YEREMIYA 8:2 - Bibliyeeda Ghaydit

² ak gajeetearsa madeeda aseeta ea sheeda ea madeeda lugweega humng'eeda, ghayi bwariiy nea gagadiiydooscheesa, ghayi wadiini heanyaawa, ak gwarukwiida ng'asheega nea gabada; ak ea majeamughuush nea majeebuy, gaygawuurji fiyeega dugwa aba badayda ng'eanyiida.

YEREMIYA 8:2 Mawu Ofanana

2 SUGOODIGA 17:16

Nea geanung'waada digheanyeeka as damanamughuush bea NG'UTAMIIDA was ASEETA nyaawa, ak gwasissa geat sanaamajeega was muhoow iyeenya, ea Ashera, nea geabwat miinga sean bea humng'eeda, nea geegadiyeesa Baali.

2 SUGOODIGA 21:3

Aba gideaba ghwadeas gicha heeda sibadiini ghadooweeda, ghayi nyarja Hesekiya was ghoan, ak gwadeeksa Baali heeda wagiida. Nea gwasin Ashera, gawuurji gidaghayi sinda Ahabu was sugoocheanda Israeli. Ak ghabwat miinga sean bea humng'eeda, nea gagadiiyeesa saawa.

2 SUGOODIGA 21:5

Ak ghwadeas heeda wagiida bea miinga sean bea humng'eeda aba jeeda ghoorajeegiga asiyeenya bea gheeda NG'UTAMIIDA.

2 SUGOODIGA 23:5

Ak ghahoan ashoohoodiga bada sanaamu, ghayi iin sugoodiga Yudean gwajoohiisa heeda sibada geediga ng'andidi mida jeeda mujiinajeega Yuda, ea gea neaweesa Yerusalemu, ea gea joohiisa geediga ng'andidi Baali, ea aseeta, ea sheeda, ea miinga, hees, ea miinga sean mida humng'eeda.

NYIIGHEEGA 53:5

Hean ghwanyas muuwda haw ea boodeaneega ghayi mii ghwadaa! Aba gideaba gayghoadaarda ASEETA geaka siida mabata niny; gaynung' ghabwaspwas, aba gideaba nifool ASEETA saawa.

NYIIGHEEGA 83:10

ghayi silas uhuuda aba Endori, ak ghoah sururuuda aba badayda ng'eanyiida.

NYIIGHEEGA 83:11

Nung' gawuurji fuga nyaawa hees Orebu ea Sebu, ak gawuurji fuga nyaawa sean ambaliischi sea Seba ea Salmuna,

REEKUSIINDA 6:3

Nea siida iijih diibi bughala, ak goobiida ng'eanyiida gweanyeeka saang'a, nea saang'a askwearjoojiga eaweagaaschi, nea saseadaanyi ea mii gwalang'u aba haleanjeeda miyaas; ak ghoah iing'ata ng'asheesu, ak ea manda heechea eebung'sa; geayeenyi aniini, ghang'wana gweayuumeeda nyar ea ghang'al niny.

YEREMIYA 14:16

Nea fuga ramoorasa gajeejaksa jarooda jeeda naweadinga Yerusalemu, was gea nihuuyda geejeeda ea ng'uta, nea manda siichea gabuy saawa, ea gadeemga nyaawa, ea orjooga nyaawa ea haweega nyaawa. Aba gideaba gaydahisa munyasnacheeka nyaawa badahuuka nyaawa.

YEREMIYA 16:11

Ak gajeeshiina saawa: Gwayi NG'UTAMIIDA, ‘Aba gideaba ghweanigeagwa ghayi ghaheawanaan, ak ghwaat geeshanga aseecheeka suuk ak ghabwat nea gagadiiyeesa, hean ea nijaktaneani nea ea mudu ghoang'waay huumeanyeekeasu,

YEREMIYA 16:4

Ng'ula gaygahuuyda geeyooda muy. Nea ea manda fuga jea gooyeawda aba badahuuka nyaawa, ak hean eara fuga jea gabuy ea maygwanda; saawa gaygawuurji fiyeega dugwa mida mooheeda. Ak gaygahuuyda ng'uta ea geejeeda, nea muscheeka nyaawa gayghoah daghwarda dariidaka ea diyeanga jarooda.

YEREMIYA 16:6

Nea gaygooshealsa hiji fuga hees ea gea manang'i; ak ea majeebuy, nea manda siichea gagutu heareega aba badahuuka nyaawa, ghana gwareekushi, ghana ghwalajaada geaw aba badahuuka nyaawa.

YEREMIYA 19:13

Nea gealga Yerusalemu ea gealga sugoodiga Yuda ea gealga sean sigwardeaysa hideeda ng'andit iheenga nyaawa ak geataw malaykajeega humng'eeda, ea haleanjeeda sisabwa geadi was gea sileeha ea siitaw aseecheeka suuk, gajeang'uda ririnnyeanda gawuurji Dofeti.’”

YEREMIYA 22:19

Niny gajeebuyda gida sibunyiida digeeda, Gajeengiir ak geejaksa jarooda madeeda gidaghuudajeega Yerusalemu.”

YEREMIYA 25:33

“Nea gea jea ghabwar NG'UTAMIIDA eaweedida gayghang'eada meatkweenagi bea ng'eanyiida ea gagul niirja. Nea majeeyeawda, ghana eamughuush ghana eebuy; gaygawuurji ng'ooyanga aba badayda ng'eanyiida.

YEREMIYA 31:40

Nea moangoachiyda sean bea muscheeka ea deareeda ea madameega sean ea ghwahita ghealooda Gidroni nea gagul ghwanooda dooshta faraasi, mida meatkweeda ghayeawa, gayghoah heeda ghaydit bea NG'UTAMIIDA mwajealoata nea majeenyarja damanda manda muudeanooda.”

YEREMIYA 36:30

Asi gwayi NG'UTAMIIDA aba badayda Yehoyakimu sugoocheanda Yuda aba jeadaanyi manda siida jea gawa hoorgeeda gheambalmeeda Dawdi, nea mustaanyi gajeejaksa jarooda askweari ak ghwaak daknooda nea eawa ghwaak jeameeda.

YEREMIYA 9:20

Oaleaydiit, ea gadeemga, ng'asheanda NG'UTAMIIDA, danung' ghwayiiy iidigeagwa ng'asheega leabu ghuutaanyi, oanala haweegeagwa gutuunooda heareega, ea giischeewoocheandeang'wa gichea goonyahuusheata.

YEREMIYA 9:21

Nea ea nihidu miyeeda gah nea gwasigu seawuutka, ak ghoaptu jeesinga gealgaasa, ak gahuuyda diibiga aba jeeda naweadinga ea gheareemanga aba jeeda moohajeega.

YEREMIYA 9:22

Ng'ata gwayi NG'UTAMIIDA: “Rukuta gideaba, ‘Muscheeka headiga gaygoobargiisheata ng'ooyanga aba mooheeda, gaygawuurji booga nung'wa heeda fuga laja booga, nea manda siichea ghoawaam.’”

ESEKIELI 29:5

Ak gaydanung'useey heeda nea sijakseey jeeda dareapcheeda, ang'iing'i ea ghweayeega sean bea eenigaagu, gajabeada aba madeeda mooheeda ak ea majeabwadaneey geat, nea majeayiinyi hijagi ak gearuuneey woosa hamita diyeanga ng'eanyiida ea dea dariidaka humng'eeda.

ESEKIELI 39:5

Ak gajabeedeaysiina bugharjeanda aba gideaba neargu ng'asheanji, gwarugu NG'UTAMIIDA was ASEETA.

ESEKIELI 6:5

Ak gaydayiin muscheeka fuga Israeli madeeda sanaamajeega nyaawa, ak gaydaadaarda geakeagwa aba meadajeega sean bea wagiideang'wa.

ESEKIELI 8:16

Ng'ata ghwaadan ea ghoahiitanaan doodooda mida jeeda gheeda NG'UTAMIIDA. Nea aba hoowa bea gidaghuuta gheeda sibata ASEETEAN abeeda bugusta doodooda ea heeda wagiida gwanda headi diktam ea muut, nea geefuursa bwadaw gheeda sibata ASEETA, nea gheamamuunatka nyaawa geefuursa wiilooda ng'eanyiida ghayeawa. Nea abeeda geabwat aseeta arearu, nea geefuursa geat wiilooda ng'eanyiida ghayeawa.

SEFANIYA 1:17

Ak gaydeadu sawanadeeda aba badayda buuneeda, ak gaygabadiiniida siida ng'oaw, aba gideaba niidiiy aba badayda NG'UTAMIIDA; ak foojeanda nyaawa gaygaweay gawuurji birjeanda, nea banyeega nyaawa gawuurji fiyeandooda.

SEFANIYA 1:5

ea giika inyeesa gwatkuy aba iheenga ghoorajeegean ea miinga mida humng'eedean; ea giika inyeesa gwatkuy nea ghwaak habeawooda aba heeda NG'UTAMIIDA ak gweaksa habeawooda Milkomu;

Gadiyeeda Giijasoodiga 7:42

Iidu ghwayam ASEETA ak ghwanung' ghabwat miinga humng'eeda, gawuurji gissing'oarda aba jeeda gitaabooda sibanga: ‘Neada haleanjeeda oonuuseadi ea lukghumajeega googoonyean, gweanyeew haradam aba dareapcheeda, Ea gheeh Israeli?

GIIPKEATA DIIGHEANDA 17:3

ak ea nuwa ghabwat aseecheeka, ghana aseeta ghana sheeda ghana gilinyoo gwanda humng'eeda aaheawi,

GIIPKEATA DIIGHEANDA 4:19

Adiidu gigatkadi gheanyangaagu ak ging'ulayi humng'eeda, ama inyas gidaahi (aseeta) ea sheeda ea miinga ea haleanjeeda sean bea humng'eeda adiidu gang'weela gheanyangaagu ak gibwadi haleanjeeda NG'UTAMIIDA was ASEETEANG'WA sissa eemoojiga suurja mida badayda ng'eanyiida.