YEREMIYA 5:7 - Bibliyeeda Ghaydit

⁷ “Gaydasamsiindaneagwaan? Diibigaagu ninung'wanaan heeda, nea ea niyaak habeawooda aba gheawunga fuga mandeawana aseecheeka. Hean ghaang'aati ea gwalang'u hean ghang'eat gwahiseada ak gooweameesa gealga gadeemga hiseada.

YEREMIYA 5:7 Mawu Ofanana

2 DAMANYOOJIGA 13:9

Heapi miyoahoana ashoohoodiga NG'UTAMIIDA, was orjooga Haruni, ea fuga Lawi, ak goosisi geat ashoohoodiga gawuurji gida sina fuga bea ng'eanyoojiga suuk? Siisi jea ghoamu ghoamiidu geaw aba heew mwanang' ghana lagweendi ispwa gayghoah ashoohoocheanda gea mawoosa aseecheeka.

AYUBU 31:12

Aba gideaba nih beasta ng'waan jea gweadu Nyariida, ak gayghaghwarda haleanjeedeanyu sean ea gagul hawunga.

NYIIGHEEGA 50:18

Iidaahi mareanghweanda, gihuuwi siida duupchi; ak gibareanyeewi fuga hiseada.

YEREMIYA 12:16

Aba ng'ata, inyas gaygwajeeng'u ak ghwaat geeshta fugeasu, nea ghwaak habeawooda aba gheawungeasu, ‘Aba gidabiideata NG'UTAMIIDA’, gawuurji gida ghayi siinaalda fugeasu aksiinda habeawooda Baali, abeeda gajeenung' ghwasaang'ayiit aba bugusta fugeasu.

YEREMIYA 13:27

Naadaayi munyindaang'u, hiseadayeanduumeadaang'u ea ghaleehoadaang'u, nea hiseadayeanduumeadaang'u naawda ea nigul iheenga heayeeniga ea madameega. Shageada, Ea Yerusalemu, Gajabiideatunu ea ghoah eeju nea meamiineey.”

YEREMIYA 16:11

Ak gajeeshiina saawa: Gwayi NG'UTAMIIDA, ‘Aba gideaba ghweanigeagwa ghayi ghaheawanaan, ak ghwaat geeshanga aseecheeka suuk ak ghabwat nea gagadiiyeesa, hean ea nijaktaneani nea ea mudu ghoang'waay huumeanyeekeasu,

YEREMIYA 16:20

Heapi siida ghoamu gwasissa geaw aseecheeka? Suh mayghoah aseecheeka!”

YEREMIYA 2:11

Gwanda eemeeda ghayi niyam aseecheeka nyaawa eara mii aseecheeka? Ak ghamneawa fugeasu ea ninung'usean heeda ak ghwaat geeshta haleanjeeda marachi gil.

YEREMIYA 2:31

Asi agooga, Ea seaygoojiga, ooleaydit ng'asheanda NG'UTAMIIDA. Heapi aniini naahuuyi dareapcheeda aba heeda fuga Israeli, ghana ng'eanyiida mideawa misaneeda duw? Ghwasaan anda fugeasu gwayi ‘Aseasa meawasi radanga, maygudu eebiikna gicha headaang'u’?

YEREMIYA 23:10

Aba gideaba ng'eanyiida ninyiit fuga mealuuli, nea ng'eanyiida ea niiguul aba ng'asheega riing'eeda, nea eara nyeega dareapcheeda ea nigajeamiidi. Naweadinga nyaawa ea munyas nea uurjeenga nyaawa ea marachi gil.

YEREMIYA 3:19

Gwayi NG'UTAMIIDA “‘Geagasayi gichea danung' ahuwda orjoogeasu ak geagoonyeegwa ng'eanyiida miy, was dea jea dagooneegwa ng'al darooraka sean. Ak abeeda gajaguureewean Bwaabwa, ak ea majanung'waada eanooga geeshteanyu.

YEREMIYA 3:8

Hean nea ghwadaah ng'asheega sean bea hiseadayeanduumeedeaba diita mandeawana masaweegean, Israeli neasiksi gawa sing'adayi; nea huda ghaamwat bea ng'uyeega ea mabeala, ak gawa ak gwahiseada eara niny.

YEREMIYA 7:9

Ghamneawa gajajagwadiischeena, gajareang'ni, gajahiseada, gajayaaga habeawooda ng'uyeega, gajagwardeaysiina Baali geediga ng'andidi, ak ghoabwachi aseecheeka miyoanala,

YEREMIYA 9:1

Gideabali ghwayamwa uhuudeanyu ghoah beega, ea gheanyangeasu ghoah eeniga dabeaka, danyas gheata deayeawdi askweari ea eawa aba bayiiga hudeaba fugeasu!

YEREMIYA 9:2

Gideabali ghwanya ghaanyaschi heeda jea deabiida aba dareapcheeda, ghwanya gaydanung'wa heeda fugeasu ak geasheagiideewi heeda nyaawa! Saawa aba giteena nihiseada, Niiw guuyeeda fuga munyas.

HEAREEGA 3:42

“Aseasa siitiinyi nea geaheawaneey, ak ang'iing'i ea mii samseasa.

ESEKIELI 22:11

Nea siinuut gwasin ng'asheanda muy gawa heeda gatmooda giischeewoocheandaanyi, nea nuut gawa heeda gatmooda orjeedaanyi, nea nuut gawa heeda huda ghaamwat aba uurda.

HOSEYA 11:8

Gaydaamuustaan dajaktaneey, Ea Efraimu! Gaydaamuustaan danung'waadaneey, Ea Israeli! Gaydaamuustaan danung' uurjeewana Adma! Gaydaamuustaan dasimaneey gideasimi Seboimu! Gurooroodeanyu niyam geaw aba jeedeanyu, baydeaydeanyu niyeat muuchi aba headaang'u.

HOSEYA 13:6

Hean gweagiischi ea gwalang'u, hean gwalang'u, ak gagwareesa gurooruunatka nyaawa, ama ng'ata gwajaktanean.

HOSEYA 4:2

manda ng'ashaan geaghus habeawooda, ea ng'uyeega, ea nuusta, ea gwadishta ea hiseadayeanduumeeda; iissa gwanuuseada moonghajeega sean ak foojeanda gamaseaw foojeanda.

HOSEYA 7:4

Gwahiseada buuneeda sean; gawuurji duwayda aba jeeda beasta, nea siida awoosachi ea ninung'waada giseawsiinda beasta, gidang'eada damanda sidasa dearanga ea gagul gheata mwatawiida.

NG'ASHEEGA LAWI 20:10

“Nea siida iimealuul sea gatmooda giischeewoocheandaanyi, duwaawi siida mealuul sea gatmooda mealuuluudayi gajeabwar gameewa.

AMOSI 8:14

Ea giika ak habeawooda Ashimayda Samariya, nea geeyi, ‘Aba gidabiideata ASEATAANG'U, Ea Dani,’ ea ‘gidabiideata naweeda Beer-sheba,’ gaygoobeedeay, ak ea maygudu gabiikta gicha ghang'eatng'eat.”

SEFANIYA 1:5

ea giika inyeesa gwatkuy aba iheenga ghoorajeegean ea miinga mida humng'eedean; ea giika inyeesa gwatkuy nea ghwaak habeawooda aba heeda NG'UTAMIIDA ak gweaksa habeawooda Milkomu;

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

1 Goriinto 6:9

Ghana moanali gideaba fuga mii doobiiweadi maygwahearan sugoocheanduumeeda ASEETA? Adeereenganeegwa; fuga munyas searooji gil, ghanea fuga bada haleanjeeda sanaamu, ghanea fuga mealuuli, ghanea fuga ashiigi suurja,

1 Goriinto 8:4

Hean aba iita agita hamita siitaw sanaamu, geanali gideaba, “sanaamu mayghwashng'u,” ea gideaba “manda ASEETA nuut geaghus akaleala.”

Galattiya 4:8

Ak aba damandida ghayi mii analana ASEETEAN, abeeda googadiyeesi fuga mawoosa aseecheeka;

GIIPKEATA DIIGHEANDA 32:15

“Ak Yeshuruni ghwariish ak geadas; niriishi ak guwoosi riishaat ea sina jeeda; ak ghoanung'wi heeda ASEETA sineegwa, ak gafool Harearacheanda lealeanoadaanyi.

GIIPKEATA DIIGHEANDA 32:21

Sing'udanaan lachng'eanyiida aba gida mii aseeta; niinyareasan aba sanaamooda nyaawa. Ak gaydang'uda saawa lachng'eanyiida aba gea mawoosa buuneeda, ak gaydaanyareas saawa sea eemoojiga dasheahi.

Ebraniya 13:4

Geeshooda dasisiina mureeda buuneesean, nea eara bulaliida gagasa ea mandeawana ririnnyeanda; aba gideaba ASEETA gaygoorgweaksa fuga munyas ea gea mealuuli.

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

YOSHUWA 23:7

adiidu googuuyeewi eemoojisu siipuusa bugusteang'wean, nea adiidu goorugu gheawunga aseecheeka nyaawa, ghana ayaaga habeawooda aba badayda nyaawa, ghana agadiyeesiina saawa, ghana atukung'siina saawa,