YEREMIYA 8:4 - Bibliyeeda Ghaydit

⁴ “Gajeeshina saawa, Gwayi NG'UTAMIIDA: Siida iyabeada, inyeesa ea mabiikta ghang'eati? Aba iiroat, inyeesa ea mabiikna?

YEREMIYA 8:4 Mawu Ofanana

1 SUGOODIGA 8:38

aleeysiina iit musiischoodeaba siyagi ghana gea buuneeda sean bea Israeli, gilba siisi nyooh ghwanal geeyooda bearji aba gurooroadaanyi ak ghamiinda geatingaaschi googeal heeda gheawi;

GHWASIILDEANGA 24:16

Aba gideaba siida doabiiwaat gayghoabeada niba ispwa ak ghang'eat gicha, nea fuga munyas searooji gaygwaruusa ng'asheega munyas.

ISAYA 44:22

Neabuuschi giidiinyeanyeekaagu ea gawuurji shamooghooda, eara riing'eagaagu ea gawuurji dung'usta; biikni heedeanyu, aba gideaba nealealneey.

ISAYA 55:7

fuga munyas danung'i naweadinga nyaawa munyas, fuga munyas danung'waada giiteemshooda nyaawa munyas dabiksiina NG'UTAMIIDA, ak gayghabwayda, ak gaweesa ASEETEANYA ak gaygwasamsa.

YEREMIYA 23:14

Nea aba jeeda sibanga Yerusalemu ea naadaayi ng'asheanda nung' ghahamng'eanyi buuneeda inyeesa gamealuuli nea gwanaba ng'uyeega; inyeesa ghaweat fuga sina ng'asheega munyas, nea manda dea jea ghwayamwa geaw jeeda munyinda; aba giteena saawa niwuurji fuga Sodoma aba heedeanyu, nea fuga mida hoowa ea niwuurji Gomora.”

YEREMIYA 3:1

“Inyas gang'ada gatmooda sea siyeadaanyi, ak ghang'amwa headaanyi, ak ghoah gatmoomba sih nuut, abeeda gayghoamu gabiiksa gatmoadaanyi? abeeda ng'eanyiita majeang'uda ririnnyeanda muuchi? gwayi NG'UTAMIIDA Ang'iing'i niyaagi hiseadayeanduumeeda sea ng'wasanga saang'a; abeeda ghamneawa gaygudu biikni heedeanyu?

YEREMIYA 3:22

“Abiikni, Ea orjooga manda mureeda, gaydageandeawaneegwa nyoota bea mureeda.” “Ng'ula, aseasa geapkaanyi headaang'u; aba gideaba ang'iing'i guwoosi NG'UTAMIIDA was ASEETEANYA.

YEREMIYA 36:3

Gwadeepa fuga Yuda ghwayiiy ng'asheega munyas sean jea dasima saawa, ak gaba nih abuut naweadingaaschi munyas ak geasamsi giidiinyeanyeeka nyaawa ea riing'eega nyaawa.”

YEREMIYA 4:1

Gwayi NG'UTAMIIDA, “Inyas gajabiikni, Ea Israeli gajabiikni heedeanyu. Inyas gajageanda munyindeang'wa aba madeedeanyu, abeeda ea majeanyasnyi.

ESEKIELI 18:23

Heapi! Aniini geahoosanyi aba miyeeda siida muy? Gwarugu NG'UTAMIIDA was ASEETA, mang'wana ghwanung'waada naweadingaaschi munyas ak ghwanyas eaweega?

HOSEYA 14:1

Ea Israeli, biiksiina NG'UTAMIIDA was ASEATAANG'U, aba gideaba niibeadi aba giidiinyeanyeekaagu.

HOSEYA 6:1

“Apkaani, eebiiksiina NG'UTAMIIDA; niny nibwareasa, ak gay ghoahaabeasa; niny nisawaneasa, ak gayghwarat deaneaduutkaasa.

HOSEYA 7:10

Nea ghwarjeeda Israeli ea nidaajiit aba madeadaanyi; nea ea mabiikta heeda NG'UTAMIIDA was ASEETA nyaawa, eara aba ng'asheesu, ea magaseada niny.

AMOSI 5:2

“Niibeada huda miyeasat bea Israeli, ak ea maygudu ghang'eat; sibwaay aba badayda ng'eanyiidaanyi, ak ea manda siida jea gagatkat.”

MIKA 7:8

Adihoosani aba badaydeanyu, Ea weajoocheandeanyu; inyas ghaabeadi, gaydamiinaada gicha; inyas geapteadi aba jeeda misaneeda, NG'UTAMIIDA gayghoah weeshinda aba heedeanyu.