YEREMIYA 5:9 - Bibliyeeda Ghaydit

⁹ Heapi maydaaga ghoorjooda aba ng'asheesu seaniin? Ng'asheanji gwarugu NG'UTAMIIDA; nea ea maydawalda aba badayda eemeeda uurji suh?

YEREMIYA 5:9 Mawu Ofanana

GHWASIILDEANGA 6:29

Asi ak gwasunu siida weah heeda gatmooda giischeewoocheandaanyi, ak gilinyoo ghwasat gatmooni bea siidean gajealas.

ISAYA 1:24

Asi gwayi NG'UTAMIIDA, was NG'UTAMIIDA bea lugweega, was dea asagi hoauur bea Israeli: “Ak gaydanyareeksa weajoodigeasu, nea ghaawaldi mureandooda aba heeda weajoodigeasu.

ISAYA 57:6

Inyeessa ghoaloachi lagheanga bumbuni bea moangoachi; ak ghoanung' ghoah gheapooshta eaweegeagwa; Ak gooyamsi haleanjeeda sisabwa geadi bea ghadooweeda bea leeshooda, nea gooyeasi haleanjeeda sisabwa geadi was booga, heapi aniini gaydamwas haleanjeeni?

YEREMIYA 23:2

Asi gwayi NG'UTAMIIDA, was ASEETA fuga Israeli aba badayda jeagiischoodiga ahaaghwa fugeasu: “Agooga noataardi hawanyoojigeasu ak ghoahoanyi, nea ea mudu oahaaghwana. Aba gideaba gwayi NG'UTAMIIDA, gaydeargweakseegwa aba sinaweegeagwa munyas.

YEREMIYA 32:31

Aba gideaba mujiineani ning'udanaan nyarasta ak ea goola goonyareesean ghang'eada damanda ghayi deasa ea ghoah ghamneawa, ak gaydageandeawa madeedeanyu.

YEREMIYA 44:22

NG'UTAMIIDA mudughoamu ghamilikghta ng'asheegeagwa munyas oosinayi ea aba badayda riing'eega oosinyi; asi ghamneawa ng'eanyiideang'wa niiw raghoonyeanda ea eeshtearajeanda ea mooshteayda ak ea manda buuneeda, ea gawuurji giduurji bea ghamneawa.

YEREMIYA 5:10

“Adiyeada nea goosiikchi jeeda madamnyeandaanyi bea sabiibu ak ghoadataschi, nea adiidu goohuydi goosha; alajaada damealgaaschi, aba gideaba maba NG'UTAMIIDA.

YEREMIYA 5:29

Gwayi NG'UTAMIIDA, maydaaga ghoorjooda aba ng'asheesu? nea maydawalda aba heeda eemeeda uurji nih?”

YEREMIYA 6:11

Aniini ghwanyiit jeedeanyu nyarasta NG'UTAMIIDA; naaraanyi daadeal. “Ahisiina diibiga mida jeeda naweadinga, ea jeeda gheareemanga niguuyeesa hijagi; nea siyeeda ea gatmooda gajeayaat, hean ak eara gweargwa woosi ea majeapuut.

YEREMIYA 6:6

Gwayi NG'UTAMIIDA bea lugweega: “Abarsiina ng'eanyi geedigaaschi; ak gooneaweesi hilooga Yerusalemu. Nih mujiineeda miisa ghoorjooda gil, Jeadaanyi manda gil geaghus minighista ak ghwahit.

YEREMIYA 9:8

Ghuusiga nyaawa gawuurji geatka mideawa furgweega, mwanung'wa ng'uyeega; inyeesa gabaloola ghuuta miy sea giischeewoocheandaanyi nea aba gurooroadaanyi ghwadap neawsiinda.

YEREMIYA 9:9

Gwayi NG'UTAMIIDA ghamneawa gajea meargweaksiini fiisu aba badaydeaba ng'asheesu? ak nea gajea maawaldani aba badayda eemeeda uurji suh?

HEAREEGA 3:42

“Aseasa siitiinyi nea geaheawaneey, ak ang'iing'i ea mii samseasa.

HEAREEGA 4:22

Lasoodeang'wa bea munyasnacheekeagwa nihita damanda, Ea hudeaba Sayuni, maygudeayaanyi ghealooniga; duuku munyasnacheakaagu, Ea hudeaba Edomu, gajealasnyi, ak gajeajaat riing'eagaagu.

ESEKIELI 7:9

Maydasikseegwa nea maydabwaydaneegwa gaydalas uhuudeang'wa aba giteena sinaweegeagwa. Aba gideaba ng'asheega munyas gudugwanda bugusteang'wa, nea abeeda gajanala gideaba geawooschi NG'UTAMIIDA dea las uhuudeang'wa gil.

HOSEYA 2:13

Ak gaydaaga ghoorjooda aba ng'asheega eawoojiga Baali, ghayi gwardeaysa haleanjeeda ng'andidi, gheata sissa geaw suulga seangheayoojiga iidigaaschi ea haleanjeeda haw sheayeat, ak ghwaat geeshta ng'wasangaaschi, nea gwanung'usean heeda, ghoah gidanyaashta NG'UTAMIIDA.

HOSEYA 8:13

Ghabwariiy haleanjeeda sisabwa geadi; inyeesa ghoadayda banyeega lukghumajeega ak ghwaak banyeegiga; ak NG'UTAMIIDA ea mandeawana hooseaneega aba badahuuka nyaawa. Hean gayghoapkaat ramaseanyeeka nyaawa, ak gayghwalas riing'eeda nyaawa; gaygabiikta ng'eanyiida Misri.

NG'ASHEEGA LAWI 18:25

ak gamunyiit ng'eanyiida, ea dalas aba munyindaanyi, ak ghahoan ng'eanyiida buuneeda mida jeeda.

NG'ASHEEGA LAWI 26:25

Ak gaydeadu ng'uta badahuukeagwa, ak gaydawalda mureandooda aba gideaba noonyarji neajeeda; nea iyoabwachi geat aba jeesinga mujiinajeegeagwa gaydeadu geeyooda muy jeedeang'wa, ak gajeeyiineegwa geatinga weajoocheanda.

NAHUMU 1:2

NG'UTAMIIDA was ASEETA dea lacha ghuut haleanjeeda ak gawaliida mureandooda, NG'UTAMIIDA gawaliida mureandooda ak aang'waan; NG'UTAMIIDA iissa gawaliida mureandooda aba heeda weajoodigaaschi nea gwanyareeksa fuga fuurji.

GIIPKEATA DIIGHEANDA 32:35

Mureandooda deanyu gil ea waldeayda, aba damanda jea ghwadarasha geeshanga nyaawa, aba gideaba miyeeda nyaawa nineekiit, ak ng'asheega jea ghwanyas saawa gayghwalamwajaan.

GIIPKEATA DIIGHEANDA 32:43

“Oakghaambiida fugaaschi, Ea eemoojiga; aba gideaba gayghawalda foojeanda fugaaschi bea gadiyeeda, ak gayghawalda mureandooda aba heeda weajoodigaaschi, ak gwasin lukghumeeda aba ng'eanyiida fugaaschi.”