YOELI 1:7 - Bibliyeeda Ghaydit

⁷ Nidatas deashamga sabiiboodeanyu, ak ea nihirja shaboogheecheandeanyu; ak ea siipuusa badatkaaschi ak ghwahit ak ea nibwaay gawa ng'eanyi; nea damealgaaschi ea sinung' gaweeriidi.

YOELI 1:7 Mawu Ofanana

NYIIGHEEGA 105:33

Ak ghwalas uhuuda sabiibajeega nyaawa ea shaboogheeta nyaawa, nea gwahirjeaweada geediga moonghajeega nyaawa.

RITEAYDA 10:14

Ak ghapka deashamga badayda ng'eanyiisean bea Misri, ak goobissa ng'eanyiisean bea Misri, ak deashamgiga aasaang'a muuchi, eara heeda ghayi miigwardu ak ea maygabiikta gwardu.

RITEAYDA 10:15

Ak gwadukuta ng'eanyiisean, ea gamisaniit ng'eanyiisean, nea ghwaak booga sean mida jeeda ng'eanyiida ea haghweega sean bea geediga abuut roopta lagheanga ak ea moapta eara seendoanagi bea geeta ghana booga jeeda madamnyeanda aba ng'eanyiisean bea Misri.

ISAYA 24:7

Nisis sabiibu, ak ea manda difaayi, fuga ghayi hoosana, ghamneawa ning'ut gurmeahiida.

ISAYA 32:12

Agulgula daghanuunatkeagwa aba badayda madameega miyaas, ea aba badayda sabiibooda jih muuchi.

ISAYA 5:6

Ak gaydanung' ghoah raghwata; ak ea majeesuuy nea majeebarsa, ak gaygwardu ng'eamga ea halaghweenga; ak gaydayeesha shamooghuutka adiidu ghwaroabwan aba badayda ng'eanyiida.

YEREMIYA 8:13

Gwayi NG'UTAMIIDA, nea geagasayi daawaam gidamida heeda nyaawa, ging'ulayi heeda sabiibu manda haghweega, nea eara heeda shaboogheeta ea manda haghweega; nea eara seenga ea nigajeamiidi, nea eara gida aadawji saawa ea ning'amwa heeda nyaawa.”

HOSEYA 2:12

Ak gaydadatas sabiibajeagaaschi ea shaboogheetaanyi nea gwayi, ‘Mii gida geatindeanyu gil ghayi goonan ng'wasangeasu.’ Ak gaydanung' ghoah dareabeeta ak gayghwaak diyeanga jarooda.

YOELI 1:12

Sabiibu nisis, nea shaboogheecheanda ea nighawasa. Gulageecheanda ea miileanda ea rabeakgha, ea geediga sean mida madameega nisis; aba gideaba niisha bariinyeega aba jeeda buuneeda.

AMOSI 4:9

“Ak gaydalaseagwa ak ghoanyaschi geayda ng'waan; nea ghaabwari darari madameegeagwa was boosteaneedeang'wa ea madameegeagwa bea sabiibu, ea shaboogheeteang'wa ea saytuunajeegeagwa gaydanung' ghwaak deashamga; ak ea mii abiiksean,” gwarugu NG'UTAMIIDA.

HABAKUKI 3:17

Aba gideaba shaboogheecheanda mii gooruudu deakghweeda, nea sabiibu ea mandeawana haghweega, ak eara saytuunajeega ea maji nea madameega ea manda hamita, nea seamooda ea maygwanda nooga ak muhealuutka ea maygwanda dugwa.

MALAKI 3:11

Ak gaydareekusa deashamga aba badahuukeagwa, ea mwaaga haghweega ng'eanyiideang'wa; nea sabiiboodeang'wa mida madamnyeanda ea mayghwashnya jeata, gwarugu NG'UTAMIIDA bea lugweega.