YOELI 1:13 - Bibliyeeda Ghaydit

¹³ Oomajeega geat ak googutu heareega, Ea ashoohoodiga; ookuula, Ea fuga gadiyeeda heeda wagiida; apkaani alila eaweesean aba badahuuka guniyajeega, Ea fuga gadiyeesa ASEETEANYU; aba gideaba haleanjeeda ghadooweeda was dearanga ea haleanjeeda ghadooweeda sileeha oaheawi ayaada jeeda gheeda ASEETEANG'WA.

YOELI 1:13 Mawu Ofanana

2 SAMWELI 12:16

Ak gamus Dawdi ASEETA aba badayda baleanda; ak gooluulda geaw Dawdi, ak gawa gah ak gwalla ng'eanyi eaweesean.

1 SUGOODIGA 21:27

Hean ghwayiiy Ahabu ng'asheesu, ak ghabwaashaada hang'weakaaschi, ak gookwa guniyajeega, ng'ata gooluulda geaw ak gawiil geaw aba badayda guniyajeega ak goojiileadayi.

ISAYA 22:12

Eaweedida NG'UTAMIIDA was ASEETA lugweega gaygaguursa buuneeda gooyeawda nea goonyahuushi, nea gwalootu buudeega nyaawa nea gookwa guniyajeega.

ISAYA 61:6

Nea agooga gajeeguureewaneegwa ashoohoodiga NG'UTAMIIDA, ak gaygaguureewaneegwa buuneeda fuga gadiyeesa ASEETEANYA, ak gajayaaga meanang'oocheanduumeeda eemoojiga, ak gajaghwara geat aba giigheambiita nyaawa.

YEREMIYA 4:8

Asi aba ng'asheanji ookweala hang'weaka beareadi, ak googutu heareega nea gooyeawdi; aba gideaba nyarasta ng'waan bea NG'UTAMIIDA miighang'amwa heedeanya.”

YEREMIYA 9:10

“Agutuuni heareega nea gooyeawdi aba badayda giijeega ea shooka aba badayda nyeega mida dareapcheeda, aba gideaba nijeama nea manda siida jea ghwala jeeda nea meayiinya eara nyeashta dugwa; nea dariidaka humng'eeda ea diyeanga jarooda ea niiguudeadayi.

ESEKIELI 21:12

Ajuura aba ghuuta sawanadeeda, Ea orjeeda siida, aba gideaba ng'uta siikeal heeda fugeasu, ea heeda fuga hees sean bea Israeli siiruudu eabwara ng'uta sea fugeasu, asi gulgula daghataang'u aba gurmeahiida.

ESEKIELI 27:31

Nea saawa gaygwahinda geat gili mideawa mearuumeeda aba badaydaang'u, nea gwarasa mananuunatka nyaawa hang'weaka guniyajeega, ak gaygooyeawuseey aba sawanadeeda aba guroorooda, aba giinyahuushooda sawanadeeda.

ESEKIELI 7:18

Ak saawa gaygookwa guniyajeega, nea ghang'ut muuwda, ak saawa gaygabaspasi nea geereakgh sean iheenga nyaawa.

HOSEYA 9:5

Gajasina naaha aba eaweeda siloat bea ghweelmeedean, ea eaweeda ghweelmeeda NG'UTAMIIDA?

YOELI 2:12

“Ak eara ghamneawa,” gwayi NG'UTAMIIDA, “abiiksean aba gurooruunatkeagwa sean, aba giiluuldeaydeaba geat, aba shooka, nea googutu heareega;

YOELI 2:14

Ak ghwanal ng'eaha gideaba maygabiigu ak ghwayam geaw, ak ghwanung'waneasa ghawoadaanyi; asi huumwa, haleanjeeda ghadooweeda was dearanga, ea haleanjeeda ghadooweeda sileeha aba heeda NG'UTAMIIDA was ASEETEANG'WA?

YOELI 2:17

Fuga was ashoohoodiga, was fuga gadiyeeda NG'UTAMIIDA, deayeawda aba dageascheeda heeda ghaydit ea heeda wagiida, Ak ea dayi, “Siksiina fugaagu, ea NG'UTAMIIDA, nea adinung' gafoaleasa eemoojiga suuk ak gwajukeasa, nea gwayi, ‘Gwanda yeenu ASEETEANG'WA?’”

IITOODA 28:14

Nea haleanjeadaanyi bea ghadooweeda sileeha gajea gidagween iyeenya bea gikoombeeyda difaayi gil bea heeyda, ea gideaba samwagu bea gikoombe bea lagweenda, ea gidameagweena iyeenya bea gikoombe bea dayeenda gisilleanda; nih haleanjeeda ghadooweeda sigwariida gil aba giliwas sheeda aba sheega sean bea gweayda.

IITOODA 28:4

Gajadayda dayeanaanjagi bea gisilleanda sakteayda, ak gajadayda dayeenda niirja bea gisilleanda shing'ada;

IITOODA 28:7

Nea haleanjeadaanyi bea ghadooweeda sileeha gajea gidameagweena iyeenya gil bea gikoombe aba dayeanaanjagi bea gisilleanda; nea heeda ghaydit gajahiisiina haleanjeeda ghadooweeda sileeha was difaayeeda ng'weani siitaw NG'UTAMIIDA.

IITOODA 29:6

ak gayghabwada haleanjeeni bea ghadooweeda sighwarda aba ng'ushiinda sheedean, ea haleanjeadaanyi bea ghadooweeda was booga, sea haleanjeeni bea ghadooweeda sigwariida bea galeagaseaniin, ea haleanjeadaanyi bea ghadooweeda was booga, sea haleanjeadaanyi bea ghadooweeda sileeha, gawuurji gidanyaashta diigheandaanyi, ak ghoah shearooda ng'andit, suh haleanjeeda ghadooweeda siitaw NG'UTAMIIDA sighwarda.

1 Goriinto 4:1

Nih gidagasa ghwadaaktaneasa siida gil, gideaba geewooschi soomjooga Gristo ea fuga siiteaga gadiyeeda funyaat bea ASEETA.

1 Goriinto 9:13

Moanali gideaba fugiga sin gadiyeeda aba gheeda sibata ASEETEAN gwanyassa hamita nyaawa gheeda sibata ASEETA, nea fuga sin gadiyeeda, aba heeda wagiida iissa ea mwanyasa haleanjeedida sisapa geadi bea lukghumajeegeani?

2 Goriinto 11:23

Saawa soomjooga Gristohi? Ghaaraanyi aniini, geabalooldi siida geeska, biissa gaba gadiyeeda haw, ghaaraanyi muuchi aba ghealooniga, bea bayiiga mwoamu eeyiida, nea ghaariikghti aba miyeeda galeagasean.

2 Goriinto 3:6

aba gideaba niny dea nung' eamuusa eahuuwa fuga gadiyeesa neajeedeesh, meeng'oorsiina jeeda barawajeanda geang'waar aba jeeda Guroorooda; aba gideaba gising'waar was deaweeda gaygwanuus, nea Guroorooda gagoona eaweega.

2 Goriinto 6:4

nea iisiwuurjeewi soomjooga ASEETA abeeda geaghwarji geat aba naweadinga sean, aba naweedida haw bea milikghteaydean, aba sawanaduutka, hang'ooynacheeka habitkwajeega,

Giidaheechta 11:3

Ak gaydaadaw Muuwshoodigeasu asiyeenya uurda ak ghwaramoar eawooji sagalam ea bughalaji iyeenya ea laadam, nea siikwealsa guniyajeega.”