YOSHUWA 3:11 - Bibliyeeda Ghaydit

¹¹ Ng'ula, sandakwajeanda neajeeda bea NG'UTAMIIDA gayghang'ataawa madeadaang'u buuneesean bea ng'eanyiida ea ghwahita Yordani.

YOSHUWA 3:11 Mawu Ofanana

1 DAMANYOOJIGA 29:11

Ea NG'UTAMIIDA, hawunda daang'u, ea giimuusta, ea giigheambiita, ea jooriischooda, ea gheambalmeeda; aba gideaba haleanjeessean mida humng'eeda ea ng'eanyiida gaagu gil; gheambalmeeda daang'u, Ea NG'UTAMIIDA, ak ea siikghaambiinyi, ang'iing'i guwoosi haweewa haleanjeeda sean.

AYUBU 41:11

Dea asheeda gagoonan gida ng'eaha? Ak gaydeadeelsa, haleanjeeda sean mida hing'eadayda humng'eeda geasu sean.

NYIIGHEEGA 24:1

Ng'eanyiida ea haleanjeeda sean mida jeeda gaba NG'UTAMIIDA, ng'eanyiida sea haleanjeeda mida jeeda;

NYIIGHEEGA 97:5

Ak ghwanyarda giijeega hideeda aba madeeda NG'UTAMIIDA, aba madeeda NG'UTAMIIDA ng'eanyiisean.

ISAYA 3:12

Fugeasu ghaghabwas diibiga nyaawa, ak saawa goombal gadeemga. Ea fugeasu, gahuteaweegwa fugeagwa mida madeedeang'wa, ak ghwadatas naweadingaagu.

ISAYA 54:5

Aba gideaba dea sinyi siyeadaang'u gil, NG'UTAMIIDA lugweega gheawungaaschi gil; ea Deaghaydit bea Israeli lealnoocheandaang'u gil, ak niny, gajeeguura ASEETA ng'eanyiisean.

YEREMIYA 10:7

Heapi mayghoawalnyi ng'eaha, Ea sugoocheanda eemoojiga? Nih gidahaguuwnyi gil, Aba jeeda fuga sean bareahi iheeni bea eemoojiga ea aba heeda gheambalmoojiga nyaawa sean manda dea jea eegalaneey.

MIKA 4:13

Ng'eada ak gilaji booga, Ea huda Sayuni, aba gideaba gaydanung' ghoah gujaweadaang'u gharinyeanda nea baneaktaang'u ghoah lagheanga oomng'i; ak gaybwara fuga saang'a ea ghoah hayaganga, ak meanang'oocheanduumeeda nyaawa gajadawa NG'UTAMIIDA, nea haleanjeeda nyaawa sean gaba NG'UTAMIIDA bea ng'eanyiisean.

SEFANIYA 2:11

NG'UTAMIIDA gaygwandeawa gharbeeda aba badayda nyaawa; ak gayghabwar aseecheeka sean bea badayda ng'eanyiida aba geejeeda, nea gaba nih hiysa geaw niny aba heeda mida, aba ng'eanyiissean bea eemoojiga.

SAKARIYA 14:9

Ak gayghoah NG'UTAMIIDA sugoocheanda aba badayda ng'eanyiisean; nea eaweedida NG'UTAMIIDA gajea agi nea eara gheawungaaschi gajea agi.

SAKARIYA 4:14

Hean gwayi, “Suh fih iyeenya gil loat ASEETA ak ghoamwaar gagadiiyeesa ninyeeda was NG'UTAMIIDA ng'eanyiisean.”

SAKARIYA 6:5

Ak ghwasha malaykajeandida ghuuteanyu ak gwayi, “Suh gwarina meadajeega asang'wan bea humng'eeda, nea gwaleabu madeeda NG'UTAMIIDA bea ng'eanyiisean.

GIIPKEATA DIIGHEANDA 9:3

Hean bisiina nala gidang'eada ghamneawa gideaba siida asheedeawaneey uurji beasta NG'UTAMIIDA was ASEATAANG'U gil; gaygahuuyda sean nea ghwanung' goobeedeayi sean aba madeadaang'u, ak gayhoana aba madeadaang'u nea ginung' gwarooda aba damandida, ghoah gidarukuteayda NG'UTAMIIDA.

YOSHUWA 3:13

Inyas ghoala ashoohoodiga sar sandakwajeanda neajeeda bea NG'UTAMIIDA, Ng'utamiida bea ng'eanyiisean, ak ghoala beega Yordani, abeeda gayghamiinaada beega Yordani maygagulda, nea beega rarang'aan leabu humng'eeda gaygabassa geat hijagi gawuurji dulgwajeanda.”