YOSHUWA 3:8 - Bibliyeeda Ghaydit

⁸ Ak girukusi ashoohoodiga sar sandakwajeanda neajeeda gideaba, ‘inyas ghoahiti ghuuta beega Yordani, abeeda ghoamiinaadi aba jeeda Yordani.’”

YOSHUWA 3:8 Mawu Ofanana

2 SUGOODIGA 2:6

Ghwalamda Eliya gicha ak gwayeesha, “Eaniyean apteada aba hiji aba gideaba niijeaktanean NG'UTAMIIDA gaydawa ea dahita Yordani.” Ghwalamda ak gwayeesha, “Aba gidabiideata NG'UTAMIIDA ea gidiibiideati ang'iing'i aniini maynung'sean heeda.” Hean ghang'eat gaweay duwaawi.

2 DAMANYOOJIGA 29:15

Ng'ata ghabwat geat buweadeega nyaawa, ak ghoaghaydiit geat, ak gaweay gah gawuurji gidarukuteayda sugoocheanda, aba ng'asheega NG'UTAMIIDA, gaweay goobuus gheeda NG'UTAMIIDA.

2 DAMANYOOJIGA 29:27

Hean gwarukuta Hesekiya gideaba gajeatayda haleanjeeda sisabwa geadi sigwariida aba heeda wagiida. Hean nea ghang'eat giidaydeayda haleanjeeda sisabwa geadi sigwariida, hean ghang'eat eara duumda NG'UTAMIIDA, ea durumbeatajeega nea goodeayi sea ginandajeega sugoocheanda was Dawdi bea Israeli.

2 DAMANYOOJIGA 29:30

Hean sugoocheanda was Hesekiya sea fuga hees gwayeesha fuga Lawi aduumsheesiina NG'UTAMIIDA aba ng'asheega Dawdi ea Asafu was meang'nyeanda. Hean gwaduumsheesa aba hooseaneega, aba ng'ata ghwahiiy geat ak ghaghadoawan niny.

2 DAMANYOOJIGA 30:12

Nea geatinda ASEETA abeeda gwanda badayda Yuda ak ghoadaw guroorooda jea gwasin gidarukusa sugoocheanda ea fugaaschi hees aba ng'asheanda NG'UTAMIIDA.

NEHEMIYA 13:22

Ak gearukusi fuga Lawi gideaba ghoamiidu geat ak ghapka gafur dooshinga, nea ghoaghaydiit eaweeda sabaato. Apkaada eara nih aba jeeda alooheedeanyu, Ea ASEETEANYU, ak gisiksean aba seang'ayda bariinyeagaagu.

NEHEMIYA 13:28

Ak orjeanagi bea jeeda orjooga Yodaya, ea orjeeda Eliashibu was ashoohoocheanda haw, nea abeeda ea orjeeda agweaji Sambalati gil was siida Horoni; hean ghaahoani niny heedeanyu.

RITEAYDA 14:13

Ghwalamda Musa ak gwayeesha buuneeda, “Adoabeali, amiinaada oomajeega geat, ak gajadaaha gichea gwalealdeaydaneegwa NG'UTAMIIDA, ea gichea gwasin eanean aba badaydeang'wa, fiisu bea Misri oadaayi ghamneawean, maygudu abiikta adaaha.

HEAREEGA 3:26

Aamiy gideaba siida gayghoamuughu lealeanooda NG'UTAMIIDA nea ghwasiinda.

YOSHUWA 3:17

Hean gwasik fuga Israeli sean ng'eanyiida ghajaam, nea ashoohoodiga sar sandakwajeanda neajeeda bea NG'UTAMIIDA ghamiinaada aba heeda ghajaam aba bugusta Yordani, ea gwayi bwak ea ghang'ata eemeesean aba Yordani.

YOSHUWA 3:3

ak gwarukusa buuneeda nea geeyeesha, “Inyas ghoadaayi sandakwajeanda neajeeda bea NG'UTAMIIDA was ASEETEANG'WA nea ghwasar ashoohoodiga fuga Lawi abeeda ghoang'ami heedoondi ak ghoayaachi geeshta,

YOSHUWA 3:7

Ak gwayeesha NG'UTAMIIDA Yoshuwa, “Eanean gaydeambiinyi aba madeeda fuga sean bea Israeli, ak abeeda ghwanal gideaba gidaghayi eandeayeati Musa, gichea dandeayeataneegwa.

YOSHUWA 3:9

Ak gwayeesha Yoshuwa fuga Israeli, “Apkaana hiji, ayiinya ng'asheega NG'UTAMIIDA was ASEETEANG'WA.”

YOSHUWA 4:11

Iidu nea niighaaw buuneesean, hean ghoaghaaw sandakwajeanda NG'UTAMIIDA ea ashoohoodiga aba madeeda buuneeda.