'waanya eaweegiga manda muudeanooda ghayi siguurnaneeyiin, ak gimuuwu muuwuunooda miy aba madeeda muushoodiga saang'a.

2 Dimoteo 1:13

Ang'waanya gidahiimu ng'asheega mideawa eaweega ghayi iyiing'si heedeanyu, aba masaweega ea bariinyeega mida jeeda Gristo Yesu.

Ditto 1:4

Heeda Dito jeepteanyu bea huumwa aba naweeda masaweega siipareanyi. Gagasa nyasa dagheerjeanduumeeda ea hoyyooyda leabu heeda ASEETA was Bwaabwa ea heeda Gristo Yesu was lealnoocheandeanya.

Ebraniya 13:22

Geamuscheegwa, fuga eaduupcheewi, oang'waanya ng'asheandeanyu jea goomajeegeegwa, aba gideaba ng'asheesu geang'oorneegwa nea ghaanuwaaschi.

Ebraniya 6:9

Asi earapeadi sibalooldunuun, aba badahuukeagwa, fuga aabwariinyi, geanali muuchi ng'asheega miyaasiin bea lealeanooda.

1 Betro 5:12

Geang'oorneegwa barawajeanji nea ghaweadan Silwano, niny ghaadaayi orjeediyya doabiiwaat gil, ak geang'ayiichi ng'asheesu bea reekusiindean nea gearugu gideaba nih dagheerjeanduumeeda huumwa gil bea ASEETA; amiinaada aba badaydeaba nih nea goowooschi majeekcheewi.

2 Betro 1:1

Simon Betaro gil, soomjeanda ea giijasoocheanda Yesu Gristo, heeda fugiga ninyas masaweega uurjeewaneasean, aba doobiiwnata ASEETEANYA, ea lealnoocheanda was Yesu Gristo.

2 Betro 2:21

Aba gideaba ghang'wana gwachi ea mwanala naweedida doabiiwaadiin mwasamwa gideaba ghwanal ak iidu ghwanung'wa heeda diigheandida ghaydit siitawiin saawaan.

Yuuda 1:1

Yuda, soomjeanda Yesu Gristo was orjeeda geenyea Yakobo. Heeda fuga siguursa, aabwariinyi aba jeeda ASEETA was Bwaabwa ak geetiiwsa Yesu Gristo:

Yuuda 1:17

Asi agooga fugeasu aabwariinyi, oapkaada, ng'asheega ghayi bay gwarugu giijasoodiga Ng'utamiideanya was Yesu Gristo;

Yuuda 1:20

Nea agooga, fuga aabwariinyi, amajeegiita aba badayda masaweegeagwa ghaydidi muuchi; nea ghoamwaashchi ASEETA aba Guroorooda Ghaydit;

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.