YOELI 2:16 - Bibliyeeda Ghaydit

¹⁶ Oawaamwa gweargwa, oamiini fuga bwat geat, Oawaamwa gweargwa, eawaamwa diibiga, sea suh reer eanoogean; siida geeshi darina jeedeaba gheanyi, nea sibeeda ea darina aba jeeda maheemajeandaanyi.

YOELI 2:16 Mawu Ofanana

2 DAMANYOOJIGA 20:13

Ng'ata ghamiinaada fuga sean bea Yuda aba madeeda NG'UTAMIIDA, sea diibiga gea nyaawa manang'i, ea gadeemga nyaawa, ea diibiga nyaawa.

2 DAMANYOOJIGA 29:5

ak gwayeesha, “Ooleeysiinean iita, Ea fuga Lawi, asi ookghaydiida geat ak ghoakghaydiichi eara gheeda NG'UTAMIIDA, was ASEETA ghweanigeagwa, ak gooruuteawi heeda ghaydit gilinyoo ea muy.

2 DAMANYOOJIGA 30:17

Nea abeeda gwanda gea saang'a aba jeeda fuga bwat geat gea miighoaghaydiit geat, hean inyeesa fuga Lawi gaba siisi nuus dayeenda gisilleanda Basaaka gilinyoo ea miighaydit, ak ghaghaydiit aba heeda NG'UTAMIIDA.

2 DAMANYOOJIGA 30:19

siisi nyooh ghamiinda gurooroadaanyi gagaseada ASEETA, NG'UTAMIIDA was ASEETA ghweaniga nyaawa, eara ea maba giighaydidanda heeda ghaydit.”

2 DAMANYOOJIGA 35:6

Ak goonuuschi gisilleanda Basaaka, ak ghoakghaydiichi geat ak goosisi eara buweadeegeagwa, ak goosinyi gaweeda gidarukusiinda ASEETA Musa.”

AYUBU 1:5

Inyeesa iing'ata ghweelmeeda gaguursa Ayubu diibigaaschi ghoamiidu, hean inyeesa ghang'eat nea gudea sakteayda duu gil iing'ata ghweelmeeda ak ghoadayda haleanjeeda sisabwa geadi bea ghadooweeda sighwarda, aba badayda giliwas baleanda, aba gideaba gwayi, “Diibigeasu hich gwadeepa ea nisin riing'eeda nea ghamwaashta ASEETA aba jeesinga nyaawa.”

NYIIGHEEGA 19:5

gawuurji siida geeshi rinna jeeda ghooriidaanyi, ak gawuurji siida hoauur fwach aba naweadaanyi nea gahoosan.

RITEAYDA 19:10

Ak gwayeesha NG'UTAMIIDA Musa, “Una heeda buuneeda ak ginung' ghoamiidu geat ghamneawa ea numuji, nea goohuun eara hang'weaka nyaawa,

RITEAYDA 19:15

Ak ghwalamda Musa ak gwayeesha buuneeda, “Aghamwada geat eaweedeaba samwagu, nea aduwi heeda gatmooda.”

RITEAYDA 19:22

Eara ashoohoodiga damiina geat damanda mii ghapkaana heeda NG'UTAMIIDA, aba gideaba adiidu geanyareeksi saawa.”

YOELI 1:14

Ang'ula giiluuldeaydeaba geat, aguursiina fuga bwat geat. Dabwada geat gweargwa sea fuga sean bea ng'eanyiida; daweayi gheeda NG'UTAMIIDA, was ASEETEANG'WA, ak gooyeawusi NG'UTAMIIDA,

Mattayo 21:16

geeyeesha niny, “Heapi niyiinyi gida nyaah fiisu?” Gwayeesha Yesu saawa, “Ea huumwa ghayi, miyoasoamwana gideaba, ‘Aba ghuusiga diibiga ea gea ghameeka manang'i gaygwaduumshooweey muuchi’?”

Mattayo 9:15

Ghwasha Yesu nea gwayeesha, “Fuga siguursa nyeangiida ghoamu gagutu heareega nea gwandeawa siida geeshi? Gwanda askwearjoojiga jea ghwahidu jea eegeandeawa siida geeshi jeenyaawa, aba damani gaygooluulda geat.

1 Goriinto 7:5

Adooheewachi geat inyeesa gooneaji damanda, ak abeeda ghoanyaschi gheata mooshta ASEETA; ak iidu goobiiksiinyi gicha, ak ea mwanyasa Shataani gheata gichea gwasimdaneegwa iimandaneegwa gheadeenda.

YOSHUWA 7:13

Ng'eada ak ginung' ghoamiidu geat buuneeda, ak giyeeshi, ‘Oamiini geat nea goowooschi hidaat numuji, aba gideaba gwayi NG'UTAMIIDA was ASEETA Israeli, Gida siikghaydiit gwanda bugusteang'wa, Ea Israeli, ak ea maymiinaada aba madeeda weajoodigaagu, ea eaghus geanda gidida siikghaydiit mida bugusteang'wean.”

YOSHUWA 8:35

Manda ng'asheanda mii ghoasoamwa Yoshuwa aba madeeda fuga sean bwat geat bea Israeli, was gadeemga, ea diibiga, ea rabasta mida bugusta nyaawa was ng'asheega sean ghayi rukuta Musa.

1 SAMWELI 16:5

Ak gwayeesha, “Ea geayeadu hoyyoo; Aniini ghaawunyi dasin lukghumeeda NG'UTAMIIDA; oamiini geat, ak ghoapkaanyi eeteayeena lukghumeeda.” Ng'ata ghoamiidu Yese geaw sea orjoagaaschi, ak gaguursa ghapka lukghumajeega.