YOSHUWA 1:8 - Bibliyeeda Ghaydit

⁸ Gitaaboani bea deaweedean adagwaheeli ghuutaang'u galeagasean, nea giiteemsheesi askweari ea eawa, nea gisikteawi muuchi ng'asheega sean sing'oorsa jeeda; aba gideaba nih gichea ghwanung' nyagaada gil aba naweadaang'u, nea ginyasi gheamamda miy.

YOSHUWA 1:8 Mawu Ofanana

GIING'EETA 24:63

Ghang'eat Isaka shing'ada ak gawa gwaneayeewa jeesinga madameega; gagatkat uhuudaanyi ak ghwadaah ngamiyajeega nea ghapka.

2 DAMANYOOJIGA 26:5

Hean ghamiinaada ak gagaseada NG'UTAMIIDA damanda eawoojiga Sakariya, was dea ghayi anaal niny giiwalda gheang'da ASEETA; hean iisinyooh gagaseada NG'UTAMIIDA, ghwanung' ASEETA ghwanyas uurda niny.

NYIIGHEEGA 119:11

Ng'asheandaang'u naayiinyi jeeda gurooroodeanyu, ak ea measinneey riing'eeda.

NYIIGHEEGA 119:15

Gaydeateemsheesa diigheanyeakaagu, ak geamajeeksi ghaang' naweadingaagu.

NYIIGHEEGA 119:97

Deaweedeadaang'u ghaabwariinyi muuchi! Nih gideasikiideawi askwearda seani.

NYIIGHEEGA 119:99

Geandeawi fughareeda ea dang'al giinealshoodigeasu sean, aba gideaba ng'asheagaagu imuuwu gea eapkeadayi.

NYIIGHEEGA 19:14

nung' ng'asheega ghuuteanyu ea gea mida jeeda gurooroodeanyu mwasa aba madeadaang'u, Ea NG'UTAMIIDA, lagheaneedeanyu haw ea lealnoocheandeanyu.

NYIIGHEEGA 40:10

Aniini mii dafuy ng'asheagaagu bea lealeanooda aba jeeda gurooroodeanyu, ak ea nearukuti doobiiwnataang'u ea lealeanoadaang'u miidafuy bariinyeagaagu ghana huumeandaang'u aba jeeda eemeeda saang'a bwatgeat.

GHWASIILDEANGA 3:1

Orjeedeanyu adagwarooseey giinealshoodeanyu, ak giing'waanyi diigheanyeekeasu aba jeeda gurooroadaang'u.

ISAYA 59:21

“Nea aba ng'asheegeasu, nih neajeedeanyu gil aniini ea saawa, gwarugu NG'UTAMIIDA gurooroodeanyu mida badaydaang'u ea ng'asheegeasu aayiinyi ghuutaang'u maygoosiipteawa ghuutaang'u ea ghuuta diibigaagu, ea ghuuta diibiga geaba gaagu, gwarugu NG'UTAMIIDA ghang'eada ghamneawa ea ghoah damanda manda muudeanooda.”

Mattayo 12:35

Siida miy aba jeeda gheaseadaanyi miy iissa gwarugu ng'asheega miyaas, nea siida muy aba jeeda gheaseadaanyi muy iissa gwarugu ng'asheega munyas.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

Mattayo 7:21

“Mii giliwas sih eeniisean, ‘Ng'utamiida, Ng'utamiida,’ jea gawa jeeda sugoocheanduumeeda humng'eeda, geaghus siida sin gidagasa Bwaabeeda mida humng'eeda.

Mattayo 7:24

“Asi siida wassean nyooh ghwayiiy ng'asheegeasu ak gwasin, gajeegala weaghoocheanda fughareeda, deeksa gheanyi uhuuda harearacheanda;

Lukka 11:28

Hean gwayeesha, “Ghang'wana fugiga iiy ng'asheega ASEETA nea ghoang'waayiin!”

Yohaana 13:17

Asi iyoanali ng'asheesu abeeda ghang'wana iyoosinyi.

Yohaana 14:21

Siida mideawa diigheanyeekeasu nea ghoang'waay, nih dea bwariinyan gil, nea dea bwariinyan gayghabwariiy Bwaabwa, gaydabwariiy ak gaydeahiimsa geaw niny.”

Efeeso 4:29

Adagwarina ghuusigeagwa ng'asheega munyas, inyeessa goobalooli gea miyaasiin jea ghaweat gilinyoo ea siida gil, ak ghoadaw dagheerjeanduumeeda fuga aleeyseegwa iit.

GIIPKEATA DIIGHEANDA 29:8

hean geegeandi ng'eanyiida nyaawa, ak geatawji gwahearan geaba Rubeni ea geaba Gadi, ea eemeeda ng'ay bea Manase.

GIIPKEATA DIIGHEANDA 29:9

Asi eang'waanya muuchi sinoodeaba ng'asheesu bea neajeedean ak gajanyagaada aba ng'asheega sean oosinyi.

GIIPKEATA DIIGHEANDA 30:14

Ak ng'asheanda ea neekeeweey muuchi, ak gwanda ghuutaang'u, ea gurooroadaang'u, abeeda gisini.

GIIPKEATA DIIGHEANDA 31:11

ibuwa fuga Israeli sean madeeda NG'UTAMIIDA was ASEATAANG'U, bea heeda loat, abeeda giisoami deaweedeeni aba madeeda fuga Israeli sean ghwayiiy.

GIIPKEATA DIIGHEANDA 31:24

Hean nea ghoahiit Musa ng'oorda ng'asheegeaba deaweedeeni aba jeeda gitaabu, ea ghwahita muudeanooda,

GIIPKEATA DIIGHEANDA 5:1

Hean ghoamughuush Musa fuga sean bea Israeli ak gwayeesha, “Ea Israeli, ooleeysiina iit diigheanyeeka ea deaweedajeega earukuneegwa askweareani, oanaala geat ak gooshageachi geat ak goosinyi.

GIIPKEATA DIIGHEANDA 5:29

Ghwanyawa inyas gwandeawa gurooruunatka uurji nih ea ghoah galeagasean, jea ghoawal gheang'deanyu gaygwasinnean mureeda ea diigheanyeekeasu sean, ak abeeda gayghwanyas giibinda miy saawa ea diibiga nyaawa damanda manda muudeanooda.

GIIPKEATA DIIGHEANDA 5:32

Asi shageada ak gisini gidarukuneey NG'UTAMIIDA was ASEETEANG'WA, nea adiidu gooyamsi geat geatinda dugwa ghana geatinda ghaadaam.

Golosaayi 3:16

Anung' goobiida ng'asheanda Gristo jeedeang'wa nea gwaheedu, anaala nea gaba siisi reekusa nuut aba weaghuumeeda sean, nea goosarmanyi nyiigheega ea sarmoojiga guroorooda nea goobadiischeesi ASEETA aba gurooruunatkeagwa.

YOSHUWA 1:7

Daruusiida galeagasean nea guwoosi mwaay muuchi, sina nea gisikteawi muuchi ghabeada deaweedeeda sean ghayi rukuneey Musa was siideanyu bea gadiyeeda; adinung'waadi yamoodeaba geaw bea geatinda dugwa ghana geatinda ghaadaam, ak gay nyasa gheamamda miy aba heechea una sean.

YOSHUWA 8:34

Ng'ata ghoasoamwa ng'asheega sean bea deaweeda, gea ghawooda ea gea mooshteayda, gawuurji gidaghayi sing'waarda sean aba jeeda gitaabooda deaweeda.

Giidaheechta 22:14

Ghang'wana fuga ahuun hang'weaka nyaawa, ak gwandeawa doobiiwnata jea gaweesiina geeta eaweega ak gaweay jeeda mujiini aba gidaghuudajeagaaschi.