YOSHUWA 1:7 - Bibliyeeda Ghaydit

⁷ Daruusiida galeagasean nea guwoosi mwaay muuchi, sina nea gisikteawi muuchi ghabeada deaweedeeda sean ghayi rukuneey Musa was siideanyu bea gadiyeeda; adinung'waadi yamoodeaba geaw bea geatinda dugwa ghana geatinda ghaadaam, ak gay nyasa gheamamda miy aba heechea una sean.

YOSHUWA 1:7 Mawu Ofanana

1 SUGOODIGA 2:2

“Aniini nihidu miyeedeanyu. Asi milmiliida nea giimajeegi geaw,

1 SUGOODIGA 2:3

nea giing'waanyi ng'asheega NG'UTAMIIDA was ASEATAANG'U, nea giyaadi naweadingaaschi, nea giing'waanyi diigheanyeekaaschi, nea ging'ulayi diigheanyeekaaschi atamanamughuush, ea deaweedajeagaaschi, ea ng'asheagaaschi rugu sing'oorsa jeeda deaweeda Musa, ak gimajeegiidi aba jeeda ng'asheega sean iisini aba heeda wassean iigali,

2 SUGOODIGA 22:2

Ak gwasin gea miyaasiin aba madeeda NG'UTAMIIDA ak ghwaat geeshta Dawdi was ghoan, nea miighwasajaada gagal geatinda dugwa ghana geatinda ghaadaam.

1 DAMANYOOJIGA 22:13

Ak gaymiyeena iing'waanyi muuchi diigheanyeeka ea deaweedajeega ghayi adaw NG'UTAMIIDA Musa aba badayda Israeli. Majeegiida, nea gimwaanyiidi. Adibeali, nea adihirbabani.

2 DAMANYOOJIGA 15:7

Ak agooga ea adiidu ghoabeali adiidu ghabealbeal geatingeagwa, aba gideaba gadiyeedeang'wa gaygwanda giimearda.”

2 DAMANYOOJIGA 26:5

Hean ghamiinaada ak gagaseada NG'UTAMIIDA damanda eawoojiga Sakariya, was dea ghayi anaal niny giiwalda gheang'da ASEETA; hean iisinyooh gagaseada NG'UTAMIIDA, ghwanung' ASEETA ghwanyas uurda niny.

AYUBU 1:8

Ak gwayeesha NG'UTAMIIDA shataani, “Siisi iteanyu bea gadiyeeda was Ayubuuni nidaahi giduurji, manda siida uurji niny aba badayda ng'eanyiida siida doabiiwaat gil nea goowali gheang'da ASEETA, nea ghwasaja geaw ng'asheega munyas.”

NYIIGHEEGA 80:19

Ea NG'UTAMIIDA, was ASEETA bea lugweega aghuumneasa aboong'neasa weeshinda gheamamdaang'u ak gajeaghuha.

GHWASIILDEANGA 4:27

Adisachsi geaw gala geatinda dugwa, ghana geatinda ghaadaam, nea aduwi jeeda ng'asheega munyas.

GHWASIILDEANGA 8:20

Geaneayeewi jeeda giibinda doabiiwaat, bugusta naweeda doabiiwaat.

DANIELI 10:19

Ak gwayi, “Ea orjeeda siida sibwariiy muuchi, adibeali, gagasa beaha hoyyoo; majeegiida ak gidaruusiidi muuchi.” Hean abaloolan, ghaanyaschi uurda ak geayi, “Nung'waada gabalool ng'utamiideanyu, aba gideaba niimajeegan.”

IITOODA 27:23

ng'ata ghwayiin geatingaaschi uhuudaanyi, ak gwarukusa ng'asheega, gawuurji gidarukuteayda NG'UTAMIIDA aba ghuuta Musa.

GIIPKEATA DIIGHEANDA 11:8

“Ak gajasisiina mureeda digheanyeeka sean ghamneawa earukuneey, ak gajanyasa uurjeenga, ak gooweayi oombala ng'eanyiida jea ookeawsiina ak goombalji,

GIIPKEATA DIIGHEANDA 12:32

“Ng'asheega sean earukuneegwa gajeang'waanya aba badiida, adiidu giihaadi ghana suunya.

GIIPKEATA DIIGHEANDA 28:14

Iimoayami geat ak ghoanung'wi heeda ng'asheega earukuneegwa askweareani, agala geatinda dugwa ghanea dea ghaadaam, aba eadita geeshta badita aseecheeka suurja.

GIIPKEATA DIIGHEANDA 29:8

hean geegeandi ng'eanyiida nyaawa, ak geatawji gwahearan geaba Rubeni ea geaba Gadi, ea eemeeda ng'ay bea Manase.

GIIPKEATA DIIGHEANDA 29:9

Asi eang'waanya muuchi sinoodeaba ng'asheesu bea neajeedean ak gajanyagaada aba ng'asheega sean oosinyi.

GIIPKEATA DIIGHEANDA 31:7

Hean gaguursa Musa Yoshuwa ak gwayeesha aba madeeda fuga Israeli sean, “Daruusiida nea gibea guroorooda mwaayi aba gideaba gajadeayeewana fiisu jeeda ng'eanyiida ghayi aksa NG'UTAMIIDA habeawooda ghweaniga nyaawa gideaba gayghoadaw saawa, ak gayhearasiina saawa.

GIIPKEATA DIIGHEANDA 4:2

Adiidu ghoahaachi ng'asheanda earukuneegwa nea adiidu ghoasuunyi, ak ghoang'waanyi digheanyeeka eagoonyeegwa bea NG'UTAMIIDA was ASEETEANG'WA.

GIIPKEATA DIIGHEANDA 5:32

Asi shageada ak gisini gidarukuneey NG'UTAMIIDA was ASEETEANG'WA, nea adiidu gooyamsi geat geatinda dugwa ghana geatinda ghaadaam.

YOSHUWA 1:1

Iing'ata miyeeda Musa was siida gadiyeeda NG'UTAMIIDA, hean gwayeesha NG'UTAMIIDA Yoshuwa was orjeeda Nuni, nea niny ea siida gadiyeeda Musa gil.

YOSHUWA 1:8

Gitaaboani bea deaweedean adagwaheeli ghuutaang'u galeagasean, nea giiteemsheesi askweari ea eawa, nea gisikteawi muuchi ng'asheega sean sing'oorsa jeeda; aba gideaba nih gichea ghwanung' nyagaada gil aba naweadaang'u, nea ginyasi gheamamda miy.

YOSHUWA 1:9

Neada ea mii aniini? Dea rukuneey gideaba daruusiida nea gibeahi meaynata miy; adibeali nea adihirbabani aba gideaba NG'UTAMIIDA was ASEATAANG'U gaymideawana heechea una sean.”

YOSHUWA 11:15

Gawuurji gidarukusiinda NG'UTAMIIDA Musa was siidaanyi bea gadiyeeda, hean gwarukusa Musa Yoshuwa, hean gwasinda Yoshuwa gidida; ea manda ng'asheega ninung'waada sean aba gea rukusa NG'UTAMIIDA Musa.

YOSHUWA 23:6

Asi awoosa meanyi muuchi nea ghoang'waanyi ak goosinyi ng'asheega sean sing'oorsa jeeda gitaabooda deaweedeeda Musa, adooyamsi geat meatkweenuut bea geatinda dugwa ghana geatinda ghaadaam,