YOELI 3:12 - Bibliyeeda Ghaydit

¹² Eemoojiga deadiing'diing'da, ak gaweay moangoachiyda Yehoshafati; aba gideaba hoowa heechea deabiida ak geargweaksi eemoojiga sean mida meadajeega seani.

YOELI 3:12 Mawu Ofanana

2 DAMANYOOJIGA 20:26

Eaweeteaba ang'wan ghabwat geat aba jeeda moangoachiyda siguura Baraka, was heeda aghaambiida NG'UTAMIIDA, hean gheawungeaba hoowa geeguura moangoachiyda Baraka ea ghoah ghamneawa.

NYIIGHEEGA 7:6

Ng'eada, Ea NG'UTAMIIDA aba nyarastaang'u, ak gigatkadi geaw aba badayda nyarasta weajoodigeasu; Ea ASEETEANYU ng'eaha; aba gideaba gigasayi gwasa gitoabiiw.

NYIIGHEEGA 96:13

aba madeeda NG'UTAMIIDA, aba gideaba ghwaan, ghwaan goorgweaksa ng'eanyiida. Gaygoorgweaksa ng'eanyiida aba doobiiwnata, ea eemoojiga aba doobiiwnataanyi.

NYIIGHEEGA 98:9

Aba madeeda NG'UTAMIIDA, aba gideaba ghwaan goorgweaksa ng'eanyiida. Goorgweaksa ng'eanyiida aba doobiiwnata, ea buuneeda aba alooheeda.

ISAYA 2:4

Ak gaygwasin girgweageeda aba jeeda eemoojiga saang'a, nea gaygoowoowsa fuga saang'a; ak ghwayam ng'utkeaka nyaawa ghoah mageemboojiga, nea ng'utkeaka nyaawa geanung' ghoah bargweaka nyeega; nea maygut gang'uchi eemoojiga, ak ea maygut ghoanaal geat ng'ucheeda earahay.

ISAYA 22:1

Nih giijasta gil siihiimu aba badayda moangoachi. Ak gwandaani? ghwasaan anda buuneesean bea mujiini gwading'da iheenga gealga.

ISAYA 3:13

NG'UTAMIIDA niidiing'diing'da gwasin girgweageadaanyi, ak ea niidiing'diing'da goorgweaksa fugaaschi.

ESEKIELI 30:3

Aba gideaba eaweedida nineekiit, eaweedida bea NG'UTAMIIDEAN nineekiit. Eaweeda shamooghuutka, abeeda gajea damanda eemoojiga gil.

ESEKIELI 39:11

“Abeeda eaweedida gaydaadaw Gogu heechea eebung'sa aba jeeda ng'eanyiida Israeli jeeda moangoachi was naweeda buuneeda. Meatkweeda ghayeawa bea basooda nea gayghoadeal fuga ng'ata, ak hoowa gajeebung'sa Gogu ea fugaaschi ea bareandaanyi sean, ak gajeeguura hoowa moangoachiyda Hamon-gogu.

YOELI 3:14

Eemeetuw, eemeetuw, gwanda jeeda moangoachiyda sirgweacha! Aba gideaba eaweeda NG'UTAMIIDA nineekiit aba jeeda moangoachiyda sirgweacha!

YOELI 3:2

gaydabwada geat eemoojiga sean, ak gaydeadu dearareang'sa moangoachiyda Yehoshafati, nea aba hoowa gaydeargweaksa aba badahuuka fugeasu, ea aba badayda hearaniischoodeanyu, was Israeli, ghayi darsa jeeda eemoojiga, ak ghwalajaada ng'eanyiideanyu.

MIKA 4:3

Ak gaygoorgweaksa fuga saang'a, nea goowoowsa eemoojiga sheagachi mideawa uurjeenga; ak gajeayam ng'utkeaka nyaawa ghoah mageemboojiga, nea ghwayam ng'utkeaka nyaawa ghoah bargweaka; ak ea manda eemoocheanda jea goong'ooysa eemoochean nuut ng'utaanyi, nea mayghoanaal geat ng'ucheeda earahay;

SAKARIYA 14:4

Eaweedida abeeda geeshangaaschi gayghamiinaada aba uhuuda giijeeda saytuunajeega. Mida madeeda Yerusalemu bea meatkweeda ghayeawa, ak giijeeda saytuunajeega gayghabwaasha bugusta nibiyeenya. Ghang'eada heeda ghayeawa ea gagul heeda biyeara, ak gaygwanda hoowa moangoachiyda haw muuchi. Ak meatkweenagi bea giijeeda gayghang'eat gagal wiilooda ng'eanyiida ghayeawa, nea meatkweeda niirja gagal wiilooda ng'eanyiida biyeara.

Giidaheechta 19:11

Hean ghaadaayi nea ghwajaada humng'eeda, ak ghaadaayi, faraaseedeesh! Nea gwanda badaydaanyi siida siguura Doobiiwnata ea Huumwa, ak niny aba doobiiwnata goorgweaksa nea gwasin ng'ucheeda.