YOELI 2:12 - Bibliyeeda Ghaydit

¹² “Ak eara ghamneawa,” gwayi NG'UTAMIIDA, “abiiksean aba gurooruunatkeagwa sean, aba giiluuldeaydeaba geat, aba shooka, nea googutu heareega;

YOELI 2:12 Mawu Ofanana

2 SAMWELI 24:10

Hean gwasawana jeeda Dawdi iing'ata iitooda buuneeda. Ak gwayeesha Dawdi NG'UTAMIIDA, “Aniini neasinyi giidiinyeanda haw aba gili easinyiin. Asi ghamneawa, Ea NG'UTAMIIDA, geamuscheey ang'iing'i, geanda giidiinyeanda siidaang'u bea gadiyeeda; aba gideaba neasinyi leendeeda haw.”

2 DAMANYOOJIGA 30:6

Ng'ata gaweay fuga siicheakta jeeda ng'eanyiida sean bea Israeli ea Yuda nea gweata geadi barawajeega leabu heeda sugoocheanda ea fugaaschi hees, gawuurji gidarukuta sugoocheanda, nea gwayeesha, “Ea fuga Israeli, abiiksiina NG'UTAMIIDA, was ASEETA Abrahamu, ea Isaka, ea Israeli, ak gwadeepa gwayamseegwa geat agoogeeda oowooschi boosteanga ghayi oawaptaawi geatinga sugoodiga ng'eanyiida Ashuru.

2 DAMANYOOJIGA 6:27

abeeda giileaydiit aba humng'eeda, ak gisamsi riing'eega fugaagu bea gadiyeeda, was fugaagu was Israeli, nea giinaali gwasik naweeda doabiiwaat, jea gwasik; ak ginung' gwaroobassa ng'eanyiidaang'u, ghayi iidawi fugaagu ghoah hearaniischooda.

ESTA 4:16

“Una, ak gibwadigeat fuga Israeli sean mida ng'eanyiida Susa, ak gooluuldi geat aba badaydeanyu, adooyeagiischi nea adooleeshi eawooji samwagu, eawa ea askweari ak eara aniini ea haweegeasu bea gadiyeeda gajeeluulda geat eewuurjeewaneegwa. Hean gaydawa heeda sugoocheanda, nea mii deaweeda gil, ak inyas ghaameayi abeeda ghaameayi.”

RITEAYDA 33:5

Ghwalamda NG'UTAMIIDA ak gwayeesha Musa, “Eeshiina fuga Israeli, ‘Agooga goowooschi fuga hang'oonyi iheeni, inyas geashamnyeegwa ak ghaahidu bugusteang'wa, gaydaduulneegwa, asi biissa afwakta eagweegeagwa miyaasiin ak ghaanali gichea dasimaneegwa.’”

ISAYA 22:12

Eaweedida NG'UTAMIIDA was ASEETA lugweega gaygaguursa buuneeda gooyeawda nea goonyahuushi, nea gwalootu buudeega nyaawa nea gookwa guniyajeega.

ISAYA 58:4

Ng'ula, agooga gooluuldi geat aba gideaba googasayi oang'eada ghuuta jaliida ea ng'ucheeda inyeesa gooluuldi geat aba sareani abeeda mooshteang'wa bea ghawooda mayghwahidu heedeanyu.

YEREMIYA 3:22

“Abiikni, Ea orjooga manda mureeda, gaydageandeawaneegwa nyoota bea mureeda.” “Ng'ula, aseasa geapkaanyi headaang'u; aba gideaba ang'iing'i guwoosi NG'UTAMIIDA was ASEETEANYA.

YEREMIYA 36:7

Gwadeepa ghamwaash NG'UTAMIIDA nyaawa ak gaba nih abuut naweadingaaschi muy, aba gideaba nyarasta ea ng'weaninda ghayi rugu NG'UTAMIIDA aba badaydeaba fiisu aahaw muuchi.”

YEREMIYA 4:1

Gwayi NG'UTAMIIDA, “Inyas gajabiikni, Ea Israeli gajabiikni heedeanyu. Inyas gajageanda munyindeang'wa aba madeedeanyu, abeeda ea majeanyasnyi.

YEREMIYA 4:2

Inyas gajaga habeawooda, ‘Aba gidabiideata NG'UTAMIIDA,’ aba huumeanda, ea aba doobiiwnata, ea aba alooheeda, abeeda gaygabadiischeesa geat eemoojiga aba gheawungaaschi, nea aba gheawungaaschi gayghoaghaambiit geat.”

ESEKIELI 33:11

Eeshiina aba gideabideati, gwarugu NG'UTAMIIDA was ASEETA, meahoosani aba miyeeda siida muy, geagasayi gideaba siida muy ghoabuut naweadingaaschi munyas, ak ghwanyas giibinda. Aduukuunana, aduukuunana, ak ghoanung'waadi naweadingeagwa munyas, ghwasaan anda googasayi ameewa, Ea fuga Israeli.

DANIELI 9:3

Ng'ata ghaasaji ghaat deageal heeda NG'UTAMIIDA was ASEETA, ak geamuschi niny nea ghaamwaashchi ghawooda nea ghaaghadoawanyi nea gealuuldi geaw nea geakweali hang'weaka guniyajeega nea geabiidi jeeda deareeda.

HOSEYA 12:6

“Asi ang'iing'i, biikni aba weeta ASEATAANG'U, ang'waanya bariinyeega ea doobiiwnata ASEATAANG'U.”

HOSEYA 12:7

Niny siida ageakshachi gil, mida geatingaaschi gidasiiteeniida bea ng'uyeega, nea inyeesa ghabwariiy gwasawan buuneeda.

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

HOSEYA 6:1

“Apkaani, eebiiksiina NG'UTAMIIDA; niny nibwareasa, ak gay ghoahaabeasa; niny nisawaneasa, ak gayghwarat deaneaduutkaasa.

YOELI 1:13

Oomajeega geat ak googutu heareega, Ea ashoohoodiga; ookuula, Ea fuga gadiyeeda heeda wagiida; apkaani alila eaweesean aba badahuuka guniyajeega, Ea fuga gadiyeesa ASEETEANYU; aba gideaba haleanjeeda ghadooweeda was dearanga ea haleanjeeda ghadooweeda sileeha oaheawi ayaada jeeda gheeda ASEETEANG'WA.

SAKARIYA 7:3

Ak geanyaash ashoohoodiga gheeda NG'UTAMIIDA bea lugweega ea sibanga, nea gwayeesha, “Heapi gamiisean gideaba gaydeayeawda nea gealuuldi geaw sheedeaba muut gawuurji gidaghayi easindi gweanyeekiga ng'ataan?”

SAKARIYA 7:5

“Rukusiina buuneesean bea ng'eanyiida ea ashoohoodiga, gideaba damanda ghayi ooluuldeawi geat nea gooyeawdi nea sheedeaba muut gil, ea sheedeaba ispwa, aba gweanyeeksu alaadam ea damanispwaan, abeeda gooluuldi geat aba badaydeanyu?

MALAKI 1:9

‘Asi ghamneawa geamuscheegwa amwaasha alooheeda ASEETA, ak abeeda ghabwaydaneasa.’ Aba gideaba gili siguun iileabu geatindaang'u, abeeda gaygoohiimsa alooheeda siida wassean aba jeedeang'wa? gwarugu NG'UTAMIIDA bea lugweega.

Gadiyeeda Giijasoodiga 26:20

ak aba madeeda ghaang'eachi rukwiideayda ng'asheega ASEETA aba ng'eanyiida Dameski, ea Yerusalemu ea ng'eanyiisean bea Yahudi, ea heeda fuga Eemoojiga, gideaba gwaduukuuna ak gwayamsa geat ASEETA ak ghoahiimu aba gadiyoojiga nyaawa gideaba niduukuuna.

FUGA LAJA GIRGWEAGUUTKA 2:4

Ng'ata malaykajeanda NG'UTAMIIDA nea gwarukusa ng'asheesu heeda fuga sean bea Israeli, gagatkat buuneeda ghuusiga nyaawa ak gooyeawda.

FUGA LAJA GIRGWEAGUUTKA 20:26

Ak fuga sean bea Israeli, fiisu seaniin, gwadiyeada gaweay Beteli, ak gooyeawdi, goobiitpiit aba madeeda NG'UTAMIIDA, ak gooluulda geat eaweedida ea ghoah shing'ada; ak ghwayiin lukghumajeega sigwariida ea haleanjeeda sisabwa geadi was gea hoyyoo aba madeeda NG'UTAMIIDA.

1 SAMWELI 7:3

Ng'ata gwayeesha Samweli fuga sean bea Israeli, “Iyoobiigu heeda NG'UTAMIIDA aba gurooruunatkeagwa sean, abeeda ghoanung'wi heeda aseecheeka rabasta ea Ashtaroti mida jeedeang'wa, ak ghoatawji gurooruunatkeagwa NG'UTAMIIDA, ak googadiyeesi niny ak ghwahit, ak gaygwalealnaneegwa geatinga fuga Filisti.”

1 SAMWELI 7:6

Hean ghabwat geat aba Mispa, ak gwaramu beega ak ghoahiida aba madeeda NG'UTAMIIDA, ak gooluulda geat eaweedida, nea gwayi, “Aseasa sisinyi riing'eeda aba madeeda NG'UTAMIIDA.” Ak goorooroochi Samweli fuga Israeli aba Mispa.