YOSHUWA 5:6 - Bibliyeeda Ghaydit

⁶ Aba gideaba fuga Israeli gwaneayi gweanyeew haradam aba jeeda dareapcheeda, ea ghoah eemeesean headiga ammu ng'ucheeda was gea ghayi leabu Misri, ak goosha aba gideaba mooleeysiiniit ghuuta NG'UTAMIIDA; nea aba jeenyaawa gweaksa NG'UTAMIIDA habeawooda gideaba mayghwanung' ghwadaah saawa ng'eanyiida ghayi aksa NG'UTAMIIDA habeawooda ghweaniga nyaawa gideaba gaygagooneasa, ng'eanyiida nyiit eanooga ea maleeda.

YOSHUWA 5:6 Mawu Ofanana

NYIIGHEEGA 107:4

Hean gwaneayeewa dareapcheeda aba naweeda dareabeeta ak ea mwanyasa mujiineeda jea goobiida;

RITEAYDA 3:17

ak ea neabean dargu gideaba gaydeascheeng'neegwa aba jeeda sawanadeeda fuga Misri, ak gaydeaneegwa ng'eanyiida fuga Ganaani, ea Hiti, ea Amori, Beresi, Hifi, ea Yebusi, was ng'eanyiida gulda eanooga ea maleeda.”’

RITEAYDA 3:8

ak ghaararang'aanyi dalealu aba geatinga fuga Misri, ak geascheeng'ni ng'eanyiita ea ghapka ng'eanyiida miy haw, ng'eanyiida gulda eanooga ea maleeda, ea ghwahiita ng'eanyiida fuga Ganaani, ea Hiti, ea Amori, ea fuga Beresi, ea Hifi, ea fuga Yebusi.

YEREMIYA 2:2

“Una ak girukwiidi giijasi aba heeda fuga Yerusalemu, Gwayi NG'UTAMIIDA, Aniini ghaapkaachi doobiiwnata gheareemaneanduumeadaang'u, ea bariinyeagaagu uurji gea sibeeda, gidiyaataaydi geeshteanyu aba jeeda dareapcheeda, jeeda ng'eanyiida miyeehisa gil.

ESEKIELI 20:15

Hean geayeaksi saawa habeawooda aba jeeda dareapcheeda gideaba, maygut danung' gaweay jeeda ng'eanyiida ghayi aadawji saawa. Ng'eanyiida nyiit eanooga ea maleeda, nea ea ghaambiidaat ea ghang'al ng'eanyoojiga sean aba alooheeda.

ESEKIELI 20:6

Eaweeda ghayi eayeaksiini saawa habeawooda. Ak geascheeng'ni saawa ng'eanyiida Misri, ak ghaanung' gaweay jeeda ng'eanyiida ghayi ealoosi saawa, ng'eanyiida nyiit eanooga ea maleeda, ng'eanyiida miy aba alooheeda ea ghang'al ng'eanyoojiga sean.

YOELI 3:18

“Nea abeeda eaweedida, gayghoabuutpuudu giijeega difaayeeda inya, nea gagulna heayeeniga eanooga, nea eeniga sean bea Yuda gaygooruudu beega saang'a; ak gaygwarina gheang'deenda jeeda gheeda NG'UTAMIIDA, ak ghoaleayda moangoachiyda Shitimu.

IITOODA 14:23

aba huumwa aniini geayi mayghwadaah ng'eanyiini ghayi eayaksi habeawooda ghweaniga nyaawaan, nea aba jeedeaba fiisu sean foolaniin ghanyea manda dea jea ghwadaa;

IITOODA 26:63

Suh fuga iida Musa ea Eleyasareeda was ashoohoocheanda; was fuga ghayi iida fuga Israeli aba ng'eanyiida awiida bea Moabu, neekeewa Yordani mida ng'eanyiida Yeriko.

GIIPKEATA DIIGHEANDA 1:3

Hean gweaydeaba haradam, eaweeda madeeda bea sheedeaba damanagi, goorgweaksa Musa fuga Israeli, hean ng'asheega sean rukusa NG'UTAMIIDA jea ghoah digheanyeeka.

GIIPKEATA DIIGHEANDA 2:14

Nea eawoojiga beata sing'eadi Gadesh-barneya ea eakghaawana eenda Senedi gweanyeeka ea diktam ea damasis, bwak ea eebwar goosha seaygeeda fuga ng'ucheeda, aba jeeda maheemajeega nyaawa, ghoah gidakta NG'UTAMIIDA habeawooda.

GIIPKEATA DIIGHEANDA 2:7

Nea NG'UTAMIIDA was ASEETEANG'WA ea nigooneegwa ghawooda aba gadiyoojiga sean noosinyi aba geatingeagwa, niny ghwanal gida ooneayeati aba jeeda dareapcheeda haw; gweanyeeksu was haradamiin, NG'UTAMIIDA was ASEETEANG'WA gwandeewaneegwa; nea manda gil niweadaneegwa.’

GIIPKEATA DIIGHEANDA 8:4

Aba jeedeaba gweanyeeksu was bughalaan hang'weaka badahuukeagwa miigameewa nea eara geeshangeagwa ea mii goopkeani.

Ebraniya 3:11

Gawuurji gidaayaakti habeawooda aba nyarasteanyu, ‘Ghanyea maygaweay heeda jea dafuufa.’”

YOSHUWA 1:6

Daruusiida nea gimwaanyiidi muuchi; aba gideaba gaynung' gwahearan fiisu ng'eanyiida ghayi eayeaksi ghweaniga nyaawa habeawooda gideaba gaydaadaw saawa.

YOSHUWA 24:7

Iidu nea gooyeawusa NG'UTAMIIDA, hean ghwayiin misaneeda dageascheedeang'wa ea dea fuga Misri, ak ghwanung' ghwahidu basooda badayda nyaawa ea gwadukuta saawa; ak ghwadaah gheanyangeagwa gideahindi fuga Misri; ak goopiidi jeeda dareapcheeda ea gageawiit.

YOSHUWA 5:5

Aba gideaba fuga sean rinna hoowa abeeda siyiili, nea fuga sean sijiilsa naweeda dareapcheeda damanda rinna Misri, abeeda ea miyeeyiil.

YOSHUWA 5:7

Asi diibiga nyaawa goong'eadu niny aba hoorgeenyaawa, nea gea ghayi ayiili Yoshuwa gil; aba gideaba miyeeyiil, aba gideaba ghayi miyeeyiil aba naweeda.