YOSHUWA 6:2 - Bibliyeeda Ghaydit

² Ak gwayeesha NG'UTAMIIDA Yoshuwa, “Daaha Yeriko naayiinyi geatindaang'u, ea sugoocheandaanyi ea headigaaschi mideawa uurjeenga bea ng'ucheeda.

YOSHUWA 6:2 Mawu Ofanana

2 SAMWELI 5:19

Ng'ata ghoanyaashta Dawdi aba heeda NG'UTAMIIDA, “Aniini gaydawa dang'uchi fuga Filisti? Gajiina saawa geatingeasu?” Ghwalamda NG'UTAMIIDA ak gwayeesha Dawdi, “Una, aba gideaba aba huumwa gaydayiin fuga Filisti geatingaagu.”

NEHEMIYA 9:24

Hean gaweay jeatida jeeda ak goombal ng'eanyiida, ak gijoari fuga bea ng'eanyiida aba madeanyaawa, nea fuga Ganaani gil, ak giyiini saawa geatinga nyaawa, sea sugoodiga nyaawa ea fuga bea ng'eanyiida, ak gwasima saawa gawuurji gidagasiida.

DANIELI 2:21

Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

DANIELI 2:44

Nea aba damandeaba sugoodisu gayghamiinda ASEETA humng'eeda sugoocheanduumeeda nuut majeamu eayam, ghana eenung'usa gheambalmeadaanyi fih suuk. Ak gaygwanyarjeaweada sugoodisu seaniin ea goosha, ak gaygoobiida sugoocheanduumeeni damanda manda muudeanooda;

DANIELI 4:17

Nih diigheanda siitaw malaykajeanda, was ng'asheanda leabu heeda ASEETA asagi ghaydit, ak abeeda ghwanal buuneesean gideaba ASEETA Haw bea humng'eeda gwandeawa uurda burdeawa sugoocheanduumeeda buuneeda ea gideaba ghoamu ghoadaw siida wassean loat, ak ghoadaw eara ea siida mwanang'eawa suurja.’

DANIELI 4:35

aba gideaba fuga mida ng'eanyiida mawuurji gil, ak iissa gwasinda ng'asheega gidagasiida aba humng'eeda ea aba jeeda fuga abiita ng'eanyiida; ak ea manda siida ammu gwareekusa niny ghana gwayeesha niny, “Gisini naaha?”

DANIELI 5:18

Ea sugoocheanda, ASEETA Haw bea Humng'eeda ghoadaw gweanu was Nebukadinesa sugoocheanduumeeda ea hawunda ea gharbeeda ea hawunda;

GIIPKEATA DIIGHEANDA 7:24

Ak gayghwayiin sugoodiga nyaawa geatindaang'u, ak gaynung' gwarooda gheawunga nyaawa aba hing'eadayda humng'eeda, ak ea manda siichea ghoamu ghamiinaada aba madeadaang'u ea eeyi bwak ea lasa uhuuda.

YOSHUWA 12:9

Sugoocheanjagi bea Yeriko, sugoocheanjagi bea Ayi, mida murdeeda Beteli,

YOSHUWA 2:24

Ak gwayeesha Yoshuwa, “Aba huumwa NG'UTAMIIDA niyiin ng'eanyiisean geatingaasa; nea eara fuga sean bea ng'eanyiida ea nibeal aba madeedeanya.”

YOSHUWA 2:9

ak gwayeesha fugiga, “Ghaanali gideaba NG'UTAMIIDA nigooneegwa ng'eanyiini, ak ea niibiseasa muuwda aba madeedeang'wa, nea fuga sean bea ng'eanyiida ea ninyar aba madeedeang'wa.

YOSHUWA 20:1

Hean gwayeesha NG'UTAMIIDA Yoshuwa,

YOSHUWA 6:1

Asi Yeriko abeeda mujiini siirana jih ea bwadaw nea geebaysiina fuga Israeli; manda siida jea gwarita jarooda nea manda dea jea ghwaan jeeda.

YOSHUWA 6:3

Inyeesa gajaneaweesiina mujiini, sea headiga sean bea ng'ucheeda, gajaweayeena nea gooneaweesi mujiini nibwagi. Gajasindunu eawooji lah.

YOSHUWA 8:1

Ak gwayeesha NG'UTAMIIDA Yoshuwa, “Adibeali nea adihirbabani; adeayeewana fuga sean bea ng'ucheeda, ak ging'eadi siyeang'da ea una mujiineeda Ayi; daaha naayiinyi geatindaang'u sugoocheanda Ayi, sea fugaaschi, ea mujiineadaanyi, ea ng'eanyiidaanyi;

FUGA LAJA GIRGWEAGUUTKA 11:21

Ak NG'UTAMIIDA was ASEETA Israeli ghwaahaak Sihoni sea fugaaschi sean geatinga Israeli, ak ghwanung' eajoar saawa. Hean goombali Israeli ng'eanyiida sean bea Amori ghayi abiita hoowa.

FUGA LAJA GIRGWEAGUUTKA 11:24

Ang'iing'i neada ea majambala gidagoonyi Gemoshi was ASEATAANG'U jea ambala. Ea siisi nyooh ghoang'aamwa NG'UTAMIIDA was ASEETEANYA madeedeanya, gajeembala.