YOELI 2:27 - Bibliyeeda Ghaydit

²⁷ Ak gajanala agooga gideaba aniini geandi jeeda fuga Israeli, ea gideaba aniini geawooschi NG'UTAMIIDA was ASEETEANG'WA, ak ea manda nuut; nea fugeasu ea mayghabwaspwas earahay.

YOELI 2:27 Mawu Ofanana

NYIIGHEEGA 46:5

ASEETA gwanda bugustaanyi, ak ea majeegeanda; ak gaygabay ghaweat ASEETA niny nea gudu ea sakteayda.

NYIIGHEEGA 68:18

Ang'iing'i nischeang'di humng'eeda nea giyaadi rabadanga, nea ghwanyas haleanjeeda adaw buuneeda niny, ak eara jeeda fuga ng'ooweata abeeda goobiida NG'UTAMIIDA was ASEETA jeenyaawa.

GHWASIILDEANGA 1:23

Ayamwa geat aba gida aamiindi gheang'deang'wa. Ang'ula gaydagooneegwa gurooroodeanyu, ak abeeda gajanala ng'asheegeasu.

ISAYA 12:6

Oochuura, nea goosarmanyi aba hooseaneega, Ea fuga Sayuni, aba gideaba daahaw mida jeedeang'wa ASEETA ghaydit bea Israeli gil.”

ISAYA 44:3

Aba gideaba gaydeadalealsa beega uhuuda ng'eanyiida gasa beega, nea ghaanung' gwarina ghealooniga beega jeeda ng'eanyiida ghajaam, ak gaydeadalealsa gurooroodeanyu jeacheengaagu nea ghaadawji ghawoodeanyu giika jea jiilean.

ISAYA 44:8

Adoabeali, nea adaghang'udeagwa muuwda; ghayi garayi ng'asheesu mii daahiimneegwa nea miidarukuneegwa? Nea agooga goowooschi muushoodigeasu! Heapi gwanda ASEETA nuut ng'alaani? Heapi gwanda dea burdeawean uurda? Nih mwaanali.”

ISAYA 45:18

Aba gideaba gwayi NG'UTAMIIDA, ghayi sin humng'eeda, (niny ASEETA gil!), ghayi bwat ng'eanyiida ak gwasin (nea goomajeek; masina aba gideaba gaygwarachi geaw, gwasin aba gideaba goobiida buuneeda jeeda!); “Aniini geawooschi NG'UTAMIIDA, ak ea manda nuut.

ISAYA 45:5

Aniini geawooschi NG'UTAMIIDA, ak ea manda nuut, ASEETA nuut mandana geakghusan; geamajeekcheeweey, earapeadi minalaan,

ISAYA 45:6

ak ghwanal buuneesean ghang'eada gayeew ea gwarakta, gideaba ASEETA nuut mandana geakghusan; aniini geawooschi NG'UTAMIIDA ak ea manda nuut.

ISAYA 46:9

oapkaada ng'asheega ghayi easinyi garayi, aba gideaba geawooschi ASEETA, ak ea manda nuut; aniini geawooschi ASEETA, ak ea manda dea uurjeewanean aniini,

ISAYA 49:23

Sugoodiga gaygawuurji ghweaniga aba headaang'u, nea gadeemga was sugoodiga gaygawuurji gheamadiga, gaygwatkuy aba madeadaang'u ak gagoonyi mureeda, saawa gayghwaat geat ng'eanyi gwasineey mureeda. Ak gaynala gideaba aniini geawooschi NG'UTAMIIDA; nea gea amuukghunaan ea mwajeapwaaspwaas.”

ISAYA 53:6

Aseasa geewuurjeewi gisilga ak ea siroodayi; gaba siisi aat naweadaanyi nea gabwageaw; ak ea niyiin NG'UTAMIIDA badaydaanyi munyasnacheakaasa sean.

ESEKIELI 37:6

Ak gaydayiin geaka sasanuukeagwa, nea ghaayiinyi banyeega sasanuukeagwa, nea geedukutaneegwa aba mughoowooda ak geaguuseegwa giisiimeanda ak abeeda gajanyasa eaweega, ak gajanala gideaba geawooschi NG'UTAMIIDA.”

ESEKIELI 39:22

Asi fuga Israeli gayghwanal gideaba aniini geawooschi NG'UTAMIIDA was ASEETA nyaawa ghang'eada eaweecheanji ea gagul eaweecha nuut.

ESEKIELI 39:28

Hean saawa gayghwanal gideaba geawooschi NG'UTAMIIDA was ASEETA nyaawa, aba gideaba ghayi geabaleakchi gaweay soomjeanduumeeda aba jeeda eemoojiga. Ak ghaabwadi geat ak ghaanung' gaweay jeeda ng'eanyiida nyaawa nea gabwageat, ak ea maygut danung'wa hoowa eara siyagi.

ESEKIELI 39:29

Nea maygut afunya geaw saawa, aba gideaba naadawji gurooroodeanyu fuga Israeli, gwarugu NG'UTAMIIDA was ASEETA.”

YOELI 2:26

“Ak gajayaaga hamita haw ea alang'uuda, ak ghoakghaambiichi gheawunga NG'UTAMIIDA was ASEETEANG'WA, sineegwa ng'asheega deamdeameadi; nea buuneedeanyu ghanyea mayghabwaspwas.

YOELI 3:17

“Nih abeeda ea gichea analda gideaba aniini geawooschi NG'UTAMIIDA, was ASEETEANG'WA, abiita Sayuni, was giijeedeanyu ghaydit; ak abeeda Yerusalemu gayghaghaydiit, nea jeadaanyi ea maygwasik rabasta earahay.

YOELI 3:21

Nea aniini gaydabwar fuga ahiida foojeanda fuga Yuda; aba gideaba maydanung'waada fuga mideawa giidiinyeanda. Aniini geawooschi NG'UTAMIIDA abiita Sayuni.”

SEFANIYA 3:11

“Aba eaweedida majeapwaaspwaasnyi aba ng'asheega iisini aba badaydeanyu; aba gideaba gaydang'amwa bugustaang'u fuga ghwarjeeda, ak ea maygut gwandaneey ghwarjeeda aba jeeda giijeedeanyu ghaydit.

SEFANIYA 3:17

NG'UTAMIIDA was ASEATAANG'U gwanda jeedeang'wa, niny aamwaay nea ghoamu gwalealneegwa; gaygahoosasseey aba ng'weelooda haw, gayghwasiinda aba bariinyeagaaschi; gaygang'weela aba badaydaang'u nea gwasarman aba ghuuta haw

SAKARIYA 2:9

“Aba gideaba ng'ula gaydalas saawa ak gayghoah saawa fugeagwa bea gadiyeeda ak gajanala gideaba goojeaknean NG'UTAMIIDA bea lugweega.

IITOODA 11:29

Ghwalamda Musa ak gwayeesha, “Ang'iing'i gishisean ghaang' aba gadiyeedeanyu; gidabal gwachi ghoah buuneesean bea NG'UTAMIIDA ashoohoodiga, nea ghoadaw NG'UTAMIIDA gurooroadaanyi.”

IITOODA 23:21

Niny mang'ula ng'asheega munyas bea Yakobo, ghana ghwadaah daghoosta aba Israeli. NG'UTAMIIDA was ASEATAANYI, gwandeayi sea niny, nea nyeashta haw bea sugoocheanda gwanda bugusta nyaawa.

2 Goriinto 6:16

Neada gwanda neajeemba naaha dageascheeda gheeda sibata ASEETA sea sanaamu? Aba gideaba aseasa geewooschi gheeda sibata ASEETA majeek; ak gawuurji ginyaashta ASEETA nea gwayi, “Gaydeabiida jeenyaawa, nea gaydaneayeewa jeenyaawa, ak gaydoaw aniini ASEETA nyaawa, nea ghoah saawa fugeasu.

GIIPKEATA DIIGHEANDA 23:14

Aba gideaba NG'UTAMIIDA was ASEATAANG'U iissa gwaneayeesa jeeda museasoodeang'wa, ak ghaweadeagwa ak ghwayiin weajoodigeagwa madeedeang'wa, asi gagasa museasoodeang'wa ea ghaydit, ak abeeda ea mwadaaha gida wassean muy aba jeedeang'wa, ak gwanung'useegwa heeda.

1 Betro 2:6

Geang'waar aba jeeda ng'ooruutka gideaba: “Ng'ula, ghayiinyi uhuuda Sayuni lagheaneeda, lagheaneeda washiini, siloat, haw sheayeat, ak gilinyoo ghamwas niny ea mwajeapwaaspwaas.”

Giidaheechta 21:3

hean ghaayiinyi ghuuta haw nyaasha heeda hoorgeedida bea gheambalmeedean nea gwayi, “Ng'ula, giibinda ASEETA gwandeayi sea buuneeda. Ak gaygwasin giibindaanyi sea saawa, ak gayghoah fugaaschi ak ASEETA niny gaygwandeayi sea saawa;