YOELI 2:23 - Bibliyeeda Ghaydit

²³ “Asi ahoosana, ea orjooga Sayuni, ak goohoosanyi aba badayda NG'UTAMIIDA was ASEETEANG'WA; aba gideaba niny iissa gagooneegwa roopta muweeda, aba damanda, ak iissa gwaroobassa roopta, roopta muweeda, ea roopta simanga gawuurji gidaghayi bea mwadi.

YOELI 2:23 Mawu Ofanana

1 SUGOODIGA 8:36

aleaydiit aba humng'eeda, ak gisamsi riing'eega soomjoagaagu, fugaagu bea Israeli, gheata iinaali saawa naweeda doabiiwaat jea gweada, ak ginyaksi roopta ng'eanyiidaang'u ghayi iidawi fugaagu ghoah gichea gwahearan.

AYUBU 33:23

Ama deepa gwanda malaykajeanda mideayi sea niny was dea aduuptooschi buuneeda, asagi aba jeeda sagalama, ak goohiimsa siida ng'asheesu miisa;

AYUBU 37:13

ASEETA inyeesa gwasin gidagasiida aba badayda ng'eanyiida, ii lasooda uhuuda buuneeda gil, ghana goohiimsa saawa bariinyeagaaschi.

NYIIGHEEGA 104:34

Gidabal ghamwas niny gideateemsheesi, aba gideaba aniini geahoosanyi aba heeda NG'UTAMIIDA.

NYIIGHEEGA 147:8

Iissa gwadukuta humng'eeda aba shamooghuutka, ak gwasissa ng'eanyiida roopta, ak ghwanung' gwardu nyeega aba iheenga heayeeniga.

NYIIGHEEGA 149:2

Israeli dahoosana aba badayda dea ghayi bwat, orjooga Sayuni dahoosana aba badayda Sugoocheanda nyaawa!

NYIIGHEEGA 28:7

NG'UTAMIIDA uurdeanyu gil ea igeamboodeanyu; ak ghaghus gurooroodeanyu; ak ea siweadan, ak gahoosasa gurooroodeanyu, ak aba duumdeanyu gaydabadiischeesa.

NYIIGHEEGA 32:11

Ahoosasiina NG'UTAMIIDA; ang'weela, agoogeeda oowooschi doobiiweadi oochuura nea goong'weelayi, ea oogaseaneeda mideawa gurooruunatka miyaas.

NYIIGHEEGA 84:6

Nea gwasik jeeda moangoachiyda Baka ghwanung' ghoah heeda mida gheanyanga eeniga; ak gwadukuta roopta girjeanda ak ghoanyiit dabaschoojiga.

GHWASIILDEANGA 16:15

Gheamamda sugoocheanda iiweeshiit abeeda gwanda eaweega, alooheadaanyi gawuurji shamooghooda muweeda.

ISAYA 30:21

Inyas ghoayaachi naweeda gal geatinda dugwa ghana geatinda ghaadaam, gajayiinya ghuuta siida aba badaydeang'wa nea gwayi, “Naweeda nih gil ayaada.”

ISAYA 30:23

Ak gaygagooneegwa Ng'utamiida roopta iyoohisti boogeagwa, ak gayghwaheas ak gajanyasa booga saang'a. Nea eara dugweagwa gayghwanyas nyeega saang'a.

ISAYA 41:16

gajaleala saawa ak gayghwaat jeameeda, ak ghwanung' shaarara gaguudeadayi. Ak gayhoosasiina NG'UTAMIIDA was dea asagi Ghaydit bea Israeli ak gajoakghaambiida.

ISAYA 61:10

Gaydahoosan muuchi aba heeda NG'UTAMIIDA saseadeanyu gaygang'weela aba heeda ASEETEANYU, aba gideaba niikwealnean hang'da lealeanooda, ak ea nidukuteawean hang'da doobiiwnata, gawuurji siida geeshi iisissa geaw suulga aba shiipka deakghweeda, nea gawuurji sibeeda sissa geaw haleanjeeda miyaasiin bea suulga.

YEREMIYA 3:3

Ghamneawa shiishiiyda siiteal nea eara roopta girjeanda ea miighoan; gindeawi gheanyanga hang'oonyi uurji gea gatmooda hiseada nea eara baspaseega ea mindeawani.

YEREMIYA 5:24

Nea jeesinga nyaawa ea mayeena, ‘Anung' eawala gheang'da NG'UTAMIIDA was ASEETEANYA, was dea goona roopta aba damandaanyi, roopta doomeelda ea dea meahooda, nea gwanyakneasa damanyoojiga lajita booga.’

HEAREEGA 4:2

Orjooga miyaasiin bea Sayuni, gala geat sea dahaabooda miyaas, geaghay gideaba dabita sisna sigeeda gil, was gadiyeeda geatinga siida!

ESEKIELI 34:26

Gaydanung' goobiida murdeeda giijeedeanyu ghaydit ak ghaadawji ghawooda. Ak gaydanung' ghwanyas roopta aba damandaanyi ak gajea roopta mideawa ghawooda gil.

HOSEYA 6:3

Anung' eanala, eesisiina uurda nalita NG'UTAMIIDA; hinoadaanyi gawuurji muchuunooda; gayghwahitaayda roopta doomeelda, gawuurji roopta girjeanda gida iissa gwaroobassa ng'eanyiida.”

NG'ASHEEGA LAWI 26:4

abeeda gaydagooneegwa roopta aba damandaanyi, ak gaygwanyagu ng'eanyiida boagaaschi nea geediga madamnyeanda gaygwanyagu haghweega nyaawa.

AMOSI 4:7

“Ak ghabwada nih naadealaneegwa roopta hean nea gudughwashoada sheeh samwagu aba lajita booga; gaydanung' gwaroobassa roopta mujiineanagi, ak ghaanung' ea maroobasiina roopta mujiineeda niirja; ghwanyas hijagi roopta, nea heeda mwanyasa roopta ghaghajaamiit;

SAKARIYA 10:1

Amwaasha NG'UTAMIIDA roopta, aba damani bea muweedean, NG'UTAMIIDA gwasina shamooghuutka, ak gaygagooneegwa shiishiiyda roopta, nea gaba siisi siitaw nyeega.

SAKARIYA 10:7

Fuga Efraimu gayghwanyas uurjeenga, nea gahoosan jeesinga nyaawa gawuurji fuga leabu leeshooda difaayi; ak gayghwadaah diibiga nyaawa ng'asheesu, ak gahoosan, nea gahoosasa jeesinga nyaawa NG'UTAMIIDA.

SAKARIYA 9:13

Aba gideaba naanung' ghaghuumwa Yuda, neasinyi ghuweang'deanyu aba badayda Efraimu nea ghaanung' ghang'eat diibigaagu Ea Sayuni gang'uchi sea diibigaagu, Ea Yunani, aniini gaydanung' uurjeewana ng'uta muraneeda.

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

Gadiyeeda Giijasoodiga 14:17

ak eara aba seareani ea mii ghwanung'waada muuwuunoodeaba geaw aba ng'asheega miyaasiin sin, gagooneegwa roopta leabu humng'eeda ea booga aba damandaanyi, ak ghwanung' gwalang'u gurooruunatkeagwa aba daghwara ea hooseaneega.”

GIIPKEATA DIIGHEANDA 11:14

gaygwanyakneegwa roopta jea gwaroobassa ng'eanyiideang'wa aba damandaanyi, roopta girjeanda ea roopta huuydean, ak gaylaja boagaagu ea difaayeadaang'u ea nagheadaang'u.

GIIPKEATA DIIGHEANDA 28:12

Gaygwajeaneey NG'UTAMIIDA gheaseeda humng'eeda, gwanyakneey roopta ng'eanyiidaang'u aba damandaanyi nea gaygabadiischeesa gadiyoojiga geatingaagu; ak ang'iing'i gayghara eemoojiga saang'a, nea ea majalaaja eara gilagi.

GIIPKEATA DIIGHEANDA 32:2

Giinealshoodeanyu gayghoabitpita roopta, ng'asheegeasu gaygoobuugeanda rahooda, gawuurji shishihandeeda aba badayda nyeega shabeadi, gawuurji gheanyanga roopta aba badayda booga.

Filippi 3:1

Asi aba huuydeanda, orjooga giyeanya, ahoosana aba jeeda Ng'utamiida. Ak geang'oorneegwa ng'asheega uurji giika nea meapri, ak abeeda gaygwalealneegwa.

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

Filippi 4:4

Ahoosana aba jeeda Ng'utamiida galeagasean; ak geabiikti dayi, Ahoosana.