YOELI 2:14 - Bibliyeeda Ghaydit

¹⁴ Ak ghwanal ng'eaha gideaba maygabiigu ak ghwayam geaw, ak ghwanung'waneasa ghawoadaanyi; asi huumwa, haleanjeeda ghadooweeda was dearanga, ea haleanjeeda ghadooweeda sileeha aba heeda NG'UTAMIIDA was ASEETEANG'WA?

YOELI 2:14 Mawu Ofanana

2 SAMWELI 12:22

Ghwalamda niny ak gwayeesha, “Damanda mideewa baleanda, gealuuldi geaw nea geayeawdi; aba gideaba geayeenyi, ‘Neada ghwanal ng'eaha ea jea ghabwaydanaan NG'UTAMIIDA, ak ghwanyas baleanda eaweega?’

2 SAMWELI 16:12

Abeeda gwadeepa ghwadaah NG'UTAMIIDA sawanadeedeanyu, ak abeeda gawalu NG'UTAMIIDA gea miyaasiin aba mooshteawi iteanyuun askweareani.”

2 SUGOODIGA 19:4

Ghamneawa gwadeepa ghwayiiy NG'UTAMIIDA was ASEATAANG'U ng'asheega sean bea shirikarajeandida hawiin. Ghayi ajeagu sugoocheanda Ashuru siidaanyi haw goong'eawi ASEETA majeek, ak niny gaygoowoowsa ng'asheega iiy NG'UTAMIIDA was ASEATAANG'U. Eaniyean mwasha ASEATAANG'U ghawooda aba badayda boosteanga abit.”

RITEAYDA 32:30

Sakteayda gwayeesha Musa buuneeda, “Noosinyi riing'eeda haw. Ak ghamneawa gaydascheang'da dawa heeda NG'UTAMIIDA, ak gaydasin giiduupcheeda aba riing'eedeang'wa.”

ISAYA 65:8

Gwayi NG'UTAMIIDA: “Gawuurji gidasinyasiida difaayi aba jeeda sabiibu mughuush ak hean gwayi, ‘adiidu geadataschi, aba gideaba jeadaanyi gwanda badiischooda’, hean gaydasin aba badahuuka fugeasu bea gadiyeeda, nea ea maydahuyda saawa goosha sean.

YEREMIYA 18:8

ama inyas ghwayam geat ak ghwanung'waada munyasnacheeka eemeeda eargu, abeeda gaydaduukuuna aba badayda gida ghayi eagasayi dasima saawa.

YEREMIYA 26:13

Asi biissa ayamwa naweadingeagwa ea sinaweegeagwa, ak goosisi mureeda ng'asheega ghuuta NG'UTAMIIDA was ASEETEANG'WA, ak abeeda NG'UTAMIIDA gaygwaduukuuna aba badayda ng'asheega munyas ghayi nibada aba badahuukeagwa.

YEREMIYA 26:3

Gwadeepa gooleeysiit, ak gaba nih duukuuna aba naweadingaaschi munyas, ak abeeda eara aniini gaydaduukuuna munyinda ghayi eagasayi dasima saawa aba munyasnacheeka nyaawa.

YOELI 1:13

Oomajeega geat ak googutu heareega, Ea ashoohoodiga; ookuula, Ea fuga gadiyeeda heeda wagiida; apkaani alila eaweesean aba badahuuka guniyajeega, Ea fuga gadiyeesa ASEETEANYU; aba gideaba haleanjeeda ghadooweeda was dearanga ea haleanjeeda ghadooweeda sileeha oaheawi ayaada jeeda gheeda ASEETEANG'WA.

YOELI 1:16

Heapi hamita miyeesach gwasheagiida madeeda gheanyangaasa? huumwa, hooseaneega ea rearga meanung' gwasheagiida gheeda ASEETEANYA?

YOELI 1:9

Haleanjeeda sisapa geadi bea ghadooweeda was dearanga ea haleanjeeda sisapa geadi bea ghadooweeda sileeha sisaja gheeda NG'UTAMIIDA; ashoohoodiga, was fuga gadiyeeda NG'UTAMIIDA, gagutu heareega.

AMOSI 5:15

Asta gea munyas, ak ghoabwariinyi gea miyaas, ak goosikteawi doobiiwnata aba dooshta; eara NG'UTAMIIDA, was ASEETA bea lugooda, gayghabwaydaneegwa aba gheaptanga Yosefu.

YONA 1:6

Ng'ata gaweesa siida manmani maleambooda ak gwayeesha, “Ghwasaan ang'iing'i siida saang'a ruweanga? Ng'eada guursiina gheawunga ASEATAANG'U! Gwadeaba ghaweadeasa aseeta, ak ea meeshealani.”

YONA 3:9

Ghwanal ng'eaha, gideaba ASEETA gwadeepa ghwayam geaw aba nyarastaanyi ng'waan, ak ea meeshealani?”

SEFANIYA 2:3

Agasa NG'UTAMIIDA, agoogeeni seaniin ooyeadayi geat ng'eanyi aba badayda ng'eanyiidean, agoogeeni oang'waanyi diigheandeani; agasa doobiiwnata, agasa eatoodeaba geat bea ng'eanyi; gwadeaba eafunyeagwa eaweeda nyarasta NG'UTAMIIDA.

HAGAYI 2:19

Heapi gudugwanda mbeeyooda jeeda gijigooda? Ghana geeta sabiibu, ghana shaboogheecheanda, ea goomamaanga, ea geeta saytuunajeanda mudu gwajiila gil? Ghang'eada askweareani gaydagooneegwa ghawooda.”

2 Dimoteo 2:25

Aba damandida reekusiina fuga mamwasa ng'asheagaaschiin, gammiisa ea garbabu aba gideaba iideepa gwasa gwadeepa ghoadaw ASEETA fiisu duukuunooda ak ghwanal huumeanda.

YOSHUWA 14:12

Asi goona ng'eanyiini bea heayeenigean ghayi baloola NG'UTAMIIDA itaanyi eaweedideaniin aba gideaba ang'iing'i niyiinyi iitaanyi eaweedida gideaba fuga Anaki gwanda hoowa, ak gwandeawa mujiineeda mideawa hilgweanda majeek; ak geararsi gideaba gaydandeawa NG'UTAMIIDA, ak gaydahoan saawa gwarita jarooda gawuurji gidanyaashta NG'UTAMIIDA.”

1 SAMWELI 6:5

Asi gajasina duguuga uurji umwang'nyeekeagwa ea duguuga uurji murjeang'eedeang'wa nuusa ng'eanyiida, ak ghoakghaambiichi ASEETA Israeli; ak gwadeepa ghwanung'waada lasoodeang'wa ea aseecheekeagwa ea ng'eanyiideang'wa.