YOELI 2:21 - Bibliyeeda Ghaydit

²¹ “Ea ng'eanyiida adibeali; hoosana nea ging'weelayi, aba gideaba NG'UTAMIIDA nisin ng'asheega hees.

YOELI 2:21 Mawu Ofanana

GIING'EETA 15:1

Iimuchu nea ghang'ata ng'asheesu ghwahidu ng'asheanda NG'UTAMIIDA heeda Abramu aba giirgweatka, ak geehiimsa nea geeyeesha, “Adibeali Abramu, aniini geawooschi igeamboadaang'u; asi giimeardaang'u gaygwaheedu.”

NYIIGHEEGA 71:19

Nea uurdaang'u ea doobiiwnataang'u, Ea ASEETA, nidiyeada ea ghwahita humng'eeda. Ang'iing'i nisini ng'asheega hees, Ea ASEETA, neada ng'eaha dea uurjeeweey?

NYIIGHEEGA 98:8

Ghealooniga dabwara baneaguuka nyaawa; dasarmana giijeega sean aba hooseaneega.

ISAYA 35:1

Gaygahoosan dareapcheeda ea ng'eanyiida ghajaam, ak gaygang'weela eeshtearajeanda nea gooruudu deakghweeda.

ISAYA 41:10

Adibeali aba gideaba geendeayi, adihirbiban aba gideaba geawooschi ASEATAANG'U; gaydagoonyi uurda, ak gaydaweanyi, nea gaydaahaaghwaneey aba geatindeanyu bea dugwa doabiiwaat.

ISAYA 44:23

Asarmana aba hooseaneega agooga humng'eeda, aba nih sin NG'UTAMIIDEAN; oochuura aba ghuuta haw ea ghooroong'ajeega badayda ng'eanyiida; asarmana aba hooseaneega ea giijeega, ea dimda ea gilinyoo ea geeta gil mida jeedida! Asarmana aba gideaba NG'UTAMIIDA nilealu eemeeda Yakobo, ak gajeakghaambiit aba jeeda ng'eanyiida Israeli.

ISAYA 54:4

“Adibeali aba gideaba maybwaspwasa; nea adihirbiban aba gideaba majeapwaaspwaasnyi, aba gideaba gaygwarooseey baspaseega gheareemaneanduumeadaang'u, ea ng'asheega munyas siruku aba badayda masinung'weanduumeadaang'u.

ISAYA 55:12

“Aba gideaba gajarita nea goohoosanyi, ak gajeatoabiiweegwa aba hoyyoo; ak gaygwasarmana giijeega ea heayeeniga aba madeedeang'wa nea ghabwar geediga sean bea dareabeeta baneaguuka.

YEREMIYA 33:3

Guurnean ak gayghwanya ghuuteanyu, ak gaydaahiimneey ng'asheega hees hang'oonyi minali.

HOSEYA 2:21

“Ak gayghoah eaweedida, gayghwanya ghuuteanyu, aba gida nyaashta NG'UTAMIIDA, gaydasha ghuuta humng'eeda, ak eara humng'eeda gayghwasha ghuuta ng'eanyiida;

YOELI 2:20

“Nea deashamga leabu wiilooda ng'eanyiida ghayeawa gaydageanda deasheagiida heedeang'wa, ak gaydahoan mwaatkwa ea ghwahita dareapcheeda; nea shirikareeda duukusa mwadi gaydahisa jeeda basooda balang'da, nea heeda duukusa bwadaw gaygaweay jeeda basooda Mediteraniya ak gameewa; nea shearooda gimealnoadaanyi gaygwadiyeada gagal humng'eeda, aba gideaba nisin ng'asheega sean munyas.

YOELI 2:26

“Ak gajayaaga hamita haw ea alang'uuda, ak ghoakghaambiichi gheawunga NG'UTAMIIDA was ASEETEANG'WA, sineegwa ng'asheega deamdeameadi; nea buuneedeanyu ghanyea mayghabwaspwas.

SAKARIYA 8:15

hean ak geagasayi askwearjoojisu gicha dasima ng'asheega miyaasiin fuga Yerusalemu ea fuga gheeh Yuda, ak ea adoabeali.

GIIPKEATA DIIGHEANDA 4:32

“Anyaashta eawoojiga ning'ata, nea miyeejiilnyi, ng'eada eaweeda sina ASEETA siida aba badayda ng'eanyiida, ak ginyaashti gidang'eada murdeanagi bea muudeanooda humng'eeda ea gagul murdeeda niirja ea gwanda gil nuut uurji nih sidaah ghana ea siyiiy.

1 SAMWELI 12:16

Asi amiinaada nea goomajeekchi geat ak ghoadaayi ng'asheanji haw jea gwasin NG'UTAMIIDA aba madeeda gheanyangeagwean.

1 SAMWELI 12:24

Oawala NG'UTAMIIDA nea gabwageaw, ak gigadiyeesi muuchi aba gurooroadaang'u sean; nea giipkaadi ng'asheega hees nisineey.