YEREMIYA 7:9 - Bibliyeeda Ghaydit

⁹ Ghamneawa gajajagwadiischeena, gajareang'ni, gajahiseada, gajayaaga habeawooda ng'uyeega, gajagwardeaysiina Baali geediga ng'andidi, ak ghoabwachi aseecheeka miyoanala,

YEREMIYA 7:9 Mawu Ofanana

1 SUGOODIGA 18:21

Ak gwaneekiisa Eliya heeda mida buuneesean ak gwayi, “Gajabeacheewana jeedeaba ng'asheesu asiyeenyean ea ghoah eeju? Inyas NG'UTAMIIDA ea ASEETA gil, ghoayaachi geeshta, ama inyas ea Baali gil, eara ada ghoayaachi geeshta.” Ak ea mwasha buuneeda ghuutaanyi.

RITEAYDA 20:3

“Adindeawi aseecheeka suuk geakghusan aniini.

ISAYA 1:13

Adagudooyeadu haleanjeeda sisabwa geadi bea ghadooweeda was gidamaweeda; ak geediga ng'andidi ea meagassi. Ea ng'ushiinda sheeda ea sabaato, ea fuga bwat geat mwaash ASEETA– ea googuuyi ng'asheega munyas aniini meagassi.

ISAYA 58:2

Ak gagaseadayean galeagasean, gagasa ghwanal naweadingeasu, gawuurji eemeeda Sini gea doobiiweadi, nea mwanung'waada deaweedeeda ASEETA nyaawa, ak aba heedeanyu gagasa diigheanda doabiiwaat ak gahoosan aba gideaba gwaneekiisa ASEETA.

YEREMIYA 1:16

Ak gaydeargweaksa fugeasu aba gideaba nisin riing'eeda nea ea nijaktaneani, ak gagwardeaysa haleanjeeda ng'andidi aseecheeka suuk, ak ghaghadoawan gadiyoojiga geatinga nyaawa.

YEREMIYA 11:13

Aba gideaba aseecheekeagwa nisaang'ayiit ea gwadeena mujiinajeegeagwa, Ea fuga Yuda, ak ea saang'a ea gwadeena naweadinga Yerusalemu heeda wagiida oadeaschi bea baspaseega, was heeda wagiida sigwariideaysa geediga ng'andidi jea goohoosan Baali.

YEREMIYA 11:17

NG'UTAMIIDA bea lugweega, ghayi ng'aaptaneeyi nibada gea munyas aba badaydaang'u, aba munyinda nisin gheeh Israeli ea gheeh Yuda, niinyareasan aba gideaba gagwardeaysa Baali geediga ng'andidi.”

YEREMIYA 13:10

Fiisu munyas, heawa gooleeysiit ng'asheegeasuun, ak ea niyam geat ak ghabeawa fughareenga nyaawa nea niyaat geeshta aseecheeka suuk ak gagadiiyeesa nea ghabwadiin, gajeanung' gawuurji hang'i bea mananda marachi giliin.

YEREMIYA 18:15

Ak fugeasu ea mudu ghoapkaadan, inyeesa gagwardeaysa hideeda ng'andit aseecheeka ng'uyeega; ak geanung' gwaruusa geat aba naweadinga nyaawa ea aba naweadinga nyaawa ghayi bea garayi, inyeesa ghwala heeda manda naweeda, nea ghwanung'waada naweeda bwara,

YEREMIYA 19:4

Aba gideaba fiisu nijaktaneani, nea ning'uda ririnnyeanda hiji aba ghwardeayda hideeda ng'andit aseecheeka suuk was gea mwanala saawa ghana ghweaniga nyaawa ghana eara sugoodiga Yuda; nea ea niinyiit hiji aba foojeanda fuga manda giidiinyeanda,

YEREMIYA 32:29

Ak fuga Galdayo ng'uchi sea mujiineani gayghapka ak ghang'uda beasta mujiineani ea goosha, sea gealgaaschi nea uhuuda ghoorajeagaaschi ea sijooysa Baali haleanjeeda sisapa geadi siing'andiita, nea geataw aseecheeka haleanjeeda sisabwa geadi sileeha, siihiida aba gideaba niinyareasan.

YEREMIYA 44:3

aba badayda munyasnacheeka sin, ak ghoanyareasan, ak aba ng'asheanji gaweay ghaghwarda hideeda nea gagadiiyeesa aseecheeka suuk ghayi mwanala saawa, ghana agooga, ghana ghweanigeagwa.

YEREMIYA 44:8

Aba gideaba ghoanung' danyareas aba gadiyoojiga geatingeagwa, aba gideaba goojooysi aroosta aseecheew suuk aba jeeda ng'eanyiida Misri damanda oobeawi ak goopiidi, nea goowooschi rabasta ak abeeda geesajeegwa ak ghoah mooshteayda ea baspaseega aba jeeda eemoojiga sean bea ng'eanyiida?

YEREMIYA 44:9

Neada ea nirooseegwa riing'eega ghweanigeagwa, ea riing'eega sugoodiga Yuda, ea riing'eega gadeemga nyaawa, ea riing'eegeagwa agooga, ea riing'eega gadeemgeagwa, ghayi sin aba jeeda ng'eanyiida Yuda ea aba jeeda naweadinga hees bea Yerusalemu?

YEREMIYA 48:35

Ak gaydabwar giliwas sih aba ng'eanyiida Moabu, gwarugu NG'UTAMIIDA, was gilinyoo goodayiida lukghumeeda aba heetiyeada nea ghaghwarda geediga ng'andidi aba ASEATAANYI.

YEREMIYA 5:2

Eara gwayeena, “Aba gidabiideata NG'UTAMIIDA,” gudu gweaga habeawajeega ng'uyeega.

YEREMIYA 5:7

“Gaydasamsiindaneagwaan? Diibigaagu ninung'wanaan heeda, nea ea niyaak habeawooda aba gheawunga fuga mandeawana aseecheeka. Hean ghaang'aati ea gwalang'u hean ghang'eat gwahiseada ak gooweameesa gealga gadeemga hiseada.

YEREMIYA 7:6

inyas ea majajiira rabasta, ghana bananeeda, ghana masinung'weanda, nea moahiidani foojeanda siida maba riing'a aba hiji, nea inyas gajanung'waada badita aseecheeka jea gwasawaneegwa,

ESEKIELI 18:18

Aba badayda ng'asheega ghwaan, aba gideaba ghayi ghaghabwas buuneeda aba ng'weaninda muuchi, nea ghoareat orjeeda ghaamwat haleanjeadaanyi aba uurda nea gwasin gea mii miyaasiin aba bugusta fugaaschi. Ng'ula, gayghami aba ng'asheagaaschi munyas.

ESEKIELI 20:30

Asi eeshiina fuga Israeli gideaba, gwayi NG'UTAMIIDA was ASEETA, heapi? Ghoang'udi geat ririnnyeanda aba gideaba ghoayaachi naweeda ghweanigeagwa? Gooweayi asina hiseadayeanduumeeda aba gideaba ghoayaachi geeshta ng'asheega nyaawa munyasi?

ESEKIELI 23:39

Aba gideaba iing'ata nuusta diibiga nyaawa, aba giidaydeayda lukghumajeega heeda sanaamajeega nyaawa, ak askwearda geapka jeeda ghooriideanyu ghaydit eang'uda ririnnyeanda, ak ng'ula, gwasin suh, aba gheenyu.

ESEKIELI 5:11

Aba badaydeaba nih aba gideabiideati, gwarugu NG'UTAMIIDA was ASEETA, aba huumwa bea gideaba ning'udi ririnnyeanda heedeanyu ghaydit, aba sinaweagaagu sean aasichi ea gidinyareastanaan sean. Aba badaydeaba nih gaydahistaneegwa, asheagiida nea maydabwaydaneegwa.

HOSEYA 2:13

Ak gaydaaga ghoorjooda aba ng'asheega eawoojiga Baali, ghayi gwardeaysa haleanjeeda ng'andidi, gheata sissa geaw suulga seangheayoojiga iidigaaschi ea haleanjeeda haw sheayeat, ak ghwaat geeshta ng'wasangaaschi, nea gwanung'usean heeda, ghoah gidanyaashta NG'UTAMIIDA.

HOSEYA 6:9

Gawuurji mareanghooga inyeesa ghwarat naweeda siida, hean eara ashoohoodiga inyeesa ghoamughuush geat; ak ghabwar buuneeda gameewa aba jeeda naweeda gal Shekemu, aba huumwa, nisin munyinda.

AMOSI 4:5

ak ghoataydi lukghumeeda haleanjeeda sisabwa geadi bea badiischooda was gidasimwatawiit, ak goorukwiidi haleanjeeda sisabwa geadi bea jeedeesh oataydi, nea goorukwiidi saawa; aba gideaba gidahaguuweegwa gil sinooda, Ea fuga Israeli!” gwarugu Ng'utamiida was ASEETA.

SEFANIYA 1:5

ea giika inyeesa gwatkuy aba iheenga ghoorajeegean ea miinga mida humng'eedean; ea giika inyeesa gwatkuy nea ghwaak habeawooda aba heeda NG'UTAMIIDA ak gweaksa habeawooda Milkomu;

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

Ruumi 2:2

Ak geanali aseasa gideaba girgweageeda ASEETA gaba huumwa aba badahuuka fuga sina ng'asheesu.

GIIPKEATA DIIGHEANDA 32:17

Geataw lukghumeeda meangeenda nea mii aseecheeka, heeda aseecheeka meanala, heeda aseecheeka eashish duw gwardu, gea mwaawala ghweanigeagwa.

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.

FUGA LAJA GIRGWEAGUUTKA 5:8

Damanda sighwal aseecheeka gudea eashish, nea abeeda gwanda ghuuta dooshta ng'ucheeda. Igeambooda ea ng'uta geedeaksa heeda fuga nyiit sagalamnyooji haradam bea Israeli?