YEREMIYA 52:3 - Bibliyeeda Ghaydit

³ Hean ghwanyareas muuchi NG'UTAMIIDA aba badayda fuga Yerusalemu ea Yuda bwak ea ghahoana saawa madeeda gheanyangaaschi. Ng'ata ghaheawa Sedekiya sugoocheanda Babeli.

YEREMIYA 52:3 Mawu Ofanana

GIING'EETA 4:14

Ng'ula, nihoanyaan aniini aba jeeda ng'eanyiida; ea aba madeeda gheanyangaagu ak gaydafuy geaw; ak gaydafunya geaw madeeda gheanyangaagu; ak gaydoaw siida manda gheeda neaydooschi aba jeeda ng'eanyiida, nea siida wassean earoonyeewi gaygwanuusan.”

GIING'EETA 4:16

Ng'ata ghabeawa Gayni madeeda NG'UTAMIIDA, ak gawa goobiida ng'eanyiida Nodi, mida gayeewda Edeeni.

2 SAMWELI 24:1

Muchu gabiikta ghang'eat nyarasta NG'UTAMIIDA aba badayda Israeli, ak ghwanung' Dawdi ghwanyas sawanadeeda saawa, ak gwayeesha, “Una, ak giyiidayi fuga Israeli ea Yuda.”

1 SUGOODIGA 10:9

Gagasa eakghaambiit NG'UTAMIIDA was ASEATAANG'U, niloanyi ak ghamiindaneey aba uhuuda hoorgeeda eemeeda Israeli! Aba gideaba NG'UTAMIIDA ghabwariiy eemeeda Israeli damanda manda muudeanooda, nea ea niighaambiinyi wasa sugoocheanda, ak hean gimiineadaysi huumeanda ea doobiiwnata.”

2 SUGOODIGA 17:18

Hean ghwanyareas muuchi NG'UTAMIIDA aba badayda fuga Israeli, ak goobaleak goosheagiida headaanyi nea manda dea siipuut geaghus eemeeda Yuda.

2 SUGOODIGA 17:20

Iidu ghwanung'wa heeda NG'UTAMIIDA jeacheenga sean bea fuga Israeli. Ak gwasawan nea ghwayiin geatinga fuga jea ghwanung' ghoah saawa rabadanga. Ea ghwahita damanda jea gwajakteawa ghoang'aamwa madeadaanyi.

2 SUGOODIGA 17:23

Hean ghoang'aamwa NG'UTAMIIDA fuga Israeli madeadaanyi. Gawuurji gidanyaashta aba ghuuta fugaaschi sean bea gadiyeeda was sibanga. Iidu fuga Israeli geepaleak eang'aamwa ng'eanyiida nyaawa, ak gaweay ng'eanyiida Ashuru ea ghoah ghamneawa.

2 SUGOODIGA 24:20

Aba nyarasta NG'UTAMIIDA, ghoah gidabuna ng'asheesu aba Yerusalemu ea Yuda, ak ghoah gidageandeawa ghoang'aamwa madeadaanyi. Iidu Sedekiya ghaheawa sugoocheanda Babeli.

2 DAMANYOOJIGA 36:13

Ak ghoang'aamwa geaw heeda sugoocheanda siguura Nebukadinesa ghayi nung' ghwaak habeawooda aba gheawunga ASEETA; hean ghoahang'waay gheataanyi ea gurooroadaanyi aba biiksiinda NG'UTAMIIDA, was ASEETA fuga Israeli.

ESRA 4:15

ak abeeda geasaach eegasa aba jeeda gitaabooda ghayi bea ghweanigeagwa. Gaygasa aba jeeda gitaabooda ghayi sing'oorsa ak gaynala gideaba mujiineani mujiineeda muy gil, inyeessa ghabwar sugoodiga ea fuga hees, nea fugaaschi inyeesa ghang'ut foolayda ghang'eada garayi. Ak ghoah gida silasa uhuudeaba mujiineani.

GHWASIILDEANGA 28:2

Ng'eanyiida iisiheawi abeeda fugaaschi ambaliischi aasaang'a, nea aba fuga mideawa nalooda ea fughareeda abeeda ng'eanyiida gaygamajeegiit.

REEKUSIINDA 10:16

Dashageada ng'eanyiida ii gheareemaneeda sugoocheandaang'u, nea gweagiisachi fugaagu hees sakteayda!

ISAYA 19:4

ak gaydearuudu fuga Misri ak ghaayiinyi geatinda sugoocheanda ng'waan; muy seara goombal saawa, gwarugu Ng'utamiida, NG'UTAMIIDA bea lugweega.

ISAYA 3:1

Aba gideaba, ng'ula, Ng'utamiida, NG'UTAMIIDA bea lugweega, gaygageandeawa Yerusalemu ea Yuda haleanjeeda sean ea gidaghus, gidaghus sean was hamita, ea gidaghus sean was beega.

ISAYA 36:5

Gighayi gideaba ng'asheega mwadaagha gaygweadu uurda ea fughareeda aba jeeda ng'ucheeda? Gighusi ng'eaha ea nung'usean heeda?

YEREMIYA 15:1

Ng'ata gwayeeshiinean NG'UTAMIIDA “Ghamneawa eara ghamiinaada Musa ea Samweli aba madeedeanyu ak gamusiischeesa fiisu, aba huumwa gurooroodeanyu may gwayamsa geawi fiisu. Ang'aamwana madeedeanyu, ak ginung'waadi gaweay!

YEREMIYA 7:15

Ak gaydaang'aamwaneegwa madeedeanyu, gawuurji gida aahoandi fuga oorooroocheewi, was jeacheenga Efraimu.