YOELI 2:20 - Bibliyeeda Ghaydit

²⁰ “Nea deashamga leabu wiilooda ng'eanyiida ghayeawa gaydageanda deasheagiida heedeang'wa, ak gaydahoan mwaatkwa ea ghwahita dareapcheeda; nea shirikareeda duukusa mwadi gaydahisa jeeda basooda balang'da, nea heeda duukusa bwadaw gaygaweay jeeda basooda Mediteraniya ak gameewa; nea shearooda gimealnoadaanyi gaygwadiyeada gagal humng'eeda, aba gideaba nisin ng'asheega sean munyas.

YOELI 2:20 Mawu Ofanana

2 SUGOODIGA 8:13

Hean ghwalamda Hasaeli ak gwayeesha, “Aniini geawuurjeewi gudeeda mwadaagha. Gaydasindaan ng'asheanji hawiin?” Ghwasha Elisha ghuutaanyi ak gwayeesha, “Niihiimnaan NG'UTAMIIDA gideaba ang'iing'i gaywoosa sugoocheanda Shaamu.”

NYIIGHEEGA 126:3

NG'UTAMIIDA nisinnean ng'asheega hees; ak geehoosanyi muuchi.

RITEAYDA 10:19

Hean ghwayam NG'UTAMIIDA jeameeda ak ghwanung' gwaleabu heeda biyeara jeameeda ng'waan, ak ghaghuuta deashamga ak gaweay jeeda basooda Shaamu, nea meapuuda eara deashamayeanjagi aba jeeda ng'eanyiisean bea Misri.

RITEAYDA 8:14

Ak geamughuush aba hijagi ea ghoah dilgwajeega, ak goomealu ng'eanyiida.

ISAYA 34:3

Ak fuga nyaawa sinuuseada gajeehisa jarooda, ak shearooda muscheeka nyaawa gaygwadiyeada humng'eeda, ak giijeega gaygaguldeawa foojeanda nyaawa.

ESEKIELI 47:18

“Nea meatkweeda ghayeawa moonghooda gayghang'eada Hasar-enoni mida dageascheeda Haurani ea Dameski, ea Gileyadi ea ng'eanyiida Israeli. Ak gayghang'eada eenda Yordani, ak gajoateena ghang'eada moonghooda meatkweeda wiilooda ng'eanyiida ghayeawa ea ghwahita basooda ghayeawa ea ghwahita Damari. Nih abeeda meatkweeda ghayeawa gil.

AMOSI 4:10

“Ak ea neayeadu bugusteang'wa geeyooda muy uurji deaghayi bea Misri; nea ghaabwarji gheareemangeagwa aba ng'uta; ak ea naayaachi faraasajeegeagwa deasheagiit; ak ghaanung' gaweay shearooda ng'uh bea murearoodeang'wa jeeda sareenuukeagwa; ak ea mii abiikni heedeanyu,” gwarugu NG'UTAMIIDA.

SAKARIYA 14:8

Eaweedida gaygwarina beega mideawa eaweega Yerusalemu. Mwaatkwa gaygagal basooda mida heeda ghayeawa, nea mwaatkwa gagal basooda mida heeda biyeara. Ak beesu gaygagulda geayda ea muweeda.

MALAKI 3:11

Ak gaydareekusa deashamga aba badahuukeagwa, ea mwaaga haghweega ng'eanyiideang'wa; nea sabiiboodeang'wa mida madamnyeanda ea mayghwashnya jeata, gwarugu NG'UTAMIIDA bea lugweega.

GIIPKEATA DIIGHEANDA 11:24

Hiji sean jea ealaabwa aba baneaguuka geeshangeagwa gayghoah deang'wa; moonghoodeang'wa gayghang'eada dareapcheeda ea Lebanoni ea gidang'eada eenda, eenda siguura Furati, ea gagul basooda biyeara.