YOSHUWA 24:2 - Bibliyeeda Ghaydit

² Ak gwayeesha Yoshuwa fuga sean, “Gwayi NG'UTAMIIDA was ASEETA Israeli, ‘Ghweanigeagwa ghayi garayi goobiida giigheawda Eenda Furati, ghweanda Abrahamu was Dera, ea Nahori; abeeda gagadiiyeesa aseecheeka suuk.

YOSHUWA 24:2 Mawu Ofanana

GIING'EETA 11:22

Gwayi bwak aba bea Serugi ng'eanyiida gweanyeew diktam ea damanamughuush, gwaji Nahori;

GIING'EETA 11:24

Gwayi bwak aba bea Nahori gweanyeew diktam ea shageash, gwaji Dera;

GIING'EETA 11:26

Gwayi bwak aba bea Dera gweanyeew laadam ea damanamughuush, gwaji Abramu, ea Nahori ea Harani.

GIING'EETA 11:27

Suh jeacheenga Dera gil. Dera gwaji Abramu ea Nahori ea Harani; nea Harani ea ghweanda Lutuhi.

GIING'EETA 31:19

Abeeda Labani nuwa ghwalajaada buudeega gisilgaaschi, ak gwajagwat Raheli aseecheeka ghwaan.

GIING'EETA 31:30

Ak ghamneawa ea nuwi aba gideaba gigasayi muuchi beata ghaheang'wa, abeeda ghwasaan inyas gijagwadi haleanjeedeanyu eagadoowanayi?”

GIING'EETA 31:32

Siida wassean inyasi haleanjeadaang'u igadoowanayi maygoobiida ng'eanyiida. Aba madeeda buweadeagaagu miina gida eandeawi was daang'u, ama ng'ata gigeandi.” Abeeda Yakobo mwanala gideaba nijagwat Raheli haleanjeedida.

GIING'EETA 31:53

ASEETA Abrahamu ea ASEETA Nahori, was ASEETA ghwaan, gagasa goobiida dageascheedeanya gooheelaneasa.” Hean ghwaak Yakobo habeawooda aba Gheawalmeeda ghwaan was Isaka,

GIING'EETA 35:4

Hean ghoadaw Yakobo haleanjeeda sigadoowani sean bea eemoojiga mideawa, ea seangheayoojiga mida iidiga nyaawa; ak ghafuy Yakobo aba guumda sabiida neekeewa Shekemu.

1 DAMANYOOJIGA 1:27

ea Abramu (biisa geeguura Abrahamu).

ISAYA 51:2

Ang'ula Abrahamu was ghweandeang'wa ea Sara ghayi jiilneegwa; aba gideaba ghayi nea gabwageaw geaguursi, ak ghaadawji ghawooda ak ghaanung' ghwasaang'ayiit.

ESEKIELI 16:3

Ak giyeeshi gideaba gwayeesha NG'UTAMIIDA was ASEETA Yerusalemu gumdoodaang'u ea heeda ghayi sijiilseey ng'eanyiida Ganaani gil; ak gweanu ea Amori, nea geamadu gaba eemeeda Hiti.

Lukka 3:34

Yuda gaba Yakobo, Yakobo gaba Isaka, Isaka gaba Abrahamu, Abrahamu gaba Dera, Dera gaba Nahori,

GIIPKEATA DIIGHEANDA 26:5

“Ak girukuti geaw aba madeeda NG'UTAMIIDA was ASEATAANG'U nea giyeeshi, ‘Bwaabwa siida ng'eanyiida Arameni gil, ak gaweelweel ea ghwararang'aada gawa ng'eanyiida Misri ak ghoah rabascheanda aba hoowa, nea geewooschi ng'ay, aba hoowa geeyi bwak ea eahuuwa eemeeda saang'a, mideawa uurda, bwada seang'ayda.

YOSHUWA 24:15

Ak iyoadaayi gideaba mwadoabiiwa gadiyeesiinda NG'UTAMIIDA, abeeda ghoaloachi askweareani dea jea agadiyeesiina, ii aseecheeka ghayi gadiyeesa ghweanigeagwa aba ng'eanyiida giigheawda eenda Furati, ghana aseecheeka Amori oopiidi ng'eanyiida nyaawa; ak aniini ea gheanyu, gajeegadiyeesiina NG'UTAMIIDA.”