YOELI 2:17 - Bibliyeeda Ghaydit

¹⁷ Fuga was ashoohoodiga, was fuga gadiyeeda NG'UTAMIIDA, deayeawda aba dageascheeda heeda ghaydit ea heeda wagiida, Ak ea dayi, “Siksiina fugaagu, ea NG'UTAMIIDA, nea adinung' gafoaleasa eemoojiga suuk ak gwajukeasa, nea gwayi, ‘Gwanda yeenu ASEETEANG'WA?’”

YOELI 2:17 Mawu Ofanana

1 SUGOODIGA 6:3

Ak bugusta gheeda heeda was madeeda gheeda gaba geatin diktam aba geawunda, gooyang'deay sea geawunda wiilooda, ea geatin damanamughuush madeeda gheeda.

1 SUGOODIGA 9:7

ak abeeda gaydahuta Israeli aba jeeda ng'eanyiida ghayi aadawji saawa; ea gheeda ghayi eabadiischeesi aba gheawungeasu gaydahuteawa gheanyangeasu; nea fuga Israeli gayghoah ghwasiildeanga ea ng'asheega giing'weaka aba madeeda buuneeda sean.

2 DAMANYOOJIGA 7:20

abeeda gaydaang'aamwaneegwa jeeda ng'eanyiida ghayi eagoonyeegwa, ak gheawi, ghayi neang'ushiin aba gheawungeasu, gaydaang'aamwa madeedeanyu, ak gaydanung' ghoah ghwasiildeanga ea giing'weaka.

2 DAMANYOOJIGA 8:12

Ng'ata ghoadaw Sulemani NG'UTAMIIDA haleanjeeda sisabwa geadi sigwariida aba heeda wagiida bea NG'UTAMIIDA ghayi deeksa doodooda,

NEHEMIYA 9:36

Ng'ula aseasa askweareani geewooschi soomjooga aba ng'eanyiida ghayi iidawi ghweanigaasa gahoosasa nea ghwaak haghweagaaschi ea haleanjeadaanyi miyaas, ng'ula aseasa geewooschi soomjooga.

NYIIGHEEGA 115:2

Ghwasaan inyas gaygwayi eemoojiga, “Gwanda yeenu ASEETA nyaawa?”

NYIIGHEEGA 42:10

Weajoodigeasu goong'eawiidanean gili jea gwahirjeaweada geakeasu, nea gwayeeniisean askwearda sean, “Gwanda yeenu ASEATAANG'U?”

NYIIGHEEGA 42:11

Gurooroodeanyu ghwasaan inyas geejakseey ng'eanyi, nea ghaahamnyi ng'eanyi aba jeedeanyu? Ghusa ASEETA; aba gideaba gaydabiikta gicha daaghaambiit niny, lealnoocheandeanyu ea ASEETEANYU.

NYIIGHEEGA 42:3

Dabeakeasu niiw daghwardeanyu askweari ea eawa, nea gwayeeniisean buuneeda galeaga sean, “Gwanda yeenu ASEATAANG'U?”

NYIIGHEEGA 42:4

Ng'asheesu ghoapkaachi; ak ghabwaasha gurooroodeanyu, aba damanda eadeayeewi eemeeda jeeda gheeda ASEETA, ak ghaadoabiiwji saawa nea gaweay goojuur aba hooseaneega ea sarmeeda badiischooda, ea giigheambiita ASEETA nea gwanda eemeeda jeeda ghweelmeeda.

NYIIGHEEGA 74:10

Ea ASEETA weajoocheanda gaygabareeweey reari ea ghoah eeju? Weajoocheanda gaygafool gheawungaagu ea ghoah damanda manda muudeanooda?

NYIIGHEEGA 79:10

Ghwasaan inyas gwayeena eemoojiga, “Gwanda yeenu ASEETA nyaawa?” Waldeayda foojeanda weay bea fugaagu bea gadiyeeda gagasa eanal aba jeeda eemoojiga aba madeeda gheanyangaasa!

NYIIGHEEGA 79:4

Sihuuyi fuga siyeata ghuut aba heeda giischeewoodigaasa, shikooda ea juukooda aba heeda fuga neaweeseasa.

NYIIGHEEGA 89:41

Nea fuga sean ng'ata aba naweeda ghwaas haleanjeadaanyi; ak ea niiw gidarearga aba heeda giischeewdaanyi.

NYIIGHEEGA 89:51

ng'ula shikooda nyaawa, Ea NG'UTAMIIDA, ak gwajuuga siidaang'u imwaari aba heeda weah sean.

RITEAYDA 34:9

Ak gwayi, “Iinaanyaschi dagheerjeanduumeeda aba madeadaang'u, Ea NG'UTAMIIDA, geamuscheey NG'UTAMIIDA, una bugusteanya, aba gideaba fiisu eahang'oonyi iheeni, ak gisamsi munyindeanya ea riing'eegaasa, ak ginung' eehearaneeyi.”

ISAYA 22:12

Eaweedida NG'UTAMIIDA was ASEETA lugweega gaygaguursa buuneeda gooyeawda nea goonyahuushi, nea gwalootu buudeega nyaawa nea gookwa guniyajeega.

ISAYA 37:20

Asi ghamneawa, Ea NG'UTAMIIDA was ASEETEANYA, lealnaneasa geatingaaschi, ak ghwanal sugoodiga sean bea badayda ng'eanyiida gideaba ang'iing'i guwoosi NG'UTAMIIDA nea gibwaageaw.”

ESEKIELI 20:9

Ak geasinyi ng'asheanji aba gheawungeasu, aba gideaba ea meang'udana ririnnyeanda aba madeeda eemoojiga ghayi mideayi sea saawa ghayi eahiimsi geaw saawa ak gearuuni ng'eanyiida Misri.

ESEKIELI 8:16

Ng'ata ghwaadan ea ghoahiitanaan doodooda mida jeeda gheeda NG'UTAMIIDA. Nea aba hoowa bea gidaghuuta gheeda sibata ASEETEAN abeeda bugusta doodooda ea heeda wagiida gwanda headi diktam ea muut, nea geefuursa bwadaw gheeda sibata ASEETA, nea gheamamuunatka nyaawa geefuursa wiilooda ng'eanyiida ghayeawa. Nea abeeda geabwat aseeta arearu, nea geefuursa geat wiilooda ng'eanyiida ghayeawa.

HOSEYA 14:2

Ayaadana geadi ng'asheega ak goobiiksi NG'UTAMIIDA, ak gooyeeshi, “Geanda giidiinyeanyeeka sean; ang'waanya ng'asheega miyaas ak gajeatayda haghweega ghuusigaasa.

YOELI 1:13

Oomajeega geat ak googutu heareega, Ea ashoohoodiga; ookuula, Ea fuga gadiyeeda heeda wagiida; apkaani alila eaweesean aba badahuuka guniyajeega, Ea fuga gadiyeesa ASEETEANYU; aba gideaba haleanjeeda ghadooweeda was dearanga ea haleanjeeda ghadooweeda sileeha oaheawi ayaada jeeda gheeda ASEETEANG'WA.

YOELI 1:9

Haleanjeeda sisapa geadi bea ghadooweeda was dearanga ea haleanjeeda sisapa geadi bea ghadooweeda sileeha sisaja gheeda NG'UTAMIIDA; ashoohoodiga, was fuga gadiyeeda NG'UTAMIIDA, gagutu heareega.

AMOSI 7:2

Iidu nea niihiit deashamga agita nyeega badayda ng'eanyiida, hean geayeenyi, “Ea NG'UTAMIIDA was ASEETA, geamuscheey samsiina! Yakobo gayghamiinaadaydaan? aba gideaba aamwanang'!”

AMOSI 7:5

Hean geayeenyi, “Ea Ng'utamiida was ASEETA, geamuscheey nung'waada! Yakobo gayghamiinaadaydaan? Aba gideaba aamwanang'!”

MIKA 7:10

Hean weajoocheandeanyu gayghwadaah, ak gaygwadukuta niny baspaseega ninyeeda eeshiinean, “NG'UTAMIIDA was ASEATAANG'U gwanda yeenu?” Gheanyangeasu gaygang'ula niny; ak ghamneawa gajealaapta ng'eanyi gawuurji sheang'weeda mida naweadinga.

MALAKI 1:9

‘Asi ghamneawa geamuscheegwa amwaasha alooheeda ASEETA, ak abeeda ghabwaydaneasa.’ Aba gideaba gili siguun iileabu geatindaang'u, abeeda gaygoohiimsa alooheeda siida wassean aba jeedeang'wa? gwarugu NG'UTAMIIDA bea lugweega.

IITOODA 25:6

Deagheata ging'ulayi, ghwahidu siyagi bea jeeda fuga Israeli nea gweasa orjooga ghaamwat, gatmooda eemeeda Midiyani aba madeeda gheanyanga Musa ea aba madeeda gheanyanga fuga bwatgeat sean bea Israeli, nea gooyeawda aba ghuuta maheemajeanda siroondooscheesa.

Mattayo 23:35

ak abeeda gayghwahidu badahuukeagwa foojeanda sean bea fuga doobiiweadi weayeesa badayda ng'eanyiida, ghang'eada foojeanda ghayi siihiida bea Habeli ghayi doabiiwaat, ea gagul foojeanda Sakariya was orjeeda Barakiya ghayi oonuukusi jeeda gheeda sibatiisa ASEETA dageascheeda heeda Ghaydit ea dea heeda wagiida.

Mattayo 27:43

Niny ghaghus ASEETA ea dalealna ghamneawa iigasa, aba gideaba gwayi, ‘Aniini Orjeeda ASEETA.’”

GIIPKEATA DIIGHEANDA 28:37

Ak gayhuuwa siichea ghahamng'eanyi buuneeda nea gaygabareeweey reari nea gajeefoolnyi aba bugusta eemoojiga jea ghoadoabiiwnyi NG'UTAMIIDA.

GIIPKEATA DIIGHEANDA 32:27

Ak aniini ghaawali baloolda weajoodiga, gideaba adagooteemsheesa weajoodiga nyaawa ng'uyeega ak geeyi, “Geatingaasa nighaambiit, ak NG'UTAMIIDA ea mii gwasin suh seaniin.”’

YOSHUWA 7:9

Aba gideaba fuga Ganaani ea fuga sean bea ng'eanyiida gayghwayiiy iidi, ak gaygwaneaweeseasa, ak gayghwasach gheawungaasa aba jeeda ng'eanyiida; ak gaysina naaha aba hawunda gheawungaagu?”