YOELI 3:5 - Bibliyeeda Ghaydit

⁵ Aba gideaba noogeandi lapiyeedeanyu ea dahaabu was dahaaboodeanyu ak ea noogeandi haleanjeedeanyu miyaasiin sibwariiy ak ghoayaachi jeesinga gealgeagwa oobati aseeta.

YOELI 3:5 Mawu Ofanana

2 SUGOODIGA 12:18

Ng'ata gageanda Yoashi was sugoocheanda Yuda haleanjeeda sean ghayi ea ghaydit Yehoshafati ea Yehoramu ea Ahasiya was ghweaniga nyaawa was sugoodiga Yuda ea gea ea ghaydit niny, ea dahaabu siguura dahaabu sean mida heeda siitiiwiisa haleanjeeda gheeda NG'UTAMIIDA. Ea gheeda sugoocheanda ak gweasa Hasaeli was sugoocheanda Yuda, ak ghang'eada Yerusalemu ak gawa heechea gawa.

2 SUGOODIGA 16:8

Ng'ata gageanu Ahasi lapiya ea dahaabu siguura dahaabu geana jeeda gheeda NG'UTAMIIDA ea gea heeda siitiiwiisa haleanjeeda jeeda Ng'utamiida. Ak gweasa sugoocheanda Ashuru ghoah haleanjeeda guskuseega.

2 SUGOODIGA 24:13

Ak gageanda haleanjeeda sean siitiiw bea gheeda NG'UTAMIIDA ea haleanjeeda siitiiw bea gheeda sugoocheanda, nea ghwalajaada haleanjeeda sean bea dahaabu, ghayi sin Sulemani was sugoocheanda Israeli mida jeeda gheeda sibata ASEETA bea NG'UTAMIIDA gawuurji gidanyaashta NG'UTAMIIDA.

ISAYA 11:11

Ak eaweecheanji Ng'utamiida gayghoahaakta geadi gicha goodeelu boosteangaaschi mida Ashuru, ea Misri, ea Batirosi, ea Gusi, ea Elamu, ea Shinari, ea Hamati, ea ng'eanyiida mida ghuuta basooda.

YEREMIYA 23:7

“Ng'ata gwayi NG'UTAMIIDA, Asi ang'ula gayghapka eawoojiga, jea ea maygudu gwayi buuneeda, ‘Aba gidabiideata NG'UTAMIIDA was dea aruuna fuga Israeli ng'eanyiida Misri,’

YEREMIYA 50:28

“Aleaydiit! Mang'aweanyeeka ea gea salda aba ng'eanyiida Babeli ghapka gwarukwiida aba hoowa bea Sayuniin mureandooda NG'UTAMIIDA was ASEETEANYA, was mureandooda gheeda sibata ASEETA.

YEREMIYA 51:11

“Ashida geatka! Ageani igeambooniga! NG'UTAMIIDA nisat gurooruunatka sugoodiga Meedi, aba gideaba niny gidabada aba badayda Babeli nyarjeawda gil, aba gideaba nih mureandooda NG'UTAMIIDA, was mureandooda ghooriidaanyi sibata niny.

ESEKIELI 37:12

Asi ramoora nea giyeeshi saawa, gwayi NG'UTAMIIDA was ASEETA; Ng'ula, gaydajaat bung'eadingeagwa, ak gaydeaduuneegwa aba jeeda bung'eadingeagwa; Ea fugeasu, ak gaydanung' aweayeena jeeda ng'eanyiida Israeli.

DANIELI 11:38

Gaygwasissa mureeda aseeta was ghamarda mawoosa suh; aseeta mwanala ghweanigaaschi ak gaygwasissa mureeda ak ghoadaw dahaabu ea lapiya, ea lagheanga hees sheayeat ea haleanjeeda hees sheayeat bea mugeayda.

OBADIYA 1:17

Nea aba uhuuda giijeeda Sayuni gaygwanda fugiga ghayi waptaan, ak gajea ghaydit; nea gheeh Yakobo gaygoombal ng'eanyiida nyaawa.