YEREMIYA 9:3 - Bibliyeeda Ghaydit

³ Hean ghaghwanda ng'ushapkeaka nyaawa ghuweanga; nea ng'uyeega ea niheena jeeda ng'eanyiida ea ghwanaawa huumeanda; nea ea nisin riing'eeda ea ghwanaawda, ak ea mudu ghwanalan, ng'asheanji gwarugu NG'UTAMIIDA.

YEREMIYA 9:3 Mawu Ofanana

GIING'EETA 39:16

Gwandeawa hang'daanyi ea ghwahidu ghoah siyeadaanyi,

GHWASIILDEANGA 12:5

Ng'asheega siida doabiiwaat ea doobiiweadi, nea ng'asheega siida muy ea ng'uyeega gil.

ISAYA 1:3

Deeda ghwanal seabwa, nea digeeda ghwanal siida bea gheeda, nea Israeli ea mwanala, ak fugeasu ea meateemshachi.”

ISAYA 3:5

Ak gajeeghabwas buuneeda, siida ea niirja siida ea giischeewoocheandaanyi; baleanda gayghaghwar geaw aba madeeda gweargweeda, siida ng'arng'ar aba madeeda siida siiwal gheang'da.

ISAYA 6:5

Hean geayeenyi, “Deashageadi! Aba gideaba naaroachi aba gideaba aniini geawooschi siida muy ghuut, ak geabiidi bugusta fuga munyasi ghuusi, ak ea naadaayi sugoocheanda, was NG'UTAMIIDA bea lugweega.”

ISAYA 9:18

Ng'asheega munyas bea buuneeda ghwayeata beasta, ak ghwaak ng'eamga ea halaghweenga; ak ghwayeata beasta mida jeeda dimda, nea ghwanung' gwardu aroosta haw gal humng'eeda.

YEREMIYA 12:6

Ak eara orjooga giyeang'wa ea ghaheang'wa, nibada gea munyas aba badaydaang'u goojuur aba badaydaang'u adiidu gumwasi saawa earapeadi baloola gea miyaasiin aba badaydaang'u.”

YEREMIYA 22:16

Niny gwalaja girgweaguutka fuga barbari ea gea mandeawana gil; ak hean ghwanyas nyageadayda ak gwayi NG'UTAMIIDA, nih mii gidahiimu gideaba ghwanalani?

YEREMIYA 31:34

Nea manda siida jea ghoanaal giischeewoocheandaanyi, ghana orjeeda ghaamwat, nea gwayeesha, ‘nala NG'UTAMIIDA,’ aba gideaba gayghwanalan sean, ghang'eada dea mwanang'eawa saawa aba jeenyaawa, Ea ghoah dea haweewa saawa aba jeenyaawa, gwarugu NG'UTAMIIDA, aba gideaba gaydasamsa giidiinyeanyeeka nyaawa, nea maygudu daapkaat riing'eega nyaawa.”

YEREMIYA 4:22

“Aba gideaba fugeasu ea dasheahi, saawa mwanalaan; saawa diibiga dasheahi, saawa mandeawana fughareenga. Saawa ea milmili aba sinooda riing'eeda, Nea sinooda haleanjeeda doobiiweadi ea moamu.”

YEREMIYA 5:4

Hean geayeenyi, “Suh fuga barbari gil, nea ea mandeawana fughareenga; saawa mwanala naweeda NG'UTAMIIDA, ea digheanyeeka ASEETA nyaawa.”

YEREMIYA 5:5

Gaydaweesa fuga hees, ak geabaloolji; aba gideaba saawa ghwanal naweeda NG'UTAMIIDA, ea digheanyeeka ASEETA nyaawa.” Nea gawuurji sean aba gideaba nihirja machookajeega nyaawa, ak gang'acheawi ghealooniga nyaawa.

YEREMIYA 6:28

Saawa niiw fuga nisidiischi, inyeesa gwaneayi nea ghwaak badahukeaba suurja; gahang'oonyatida lagheanga ea gharinga, sinaweega nyaawa ea munyas.

YEREMIYA 7:26

ak eara gwasa, saawa ea mooleeysiinean iidiga nyaawa nea maduupa gil, hean goohang'oonyi gheatkweaka nyaawa. Ak gwasin dea muy ea ghwanaawa ghweaniga nyaawa.

YEREMIYA 9:5

Gaba siisi reengani giischeewoocheandaanyi, nea ea manda siida rugu huumeanda; nea ghuusiga nyaawa ea niinaal rukuunooda ng'uyeega; gwasin riing'eeda ak ghwaraay gwaduukuuna.

YEREMIYA 9:8

Ghuusiga nyaawa gawuurji geatka mideawa furgweega, mwanung'wa ng'uyeega; inyeesa gabaloola ghuuta miy sea giischeewoocheandaanyi nea aba gurooroadaanyi ghwadap neawsiinda.

ESEKIELI 8:13

Ak gabiikta gwayeeshiinean ASEETA, “Gaydaaha gicha ng'asheega munyas hees suuk sin.”

DANIELI 11:27

Abeeda gaygoobiitpiit sugoodi iyeenya ak goombuuchi aba hijagi; nea jeesinga nyaawa ea munyas ak gaba siisi reengani niirja. Ak ea mayghwanyas gidagasa; aba gideaba muudeanooda miighoah damanda hit.

NG'ASHEEGA LAWI 19:11

“Adiidu goojagwadiischi, ghana reengana siida, ghana anapiisiina geat ng'uyeega.

Marko 8:38

Siida wassean aba seaygeani bea riing'eeda biissa ea meawala ASEETEAN, siida isinnean gheanyanga ea ng'asheegeasu, abeeda Orjeeda Siida gaygwasissa gheanyanga siidida, damanda jea ghoana nea nighaambiit ghwaan sea giijasoodiga ghaydidi bea humng'eeda.”

Yohaana 17:3

Nea eaweega manda muudeanooda ea nih gil, gideaba ghwanalnyi ang'iing'eeda was ASEETA huumwa ea Yesu Gristoyda ghayi iijeagu.

Gadiyeeda Giijasoodiga 24:9

Ghwaroap ghuuta fuga Yahudi nea gwayeesha ng'asheesu siihaaktaawa ghoahiimu gideaba sean huumwa gil.

Ruumi 1:16

Aba gideaba maydabwaspwas aba Giijasta Miy, bea gideaba uurda ASEETA gil dea eadu lealeanooda aba heeda siida wassean mideawa masaweega, heeda siida Yahudi aba madeeda ak gabassa siida Yunani.

Ruumi 1:28

Hean nea ghwadaah gideaba mwahida gideaba gayghamwas ASEETA, ghwanung'waada ASEETA gwasin searoojiga munyas gasa fugheerga nyaawa.

Ruumi 3:13

“Muwooguuka nyaawa bung'eeda abwaraghuut; nea ng'ushapkeaka nyaawa iissa gwareengani buuneeda.” “Gwarituuna ghuusiga nyaawa furooda uurji dea ichibooda.”

1 Goriinto 15:34

Anung' ghwadoabiiw fughareengeagwa, ak ea adagudoosinyi riing'eeda. Aba gideaba buuneeda mwaatkwa mandeawana fughareeda ASEETA. Geerugu ng'asheesu ak abeeda ghoabwaaspwaaschi.

Filippi 1:28

Nea moawali weajoodigeagwa aba ng'asheanda wassean. Aba gideaba aba heanyaawa suh gwadeagooda majeek bea nyariida, nea aba heedeang'wa ea gwadeagooda lealeanoodeang'wa, ea gideaba gwaleabu heeda ASEETA.

2 Dimoteo 3:13

Ak fuga munyas searooji ea gea ng'uyeega gayghang'ata mwadi ak ghwaraanya buuneeda nea eara saawa geereengani.

Yuuda 1:3

Fuga aabwariinyi, geagasayi muuchi dang'oorneegwa iita lealeanoodeanya bea gealaan, ak ghaadaayi ghwahit gideaba geang'oorneegwa nea geamuscheegwa ak geeng'alealeesi masaweega ghayi sigu nibwagi ak ea majeebiikta siitaw fuga ghaydidi.

Giidaheechta 12:11

Ak ghwajoar aba foojeanda Dayeenda Gisilleanda, ea aba ng'asheanda muuwuunooda nyaawa, ak ea mwabwariinya eaweega nyaawa eara gaweay miyeeda.

FUGA LAJA GIRGWEAGUUTKA 14:17

Hean gooyeawusa eawooji ispwa bea ghweelmeeda nyaawa, ak eaweeteaba ispwa gwarukuta, aba gideaba goodeawiiti muuchi. Aba ng'ata gwarukusa fuga gheanyaawa gida bea ghwasiildeanga.

FUGA LAJA GIRGWEAGUUTKA 2:10

Nea seaygoojigiga seaniin geemuguushsa heeda ghweaniga nyaawa; ak ghang'eat seayga nuut aba badayda nyaawa, gea mwanala NG'UTAMIIDA ghana gadiyeeda ghayi nisissa fuga Israeli.

1 SAMWELI 2:12

Abeeda orjooga Eli fuga munyasi; ak ea mwanala NG'UTAMIIDA.