YEREMIYA 7:7 - Bibliyeeda Ghaydit

⁷ ak abeeda gaydanung' oopiidana hiji, jeeda nyeanyiida ghayi aadawji ghweanigeagwa aba garayi.

YEREMIYA 7:7 Mawu Ofanana

2 DAMANYOOJIGA 33:8

Nea ea maygudu daang'aamwa geeshanga fuga Israeli jeeda ng'eanyiida ghayi naadawji ghweaniga nyaawa, inyas gayghoang'waay gida ghayi earukusi, bea diigheanyeeka sean, ea deaweedajeega, ea huumeanyeeka ghayi aadawji aba geatinga Musa.”

RITEAYDA 22:22

Adisawani gilinyoo ea masinung'weanda gil ghana bananeeda.

ISAYA 1:19

Inyas ghoamwaschi nea goosinyi mureeda, abeeda gajayaaga haleanjeeda miyaasiin bea ng'eanyiida.

YEREMIYA 25:5

nea gwayeena, ‘Daba siisi yamna geaw aba jeeda naweadingaaschi munyas ea sinaweagaaschi munyas, ak abeeda gajanyas giibinda jeeda ng'eanyiida ghayi nigooneegwa NG'UTAMIIDA, agooga sea ghweanigeagwa aba garayi ak gayghoah deang'wa ghang'eada garayi ea ghoah damanda manda muudeanooda;

YEREMIYA 26:13

Asi biissa ayamwa naweadingeagwa ea sinaweegeagwa, ak goosisi mureeda ng'asheega ghuuta NG'UTAMIIDA was ASEETEANG'WA, ak abeeda NG'UTAMIIDA gaygwaduukuuna aba badayda ng'asheega munyas ghayi nibada aba badahuukeagwa.

YEREMIYA 3:18

Ak aba eawoojigiga fuga Yuda gaygaguuyi sea fuga Israeli, ak gaygoodeanyi duwaawi nea gwaleabu ng'eanyiida mida wiilooda ng'eanyiida ghayeawa ea ghwahidu ng'eanyiida aadawji ghweaniga nyaawa.

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

YEREMIYA 4:1

Gwayi NG'UTAMIIDA, “Inyas gajabiikni, Ea Israeli gajabiikni heedeanyu. Inyas gajageanda munyindeang'wa aba madeedeanyu, abeeda ea majeanyasnyi.

SEFANIYA 3:7

Ak geayeenyi, ‘Aba huumwa gayghoawalan, nea ghamwas gileapooda; ak ea maygwaroosa, ak ea manda lasooda naalachi saawa jea ghwanung' ghwayamwa.’ Nea eara aba gida nyareesiida hean gwasin ng'asheega munyas raanya,”

GIIPKEATA DIIGHEANDA 4:40

Hean sisiina mureeda digheanyeeka deaweedajeega eagoonyeey ghamneawa, ak abeeda ghwadoabiiw aba headaang'u ea diibiga jea jiila, ak abeeda gajoopiidana gweanyeeka saang'a aba ng'eanyiida goonyi NG'UTAMIIDA was ASEATAANG'U nea manda muudeanooda.”