YOSHUWA 15:2 - Bibliyeeda Ghaydit

² Moonghooda nyaawa bea wiilooda ng'eanyiida biyeara ghang'eada muudeanooda Basooda Balang'da, ea ghwahita geatindida gal wiilooda ng'eanyiida biyearean;

YOSHUWA 15:2 Mawu Ofanana

GIING'EETA 14:3

Hean googuuyi sugoodisu shirikareeda nyaawa aba moangoachiyda Sidimu (nea, balang'da).

ISAYA 11:15

Nea aba NG'UTAMIIDA gaygwanyarja ghuuta basooda Misri; ak gayghamiinda geatindaanyi aba uhuuda eenda nea aba jeameadaanyi ng'waan, ghwalas ghwadarda ghoah ghuusiga ispwa ak ghoaghaawa buuneeda ng'eanyiida ghajaam.

ESEKIELI 47:18

“Nea meatkweeda ghayeawa moonghooda gayghang'eada Hasar-enoni mida dageascheeda Haurani ea Dameski, ea Gileyadi ea ng'eanyiida Israeli. Ak gayghang'eada eenda Yordani, ak gajoateena ghang'eada moonghooda meatkweeda wiilooda ng'eanyiida ghayeawa ea ghwahita basooda ghayeawa ea ghwahita Damari. Nih abeeda meatkweeda ghayeawa gil.

ESEKIELI 47:8

Ak gwayeeshiinean, “Beesu gagulda nea gagal meatkwajeega ng'eanyiida ghayeawa, ak ghwararang'aada ea ghwahita Araba ak gaweay jeeda basooda, nea beegiga inyeessa iiweay jeeda basooda ghwanung' gamiyeasiidi beega.

IITOODA 34:3

nea meatkweedeang'wa duukusa wiilooda ng'eanyiida biyeara gayghang'eada dareapcheeda Sini ak gwasik murdeeda Edomu, nea moonghoodeang'wa aba wiilooda ng'eanyiida biyeara ghang'eada muudeanooda Basooda Balang'da ak ghoadoas;

YOSHUWA 15:1

Ng'eanyiida siloat siitaw eemeeda Yuda ea fuga gheanyaawa ghang'eada wiilooda ng'eanyiida biyeara ea ghwahita moonghooda Edomu, ea ghwahita dareapcheeda Sini mida wiilooda ng'eanyiida biyeara.

YOSHUWA 15:3

ak gawa nea gagal wiilooda ng'eanyiida biyeara ak ghwascheang'da gawa Akrabimu, ak gawa ea ghwahita Sini, ak gawa ea ghwahita wiilooda ng'eanyiida biyeara bea Gadesh-barneya, ak gawa ea gwaneekiisa Hesroni ea ghwahita Adari, ak gwaneaweesa ea gawa Garka,

YOSHUWA 3:16

ak beegiga rarang'aana heetiyeadean, hean ghamiinaada ak ghang'eat gawuurji dulgwajeanda nea sheagi, aba Adamu, was mujiineedida neekeewa Saretani, ak beegiga gwararang'eesa basooda Araba was basooda balang'da, ak ghwajaam sean; ak googeawsa buuneeda meatkweeda deaschi Yeriko.