YOSHUWA 2:3 - Bibliyeeda Ghaydit

³ Hean goojeaksa sugoocheanda Yeriko buuneeda heeda Rahabu nea gwayeesha, “Aruuni jarooda fuga buwa headaang'u, fuga hidu jeedeaba gheang'u; aba gideaba ghapka gwasikteawa haleanjeeda sean bea ng'eanyiida.”

YOSHUWA 2:3 Mawu Ofanana

GIING'EETA 38:24

Hean nea ghang'ata sheeh samwagu geeyeesha Yuda, “Damareeda was gatmooda orjeedang'u ghayi gwahiseada; ak ghamneawa ea nidurmwaniit.” Ghwalamda Yuda ak gwayeesha, “Ooruuni, ak ghoaghwardi ghami.”

GIING'EETA 42:31

Ak geeyeeshi aseasa, ‘Aseasa geewooschi fuga miyaas, aseasa meawoosi fuga ghwalda gheang'da;

2 SAMWELI 10:3

Iidu gwayeesha sugoodiga fuga Amoni Hanuneeda was ng'utamiida nyaawa, “Ang'iing'i iing'ulayi Dawdi goojeagu fuga buwa gageanda salgheang'da aba gideaba gwasissa gweanu mureeda? Neada Dawdi ea meajeakna fugaaschi bea gadiyeeda ghwadaah mujiini, nea ghaghwalda gheang'da, ak ghwalas uhuuda?”

2 SAMWELI 17:20

Iidu nea ghwahidu fuga gadiyeeda Absalomu heeda gatmooda aba ghoah, gwayeesha saawa niny, “Gwanda yeenu Ahimasi ea Yonatan?” Ghwalamda gatmooda ak gwayeesha saawa, “Niighaawa ghealooda beega.” Iidu nea geegasa ak ea meanyasa saawa, ghwayam geat gabiikta Yerusalemu.

1 DAMANYOOJIGA 19:3

Ng'ata ghwalamda fuga hees bea eemeeda Amoni ak gwayeesha Hanuni, “Ang'iing'i giyeenayi Dawdi goojeagu fuga buwa giiloong'siinda aba gideaba gwasissa mureeda gweanu? Neada fiisu bea gadiyeedean ea mwapka gheang'da nea goosheakshi nea gagasa ghabwaay ng'eanyiida?”

AYUBU 21:30

gideaba fuga munyas geesiksa eaweeda sawanadeeda, ak geelealu eaweeda nyarasta?

NG'ASHEEGA LAWI 24:14

“Aruunana jeeda gheeda siidida mooriidean; ak abeeda ghwayiin buuneesean niyiiy geatinga nyaawa uhuudaanyi, ak abeeda geanung' gafuta lagheanga buuneesean.

Yohaana 19:4

Gabiikta Bilato jarooda ak gwayeesha saawa, “Adaaha gearuudu siisi jarooda aba gideaba aniini mwaadaahi giidiinyeandaanyi.”

Gadiyeeda Giijasoodiga 12:4

Iing'ata ging'ooyda geejaksa ghealooniga, ak geenung' gafur gheamughuushcheew ang'wan bea shirikara, abeeda gabaysiina gideaba iing'ata ghweelmeeda Basaaka geayaat madeeda eemeeda.

Gadiyeeda Giijasoodiga 12:6

Eaweedida jea gwachi iimuchu gooruuna Herodehiin, abeeda Betaro gwalil aba dageascheeda shirikaraji iyeenya, ak ea sirada aba munyaloalaji iyeenya, nea shirikara suuk gafur gheeda siratiisa buuneeda;

YOSHUWA 10:23

Ak geesinda gidida, geeruuna sugoodigiga amuudiin jeeda gwaleeda, ak geeyeassa niny nea sugoocheanda Yerusalemu gil ea sugoocheanda Hebroni, ea sugoocheanda Yarmuti, ea sugoocheanda Lakishi ea sugoocheanda Egloni.

YOSHUWA 2:2

Ak geerukusa sugoocheanda Yeriko nea geeyeesha, “Ng'ula nupka fiispa Israeli hiji ghoosa eawa gwasikteawa ng'eanyiida.”

YOSHUWA 2:4

Ng'ata gageanu gatmoodida fugiga asiyeenyean ak ghafuy; ak gwayeesha, “Huumwa gil buuneeda nupka gheenyu, ak ea mwaanali heeleabu;

FUGA LAJA GIRGWEAGUUTKA 4:20

Ng'ata gwayeesha, “Miinaada aba ghuuta maheemajeanda, ama inyas gwanda siisi jea ghwaan ak goobearseey gideaba, ‘Gwanda siisi mida hiji?’ Eena, Manda.”