YEREMIYA 8:1 - Bibliyeeda Ghaydit

¹ Gwayi NG'UTAMIIDA, “Aba damandida, geaka sugoodiga Yuda, ea gea fuga nyaawa hees, ea gea ashoohoodiga, ea gea sibanga, ea gea fuga abiita Yerusalemu gajeeruuna jeeda bung'eadinga nyaawa;

YEREMIYA 8:1 Mawu Ofanana

1 SUGOODIGA 13:2

Hean gooyeawusa siida mida heeda wagiida aba ng'asheanda NG'UTAMIIDA, ak gwayi, “Ea heeda wagiida, heeda wagiida, gwayi NG'UTAMIIDA: ‘Ng'ula, gajeeji orjeeda aba gheeh Dawdi, gajeeguura Yosiya; gaygwasissa badaydaang'u lukghumajeega ashoohoodiga abiita heetiyeada gaygwariida haleanjeeda ng'andidi aba uhuudaang'u nea eara geaka buuneeda gajeegwardeaysa badaydaang'u.’”

2 SUGOODIGA 23:16

Hean ang'wearda Yosiya ghwadaah bung'eadinga mida hoowa bea uhuuda giijeedean, ak goojeakta buuneeda. Ak gooruudu geakiga mida jeeda bung'eadingean ng'ata ghaghwarda aba heeda wagiida, ak ghabwara ririnnyeanda gawuurji gidanyaashta ng'asheanda NG'UTAMIIDA, rugu siidida bea ASEETEAN aba gidarukuteayda ng'asheesu.

2 SUGOODIGA 23:20

Ak gwanuuseada ashoohoodiga sean mida hoowa bea heeda sibadiini ghadooweedean aba heeda wagiida. Ak ghaghwarda geaka buuneeda aba badayda nyaawa ak gabiikta Yerusalemu.

2 SUGOODIGA 9:37

Ak musta Yesebeli gaygawuurji fiyeega aba madeeda madameega aba ng'eanyiida Yesreeli. Nea manda siida jea gwayi nih musta Yesebeli gil.’”

NYIIGHEEGA 53:5

Hean ghwanyas muuwda haw ea boodeaneega ghayi mii ghwadaa! Aba gideaba gayghoadaarda ASEETA geaka siida mabata niny; gaynung' ghabwaspwas, aba gideaba nifool ASEETA saawa.

YEREMIYA 14:16

Nea fuga ramoorasa gajeejaksa jarooda jeeda naweadinga Yerusalemu, was gea nihuuyda geejeeda ea ng'uta, nea manda siichea gabuy saawa, ea gadeemga nyaawa, ea orjooga nyaawa ea haweega nyaawa. Aba gideaba gaydahisa munyasnacheeka nyaawa badahuuka nyaawa.

ESEKIELI 37:1

Ghaanyaschi uurda NG'UTAMIIDA, ak gooruutanean jarooda, aba guroorooda NG'UTAMIIDA ak ghwayiinan ng'eanyi, aba bugusta moangoachi nea ghwanyiit geaka.

ESEKIELI 6:4

Nea heedeang'wa bea wagiida gayghoah raghoonyeanda, nea sanaamajeegeagwa bea aseeta gaygwanyara ak diibigeagwa sinuuseada gaydajaksa madeeda sanaamajeegeagwa.

ESEKIELI 6:5

Ak gaydayiin muscheeka fuga Israeli madeeda sanaamajeega nyaawa, ak gaydaadaarda geakeagwa aba meadajeega sean bea wagiideang'wa.

AMOSI 2:1

Asi gwayi NG'UTAMIIDA: “Fuga Moabu nisin riing'eeda gicha, ak aba sareani gaydalas saawa; aba gideaba ghaghwarda geaka sugoocheanda Edomu.