YOELI 2:26 - Bibliyeeda Ghaydit

²⁶ “Ak gajayaaga hamita haw ea alang'uuda, ak ghoakghaambiichi gheawunga NG'UTAMIIDA was ASEETEANG'WA, sineegwa ng'asheega deamdeameadi; nea buuneedeanyu ghanyea mayghabwaspwas.

YOELI 2:26 Mawu Ofanana

GIING'EETA 33:11

Geamuscheey, ang'waanya haleanjeeda guskuseega siyeaneey, aba gideaba ASEETA nisinnean ng'asheega miyaas, ea gideaba geandeawi, nigoonan haleanjeeda saang'a.” Hean gamearmearani ea ghamwas ghoang'waay.

NEHEMIYA 9:25

Ak geang'waay mujiineeda sineaweesa ghamarda ea ng'eanyiida mida baruureega, ak goombal gealga nyiit haleanjeeda sean miyaas, ea healatka sighurghur, ea sabiibajeega ea saytuunajeega, ea geediga sean mideawa haghweega; hean geayaak, ak geelang'u ak gwariisha, ak goohoosan geat aba miyindaang'u haw.

NYIIGHEEGA 103:5

hean goolang'uuda alooheeda gwearguumeadaang'u aba gidayang'da eaweagaagu ak geenung' gabiigu gheareemaneanduumeadaang'u gawuurji rabearda.

NYIIGHEEGA 116:7

Ea gurooroodeanyu, biikni heeda iibiiti; aba gideaba nisineey NG'UTAMIIDA ng'asheega miyaas.

NYIIGHEEGA 13:6

Gaydasarmasa NG'UTAMIIDA, aba gideaba nisinnean ng'asheega miyaas.

NYIIGHEEGA 22:26

Fuga ng'eeni barbari gaygweagiischi ea gwalang'u, fugiga gasa NG'UTAMIIDA gayghoaghaambiit niny! Gidabal goobiida gurooruunatkeagwa damanda manda muudeanooda!

NYIIGHEEGA 37:19

mayghabwaspwas aba damanda muy nea askwearjoojiga geejeeda gaygwalang'u.

NYIIGHEEGA 67:5

Nung' gabadiischooweey buuneeda, Ea ASEETA; nung' gabadiischooweey buuneesean.

NYIIGHEEGA 72:18

Asi deakghaambiida NG'UTAMIIDA, was ASEETA, ASEETA Israeli, was dea sina ng'asheega deamdeameadi nea gaba geaw.

GHWASIILDEANGA 13:25

Siida doabiiwaat gwandeawa hamita deayeat, nea siida miy seara gaygwanya jalooda.

SARMEEDA SULEMANI 5:1

Geawi jeeda boostaaneedeanyu, ng'wasaneedeanyu, ea huda eanyearayi, geaptu geedigeasu ng'andidi, ghaayaaji bearga maleedeanyu ea maleedeanyu, ghaaleayi difaayeedeanyu ea eanoogeasu. Ayeagiischeena, ea fugeasu eaduupcheewi, ak gooleeshi aleaha muuchi fugeasu aabwariinyi.

ISAYA 25:1

Ea NG'UTAMIIDA, ang'iing'i guwoosi ASEETEANYU; gaydaaghaambiinyi, nea ghaabwachi gheawungaagu; aba gideaba nisini ng'asheega deamdeameadi, gidaghayi iibean manyiida garayi, gaysina aba huumwa nea giidoabiiwi.

ISAYA 29:22

Asi gwayi NG'UTAMIIDA lealu Abrahamu, aba badayda gheeh Yakobo: “Yakobo mwajeapwaaspwaas, nea maygudu ghwayamwa gheamamdaanyi.

ISAYA 45:17

Ak eemeeda Israeli gaygwalealu NG'UTAMIIDA, aba lealeanooda manda muudeanooda; ak agooga ea mwajeapwaaspwaaseagwa nea majahirbibana damanda manda muudeanooda.

ISAYA 49:23

Sugoodiga gaygawuurji ghweaniga aba headaang'u, nea gadeemga was sugoodiga gaygawuurji gheamadiga, gaygwatkuy aba madeadaang'u ak gagoonyi mureeda, saawa gayghwaat geat ng'eanyi gwasineey mureeda. Ak gaynala gideaba aniini geawooschi NG'UTAMIIDA; nea gea amuukghunaan ea mwajeapwaaspwaas.”

ISAYA 54:4

“Adibeali aba gideaba maybwaspwasa; nea adihirbiban aba gideaba majeapwaaspwaasnyi, aba gideaba gaygwarooseey baspaseega gheareemaneanduumeadaang'u, ea ng'asheega munyas siruku aba badayda masinung'weanduumeadaang'u.

ISAYA 55:2

Iijea oatayda lapiya aba gida mawoosa hamita? Ak googadiyeesi gidamwajanyasa lang'uudadeeda? Ooleeysean iit muuchi, ayaaga gidamiy, ak goohhoosanyi saseanuukeagwa aba ghashneeda.

NG'ASHEEGA LAWI 25:19

Gaygwaji ng'eanyiida haghweagaaschi, ak gajanyasa hamita jea ghoahiideegwa, nea goopiidi ng'eanyiida nea goobeaseayu.

NG'ASHEEGA LAWI 26:26

Gaydanung' ghwahidu jalooda ng'waan ak gayghoawu gadeem damanamughuush mukaate aba dahuunagi, ak gaygagooneegwa mukaateeydeang'wa gicha nea goodeen; ak ghoayaaji, ak ea majalang'uuda.

NG'ASHEEGA LAWI 26:5

Nea lasoodeang'wa bea booga gayghwahita damanda lajita sabiibu, ak gayghwahita lajita sabiibu damanda histeayda booga; ak gajayaaga hamiteang'wa ea alang'uuda, ak goopiidi jeeda ng'eanyiideang'wa nea goobeaseayu.

MIKA 6:14

Gajagiischeena ak ea maylang'uuda, ak gaygwanda headaang'u jalooda aba jeedeang'wa; gajadayiida, ak ea majadiiwa, nea gidiidiiwi gaydaadaw ng'uta.

SEFANIYA 3:11

“Aba eaweedida majeapwaaspwaasnyi aba ng'asheega iisini aba badaydeanyu; aba gideaba gaydang'amwa bugustaang'u fuga ghwarjeeda, ak ea maygut gwandaneey ghwarjeeda aba jeeda giijeedeanyu ghaydit.

SAKARIYA 9:15

NG'UTAMIIDA bea lugweega gayghaweat saawa, ak gayghwalas uhuuda weajoodiga nyaawa. Nea ghwali foojeanda nyaawa gawuurji difaayi, ak gajeanyiit gawuurji gweeriida, nea gawuurji gujaka heeda wagiida.

SAKARIYA 9:17

Aba gideaba alooheadaanyi aahaw! Nea eara miyindaanyi aahaw! Booga gayghoarear gheareemanga, nea difaayeeda eashish gayghoarear haweega.

Ruumi 10:11

Aba gideaba gwayi ng'ooruutka, “Manda siida wassean mwas niny ak ghabwaspwas.”

Ruumi 5:5

nea rarooda ea maygwareenganeasa, aba gideaba bariinyeega ASEETA nigeawiit ghwayiin jeesingaasa Guroorooda Ghaydit ghayi sigooneasa aseasaan.

Ruumi 9:33

gawuurji gissing'oarda, “Ng'ula, ghaayiinyi Sayuni lagheaneeda beanya fih, lagheaneeda jea ghwanung' goobeedeayi; nea siida mwas niny ea mwajeapwaspwas.”

GIIPKEATA DIIGHEANDA 11:15

Ak gayghwanung' gwarina nyeega jea ghwaak dugwaagu jeeda ng'eanyiideang'wa, nea eara ang'iing'i gajagiischeena ea lang'uuda.

GIIPKEATA DIIGHEANDA 12:12

Ak agooga gajahoosana aba madeeda NG'UTAMIIDA was ASEETEANG'WA, agooga ea orjoogeagwa ea haweegeagwa, ea soomjoogeagwa bea headiga ea gea haweega, ea siida eemeeda Lawi mida jeeda mujiinajeegeagwa, aba gideaba niny manda headaanyi ghana gichea gwahearan aba heedeang'wa.

GIIPKEATA DIIGHEANDA 12:18

gajayeaksiina madeeda NG'UTAMIIDA was ASEATAANG'U aba heeda jea ghoahiimu NG'UTAMIIDA was ASEATAANG'U ang'iing'i ea orjeedang'u ea hudaang'u, soomjeandaang'u bea headiga ea soomjeandaang'u bea haweega, ea siida eemeeda Lawi mida jeeda gealgaagu; ak abeeda gihoosani aba madeeda NG'UTAMIIDA was ASEATAANG'U aba haleanjeeda sean iisini.

GIIPKEATA DIIGHEANDA 12:7

ak abeeda aba hoowa gajayeagiischeena aba madeeda NG'UTAMIIDA was ASEETEANG'WA, ak gajahoosana, agooga ea fuga mida jeesinga gealgeagwa, aba gadiyoojiga sean noosinyi, goonyi ghawooda NG'UTAMIIDA was ASEATAANG'U.

GIIPKEATA DIIGHEANDA 8:10

Ak gajagiischeena ak gilang'uudi, ak gaybadiischeesiina NG'UTAMIIDA was ASEATAANG'U aba ng'eanyiida miy nigoonyi.

1 Dimotteo 6:17

Fuga ghamneawa was meanang'oodiga aba badayda ng'eanyiida rukusiina gideaba adagagwara geat nea ghaghus meanang'oocheanduumeani jea gooshean, gagasa ghaghus ASEETA goona haleanjeeda sean saang'a, ak geegadiyeati aba hooseaneega.

1 Yohaana 2:28

Asi ghamneawa diibiga manang'i, oopiidana jeadaanyi, aba gideaba iihidu abeeda geaghuschi ak ea meebiiktani bwadaw aba baspaseega aba hinoadaanyi.