YOELI 1:4 - Bibliyeeda Ghaydit

⁴ Haleanjeeda abuut deashamga, niyaak deashamga saang'a; nea haleanjeeda abuut deashamga saang'a, ea niyaak haluuleeda, nea gea abuut haluuleeda, ea niyaak deashamga duulu haleanjeeda.

YOELI 1:4 Mawu Ofanana

1 SUGOODIGA 8:37

“Inyas gwanda jeeda ng'eanyiida geejeeda, inyas gwanda dawni ghana nyoota roopta ghana dung'usta ghana deashamga ghana sapsabiida; inyas gayghaghas weajoodiga nyaawa aba jeeda mujiinajeega nyaawa; gwadeepa ea geeyoonung'weaka gil ghana miyeanyeeka,

2 DAMANYOOJIGA 6:28

“Inyas gwanda ng'eanyiida geejeeda, inyas gwanda ng'eanyiida dawuni, ghana nyoota roopta, ghana deashamga, ghana dakajeega; inyas gayghwanaw saawa weajoodiga nyaawa aba jeemba mujiinajeega nyaawa; ghana gwadeepa ea bileangida gil ghanea geeyooda;

2 DAMANYOOJIGA 7:13

Iyaarachi humng'eeda ea maroabwana, ghana deajeagu deashamga ghwaak ng'eanyiida, ghana dajaksa fugeasu dawuni,

NYIIGHEEGA 105:34

Hean gabalool ak ghwahidu deashamga, sea dayeega saang'a bea deashamga manda mooneeda;

NYIIGHEEGA 78:46

Ghwanung' ghapka sapsabiida ak ghwaak booga nyaawa, ak ghwaak haghweega geatinga nyaawa deashamga.

RITEAYDA 10:4

Ak inyas ea misiksiini fugeasu gaweay, ng'ula, numuji gaydanung' ghapka deashamga ng'eanyiidaang'u,

RITEAYDA 10:5

ak gaygwadukuta badayda ng'eanyiida, ak ea manda eara siyagi jea ghwadaah ng'eanyiida, ak gayghwaak haleanjeeda abit iing'ata roopta ghayi bea lagheanga, ak gayghwaak gilinyoo ea geeta gil ridu aba madamnyeanda was deang'wa,

ISAYA 33:4

Nea easangaagu gajeepisa gawuurji gidabitiisiinda diyeanga, ak gayghang'eataawa uhuudaanyi gawuurji gidang'eetiideayda deashamga.

YEREMIYA 51:14

NG'UTAMIIDA bea lugweega niyeaksa geaw habeawooda: Aba huumwa gaydaanyiinyi buuneeda saang'a deena deashamga, ak gaygwargu nyeashta haw bea joordeang'wa.

YEREMIYA 51:27

“Amiinda beendeerajeanda aba badayda ng'eanyiida, aghuuda durumbeati aba bugusta eemoojiga; asisiina eemoojiga jea gang'uchi niny, aguursiina sugoodiga jea gang'uchi sea niny, sugoodiga Ararati, ea Mini, ea Ashkenasi; iina madeadaanyi shirikareeda hees jea gang'uchi niny, ayeani faraasajeega deena dayeega deashamga.

YOELI 2:25

Ak gaydaaghuumneegwa haleanjeeda gweanyeeka ak deashamga saang'a, ea haluuleeda duulu haleanjeeda was lugooda ghayi eayeadu jeedeang'wa.

AMOSI 4:9

“Ak gaydalaseagwa ak ghoanyaschi geayda ng'waan; nea ghaabwari darari madameegeagwa was boosteaneedeang'wa ea madameegeagwa bea sabiibu, ea shaboogheeteang'wa ea saytuunajeegeagwa gaydanung' ghwaak deashamga; ak ea mii abiiksean,” gwarugu NG'UTAMIIDA.

AMOSI 7:1

Suh ng'asheega ahiimnean NG'UTAMIIDA was ASEETA gil: ng'ula, gwasin deashamga damanda duu ghaftu seenga doomeelda ng'ula abeeda seenga damanda doomeelda gil iing'ata lajooda booga sugoocheanda.

MALAKI 3:11

Ak gaydareekusa deashamga aba badahuukeagwa, ea mwaaga haghweega ng'eanyiideang'wa; nea sabiiboodeang'wa mida madamnyeanda ea mayghwashnya jeata, gwarugu NG'UTAMIIDA bea lugweega.

GIIPKEATA DIIGHEANDA 28:38

Gajaada mbeeyooda saang'a ak gihisti aba madamnyeanda, ak hean gaylaja boosu ng'ay; aba gideaba gayghwaak deashamga.

GIIPKEATA DIIGHEANDA 28:42

Geedigaagu sean ea haghweega madamnyeandaang'u gaygoombal deashamga.