YOELI 2:3 - Bibliyeeda Ghaydit

³ Ghwaak beasta deashamga madeanyaawa; nea badahuuka nyaawa ghwayeat ng'ushapta beasta las uhuuda haleanjeeda; nea ng'eanyiini gawuurji boostaaneeda Edeni aba madeanyaawa, nea badahuuka nyaawa ea niiw dareapcheeda ak ghwahit; asaha, manda siida ghuh aba saawa.

YOELI 2:3 Mawu Ofanana

GIING'EETA 13:10

Ng'ata gwadiiw Lutu uhuudaanyi ak ghoang'wearda ak ghwadaah mooheeda Yordani ghwanyiit beega ng'eanyiisean gawuurji boostaaneeda NG'UTAMIIDA, gawuurji sea ng'eanyiida Misri, gal Seari; damani abeeda mii gwanyarja NG'UTAMIIDA ng'eanyiida Sodoma ea Gomora.

GIING'EETA 2:8

Ak gwahista NG'UTAMIIDA was ASEETA boostaani aba Edeeni mida heeda ghayeawa; ak ghwayiin siidida heeta siniin.

NYIIGHEEGA 50:3

ASEETEANYA gayghwahidu, nea mayghwasiinda, ghoajeada beasta aba madeadaanyi, nea ghwanya shaarareeda ng'waan neaweesa aba meadajeega sean.

NYIIGHEEGA 97:3

Madeadaanyi goosheeda beasta ak ghwalas uhuuda weajoodigaaschi aba meadajeega sean.

RITEAYDA 10:15

Ak gwadukuta ng'eanyiisean, ea gamisaniit ng'eanyiisean, nea ghwaak booga sean mida jeeda ng'eanyiida ea haghweega sean bea geediga abuut roopta lagheanga ak ea moapta eara seendoanagi bea geeta ghana booga jeeda madamnyeanda aba ng'eanyiisean bea Misri.

RITEAYDA 10:5

ak gaygwadukuta badayda ng'eanyiida, ak ea manda eara siyagi jea ghwadaah ng'eanyiida, ak gayghwaak haleanjeeda abit iing'ata roopta ghayi bea lagheanga, ak gayghwaak gilinyoo ea geeta gil ridu aba madamnyeanda was deang'wa,

ISAYA 14:17

Deaghayi nung' gawuurji ng'eanyiida dareapcheeda ak ghwalas uhuuda mujiinajeagaaschi, ak ghaheawa gwasiksa fugaaschi mida ghealooniga gaweay gheanyaawa?’

ISAYA 15:6

Aba gideaba beega eenda Nimrimu nijaam; ak eara nyeega nijaam, nea eara nyeega nyawiiri ea nisis, ak ea manda gida was sean ridu.

ISAYA 33:4

Nea easangaagu gajeepisa gawuurji gidabitiisiinda diyeanga, ak gayghang'eataawa uhuudaanyi gawuurji gidang'eetiideayda deashamga.

ISAYA 51:3

Aba gideaba NG'UTAMIIDA gayghoahaawda Sayuni; gayghoahaawda ng'eanyoojiga was raghoonyeanda, ak dareapcheadaanyi gayghwanung' gawuurji Edeni, nea eeshtearajeandaanyi gawuurji boostaaneeda NG'UTAMIIDA; hooseaneega ea ng'weelooda gaygwanda jeadaanyi, badiischeesiinda ea ghuuta duumda.

ISAYA 9:18

Ng'asheega munyas bea buuneeda ghwayeata beasta, ak ghwaak ng'eamga ea halaghweenga; ak ghwayeata beasta mida jeeda dimda, nea ghwanung' gwardu aroosta haw gal humng'eeda.

ISAYA 9:19

Aba nyarasta NG'UTAMIIDA lugweega sighwarda ng'eanyiida ak buuneeda gawuurji ghweenga siyiin jeeda beasta; ak ea manda siida bwayda orjeeda ghaamwat.

YEREMIYA 5:17

Gayghwaak boogeagwa ea hamiteang'wa; nea gaygahuuyda orjoogeagwa ea haweegeagwa; ak gwaduulu hawanyoojigeagwa bea dugwa ea nooga; nea gayghwaak sabiiboodeang'wa ea shaboogheeteang'wa; nea mujinajeegeagwa bea hilooga geawi oomng'awsi gayghoadaarda aba ng'utkeaka nyaawa.”

ESEKIELI 36:35

Ak saawa gaygwayi, ‘Ng'eanyiini ghayi was raghoonyeandean, ghamneawa nuwuurji boostaaneeda Edeni, nea mujiinajeega ghayi was eemeega ea raghoonyeanda ea eemeega ghamneawa gwandeawa hilgweanda, nea gwanda buuneeda jeeda.

AMOSI 7:4

Suh ng'asheega ahiimnaan Ng'utamiida was ASEETA gil: ng'ula, Ng'utamiida was ASEETA gaguurda goorgweach aba beasta, ak ghwaak eara ng'eanyoojiga hees sheagi jih, ak ghwaak eara ng'eanyiida.

HABAKUKI 1:6

Aba gideaba aniini gaydaadaw fuga Galdayo uurda, eemeedida ng'weani biissa ea asasiin, sik jeeda ng'eanyiidean, ak ghoang'waay ng'eanyoojiga mawoosa gea nyaawa.

SAKARIYA 7:14

“Ak gaydaadaarda saawa aba jeameeda ng'waan gaweay jeeda eemoojiga sean mwanala. Ak ng'eanyiida nung'usa heeda saawa gayghang'ut salgheang'da, nea manda siida neay aba jeedeaba ng'eanyiini, ghana dea biigu aba gideaba ng'eanyiida ghayi miy geanung' ghang'ut salgheang'da.”