YOELI 2:13 - Bibliyeeda Ghaydit

¹³ abwaashaada gurooruunatkeagwa, nea mii hang'weakeagwa.” Ak goobiiksi NG'UTAMIIDA was ASEETEANG'WA; aba gideaba niny dea mideawa miyeenooda, ak gwandeawa baydeayda haw; ak ea mii wusis nyaras, niny gwandeawa baydeayda muuchi, nea ghwasit ng'asheega munyas.

YOELI 2:13 Mawu Ofanana

GIING'EETA 37:29

Iidu nea gabiikna Rubeni heeda shoomanda ak ghwadaah gideaba Yosefu manda jeeda shoomanda, ghabwaashaada hang'weakaaschi,

GIING'EETA 37:34

Ng'ata ghabwaashaada Yakobo hang'weakaaschi, ak gookwealsa manandaanyi hang'weaka guniyajeega, ak gagiisan aba orjeedaanyi ea gageawiit.

2 SAMWELI 1:11

Ng'ata ghoang'waay Dawdi hang'weakaaschi, ak ghabwaashaada; ak gwasindunu eara buuneesean mideayi sea niny;

1 SUGOODIGA 21:27

Hean ghwayiiy Ahabu ng'asheesu, ak ghabwaashaada hang'weakaaschi, ak gookwa guniyajeega, ng'ata gooluulda geaw ak gawiil geaw aba badayda guniyajeega ak goojiileadayi.

2 SUGOODIGA 22:11

Iidu nea ghwayiiy sugoocheanda ng'asheega gitaabooda deaweeda, hean ghabwaashaada hang'weakaaschi.

2 SUGOODIGA 22:19

ak ghang'arng'ariit gurooroadaang'u nea giyaadigeaw ng'eanyi aba madeeda NG'UTAMIIDA, damanda iiyiinyi ng'asheega eargu aba badaydeaba hiji ea badayda fuga mida hiji, bea gideaba gayghwaak salgheang'da nea geamwaashta, ak gibwaashaadi hang'weakaagu, nea giiyeawdi aba madeedeanyu, asi nealeeyseey iit gwarugu NG'UTAMIIDA.

2 SUGOODIGA 5:7

Iidu nea ghoasoamwa sugoocheanda Israeli barawajeanda, hean ghabwaashaada hang'weakaaschi nea gwayi, “Neada aniini ghaawaschi ASEETA, jea gwanuus nea gooduudu? Iijeagweanean siisi siida daahaap udamusuureadaanyi? Anala gideaba siisi gagasa jaliida aba heedeanyu.”

2 SUGOODIGA 6:30

Iiy sugoocheanda ng'asheandeaba gatmooni, hean ghabwaashaada hang'weakaaschi nea abeeda gwaneay aba uhuuda ghamarda nea gang'ula buuneeda, nea abeeda ea niikwa hang'weaka was guniyajeega aba jih.

2 DAMANYOOJIGA 6:27

abeeda giileaydiit aba humng'eeda, ak gisamsi riing'eega fugaagu bea gadiyeeda, was fugaagu was Israeli, nea giinaali gwasik naweeda doabiiwaat, jea gwasik; ak ginung' gwaroobassa ng'eanyiidaang'u, ghayi iidawi fugaagu ghoah hearaniischooda.

NEHEMIYA 9:17

ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.

AYUBU 1:20

Hean ghang'eat Ayubu ak ghabwaashaada hang'weakaaschi ak ghwareakgh uhuudaanyi, ak goobeedeaysa ng'eanyi ak ghamwaash ASEETA.

NYIIGHEEGA 103:8

NG'UTAMIIDA gabayiida buuneeda nea gwandeawa dagheerjeanduumeeda, ak ea mii asas nyaras ak gwandeawa bariinyeega huumwa.

NYIIGHEEGA 106:45

Ak ghoapkaat aba badahuuka nyaawa neajeadaanyi ak ghabwayda aba hawunda bariinyeagaaschi.

NYIIGHEEGA 34:18

NG'UTAMIIDA ea neekeewa fuga nyareadi gurooruunat, nea gea ninyara gurooruunatka gwalealu.

NYIIGHEEGA 51:17

Lukghumajeega gasa ASEETA guroorooda doabiiwaadi; ea ASEETA, ang'iing'i mayfoola guroorooda doabiiwaat bea mureeda.

NYIIGHEEGA 86:15

Nea ang'iing'i, Ea NG'UTAMIIDA, guwoosi ASEETA mideawa baydeayda ea miyeenooda, ak ea mii asas nyaras ak gwandeawa bariinyeega huumwa ak ea doabiiwaat.

NYIIGHEEGA 86:5

Aba gideaba ang'iing'i Ea NG'UTAMIIDA guwoosi miy nea gisamiisi fih, nea gibwariinyi muuchi fuga sean guuruuneey.

ISAYA 57:15

“Nih ginyah ASEETA mida humng'eeda sheagi gil bea giibinda manda muudeanooda, nea gheawungaaschi ea Ghaydit. “Aniini geabiiti humng'eeda heeda ghaydit, ak geendeayi sea fuga niduukuuna ea gea eadageat ng'eanyi, ak gaydeamajeek gurooruunatka gea eadageat ng'eanyi, nea ghaadawji uurjeenga gea niduukuuna.

ISAYA 58:5

Heapi giiluuldeaydeaba geaw sunu dea ghayi aaloachi? Heapi damanda jea gwasawan siida saseadaanyi? Gayghwahiiy geaw ghwayiin uhuuda ng'eanyi gawuurji nyeeshtooda. Nea ghoabwarghaan hang'weaka was guniyajeega nea hing'eadaydaanyi gwanda deareeda, asi gajeena nih giiluuldeaydeaba geaw jea ghamwas NG'UTAMIIDEA?

ISAYA 66:2

Aba gideaba haleanjeeni seaniin geasinyi aniini, ak gwardu haleanjeeni seaniin, gwarugu NG'UTAMIIDA. Ak siisi ea siichea dang'ula gil, siida ng'eeni ak ea niduukuuna, nea iiyiiy ng'asheandeanyu ghang'ut muuwda.

YEREMIYA 36:7

Gwadeepa ghamwaash NG'UTAMIIDA nyaawa ak gaba nih abuut naweadingaaschi muy, aba gideaba nyarasta ea ng'weaninda ghayi rugu NG'UTAMIIDA aba badaydeaba fiisu aahaw muuchi.”

YEREMIYA 41:5

ghwahidu fuga saang'a leabu Shekemu ea gea leabu Shilo ea gea leabu Samariya, was fih seedam nea nireakghu deamuuka nyaawa nea nibwaashaada hang'weaka nyaawa, nea nibwaashaada sasanuuka nyaawa, nea gweana geatinga nyaawa haleanjeeda ghadooweeda was hideeda ak gweadu gheeda sibata NG'UTAMIIDA.

YEREMIYA 42:10

Iijea oopiidana ng'eang'i, abeeda gaydadeaseegwa ak ea maydanyarjaneegwa, gaydang'aaptaneegwa ak ea maydaloataneegwa; aba gideaba neaduukuuni gidamuy ghayi easimaneegwa.

ESEKIELI 9:4

Ak gwayeesha NG'UTAMIIDA niny, “Siga bugusta mujiineeda Yerusalemu, ak giiroori gheamamuunatka fuga anyahuushi nea gooyeawda aba ng'asheega munyas sean sisin aba jeedeaba mujiineani.”

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

YONA 3:9

Ghwanal ng'eaha, gideaba ASEETA gwadeepa ghwayam geaw aba nyarastaanyi ng'waan, ak ea meeshealani?”

YONA 4:2

Hean ghamwaash NG'UTAMIIDA nea gwayeesha, “Geamuscheey NG'UTAMIIDA, nih mii gidearukuneey aba damanda ghayi eandeewi ng'eanyiideanyu? Hean ghoah gideamng'awi ak geawi Darshishi; aba gideaba ghaanali ang'iing'i guwoosi ASEETA mideawa bariinyeega ea baydeayda, mii asas nyaras, bea bariinyeega huumwa, nea gisti ng'asheega munyas.

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

NAHUMU 1:3

NG'UTAMIIDA mii asas nyaras ak gwandeawa uurda haw, ak NG'UTAMIIDA gaygageanda giidiinyeanda aba giduurji sean. Nea naweadingaaschi siga gwanda shaarara ea jeameeda, nea shamooghuutka ea birjeanda geeshangaaschi.

IITOODA 14:18

‘NG'UTAMIIDA ea garbabu nyaras, ak aahaw baydeaydaanyi, ak gwasamiisa munyinda giidiinyeanyeeka, ak ea mayghwanung' ea manda giidiinyeanda aba gheatkweakasean; maydanung'waada lasooda diibiga aba giidiinyeanda ghweaniga nyaawa, aba jeateaba samwagu ea deaba ang'wan.’

Ruumi 2:4

Ghana ang'iing'i irari ng'asheega baruureega aba ng'eenindaanyi ea gidamajeekta ea riyeeng'deayda? Ak ea minali gideaba ng'eeninda ASEETA gayghoadoabiiwnyi ea ghoahiitaneey jeeda duukuunooda?

Efeeso 2:4

Nea ASEETA baruur aba baydeayda, aba jeeda bariinyeagaaschi haw aba gidabwariiydaneasa,

1 Dimotteo 4:8

Aba gideaba deangheeda nung' ghwanyas saseeda uurda ghwahit gilimwanang', ak badita ASEETA ghwahit aba haleanjeeda sean, aba gideaba gindeawi heeleeda eaweegeaba ghamneawa ea diita iidu jea ghwahiduun.