YOELI 2:7 - Bibliyeeda Ghaydit

⁷ Iissa gwasaldeayda deashamga fuga daruusi; iissa gwading'deayda ghamarda fuga ng'ucheeda; nea gaweay mwadi nea gaba siisi sik naweadaanyi, nea mwadatasa geenga nyaawa.

YOELI 2:7 Mawu Ofanana

2 SAMWELI 1:23

“Sawli ea Yonatan, geabwariiy nea miyaas! Aba eaweega ea aba miyeeda ghanyea mwadarda; ak ea ng'weeni ea ghoadaraam rabearda, ak ea majeekcheewi ea ghang'al ng'anyeeka.

2 SAMWELI 5:8

Ak gwayi Dawdi eaweedida, “Siida wassean jea ghabwar fuga Yebusi, ea dasiga jeeda shatkweanda beega, ak ghabwar fuga badeeda ea fuga ng'oowi, was gea sit guroorooda Dawdi.” Ak ghoah gideeneewa buuneeda, “Mayghapka fuga ng'oowi ea fuga badeeda jeeda gheeda.”

1 DAMANYOOJIGA 12:36

Fuga Asheri sagalamnyooji haradam was lugooda hidaat aba ng'ucheeda.

AYUBU 16:14

Ak gwahirjeaweadanaan nea ghabwaran muuchi, ak ghabwardanaan shirikarajeanda.

NYIIGHEEGA 19:5

gawuurji siida geeshi rinna jeeda ghooriidaanyi, ak gawuurji siida hoauur fwach aba naweadaanyi nea gahoosan.

GHWASIILDEANGA 30:27

Deashamga mandeawana sugoocheanda, ak iissa gaweay nea gwasin gharmucheeka.

YEREMIYA 5:10

“Adiyeada nea goosiikchi jeeda madamnyeandaanyi bea sabiibu ak ghoadataschi, nea adiidu goohuydi goosha; alajaada damealgaaschi, aba gideaba maba NG'UTAMIIDA.

YOELI 2:8

Nea manda dea dajakta nuut; iissa gaba nih weah mwadi nea gwasik naweadaanyi. Iissa gwasin naweeda aba uurda aba bugusta dabita ng'ucheeda, nea mwanung'waada eata naweeda nyaawa.

YOELI 2:9

Iissa gang'eesa deashamga mujiini; ak gwasalda aba uhuuda ghamarda; iissa ghwascheang'da ak gaweay jeeda gheeda; nea gwasikta seawuutka gidasikiida mareanghweanda.