YOSHUWA 7:1 - Bibliyeeda Ghaydit

¹ Ak fuga Israeli gwasin riing'eeda aba badayda haleanjeeda siikghaydiit; aba gideaba Akaniheeda was orjeeda Garmi, bea Sabidi, bea Sera, bea eemeeda Yuda, gageanda haleanjeeni ng'ay siikghaydiit; ak ghwanyareas NG'UTAMIIDA aba badayda fuga Israeli.

YOSHUWA 7:1 Mawu Ofanana

GIING'EETA 34:27

Iing'ata bayiiga buuneeda ghwahidu orju suuk bea Yakobo ak ghoareat haleanjeeda aba jeeda mujiini, aba gideaba huda ghaamwat sibwara darari;

2 SAMWELI 24:1

Muchu gabiikta ghang'eat nyarasta NG'UTAMIIDA aba badayda Israeli, ak ghwanung' Dawdi ghwanyas sawanadeeda saawa, ak gwayeesha, “Una, ak giyiidayi fuga Israeli ea Yuda.”

2 SUGOODIGA 5:24

Iidu nea geahita heayeeda mida Elisha gageanda Gehasi shageenigiga asiyeenyean. Ak ghwasar ghwaat gheanyi, nea ghwanung' gabiikta fuga gadiyeeda bea Naamani.

1 DAMANYOOJIGA 21:7

Amadu gamunyiit ng'asheanji aba madeeda ASEETA, ak ghwalas fuga Israeli.

2 DAMANYOOJIGA 24:18

Hean ghwanung'wa heeda gheeda NG'UTAMIIDA, was ASEETA ghweaniga nyaawa, ak gagadiiyeesa Asherimu ea sanaamajeega. Ng'ata ghwahidu nyarasta iheenga Yuda ea Yerusalemu aba ramaseanji iteanyaawaan.

ESRA 9:6

nea geayeeshi: “Ea ASEETEANYU, naabwasbwaschi ak ea neahirbabanyi aba gideaba gaydagatgat gheanyangeasu deageal heeda ASEETEANYU, aba gideaba giidiinyeanyeekaasa nidiyeada ea ghwasuut iheengaasa, nea ramaseandeanya ea nidiyeada ea ghwahita humng'eeda.

AYUBU 35:8

Munyindaang'u ghoamu gwasawan siida iwuurjeewi, nea doobiiwnataang'u ghoamu ghaweat siida.

REEKUSIINDA 9:18

Weaghuumeeda aamiy ea ghang'al dabita ng'ucheeda, nea siida riing'eeda iissa gwanuus ng'asheega saang'a miyaas.

DANIELI 9:7

Nea ang'iing'i, Ea Ng'utamiida, gisinayi ng'asheega doobiiweadi, nea aseasa iissa geesinyi ng'asheega baspaseega munyas gawuurji gideaba ghamneawa, aseaseeda mida ng'eanyiida Yahudi ea fuga mida Yerusalemu, ea Israeleeda sean, fugiga neekiin ea fugiga sheagiin, mida jeeda ng'eanyiisean ihoani, aba badayda ng'asheega munyas sinneey.

NG'ASHEEGA LAWI 10:6

Ng'ata gwayeesha Musa Haruni, sea Eleasari sea Asamari, was orjoagaaschi, “Adoanung'unyi gafararan buudeega iheengeagwa, ak ea adoabwaashaadi hang'weakeagwa, aba gideaba gajiidu goomeewayi, aba gideaba gajiidu ghwahidu nyarasta aba badahuuka buuneesean; nea orjooga giyeang'wa, sea gheesean bea Israeli, gaygooyeawda aba beasta ghwar NG'UTAMIIDA.

YONA 1:7

Gaba siisi eesha nuut, “Beeni eebwara lagheanga ak gajeanala siida bea ramaseanda ayi bwak ea ghoahiidu heedeanya munyinda.” Hean ghabwar lagheanga ak ghwanyas lagheaneeda Yona.

YOSHUWA 22:16

“Gwayi fuga bwatgeat bea NG'UTAMIIDA, ‘Nih anagiidiinyaan gil ootiiysi ASEETA Israeli ak ghoayamnyi geat eaweecheanji aba eata geeshta NG'UTAMIIDA, ak goodeeksi geat heeda wagiida eaweecheanji nea ghoaheawi NG'UTAMIIDA?

YOSHUWA 22:18

mayghwashiy gajayamwa geat eaweecheanji aba eatooda geeshta NG'UTAMIIDA? Ak inyas ghoaheawi NG'UTAMIIDA eaweecheanji abeeda gayghwanyareas numuji aba badayda fuga bwatgeat bea Israeli.

YOSHUWA 22:20

Heapi Akani was orjeeda Sera ea miigoodiiy aba haleanjeedida ghaydidiin, ak goobissa nyarasta badayda fuga bwatgeat bea Israeli? Ak siidida ea miyealas nea gabwa geaw aba giidiinyeanyeekaaschi.’”