YEREMIYA 5:3 - Bibliyeeda Ghaydit

³ Ea NG'UTAMIIDA, neada gheanyangaagu ea mang'ula huumeanda? Ang'iing'i nihuuydi saawa ak ea masamsiina; ang'iing'i nihuteawayi, ak ghaheawa gwaduukuuna. Niihang'oonyi gurooruunatka nyaawa ea ghwanaawa lagheanga; nea ea niheawa gwaduukuuna.

YEREMIYA 5:3 Mawu Ofanana

GIING'EETA 19:34

Iimuchu eaweeda bassa, gwayeesha huda haw dea mwanang', “Ng'ula, ghoosa nealuudayeewi bwaabwa; eara eaweani eenung' ghwali gicha difaayi; ak abeeda guwi gah ak giluudayeewi, ak abeeda geenyaksi bwaabwa diibiga.”

1 SUGOODIGA 13:33

Eara iing'ata ng'asheanji ea maduukuunana Yeroboamu naweadingaaschi munyas, ghwaloat ashoohoodiga gicha aba heeda siikghaambiit aba jeeda buuneesean; gilinyoo gagasa ghwaloat ghoah ashoohoodiga heeda ghaambiidaat.

2 SUGOODIGA 1:13

Hean goojeakta gicha niba samwagu sugoocheanda shirikarajeanda mida madeeda lugooda, sea fih haradam ea damanamughuush, hean gawa siidida haw mida madeeda lugoodean bea samwaguun, ea fih haradam ea damanamughuush. Ng'ata ghwascheang'da ea mwahita ghang'uda ng'eanyi gutung'weaka aba madeeda Eliya ak ghamearmear muuchi nea gwayeesha. “Ea orjeeda siida ASEETA geamuscheey gideaba gurooroodeanyu ea gurooruunatkeaba fiisu ikaagu bea gadiyeedean was haradam ea damanamughuushiin aghuuha eaweega nyaawa.

2 DAMANYOOJIGA 16:9

Aba gideaba gheanyanga NG'UTAMIIDA inyeesa gang'ula bwadaw ea mwadi aba jeeda ng'eanyiida sean, ghoahiimu uurdaanyi aba badahuuka fuga doobiiweadi aba headaanyi. Ang'iing'i nisini leendeeda aba ng'asheanji; aba gideaba gidang'eada ghamneawa gaynyasa ng'ucheeda.”

2 DAMANYOOJIGA 28:22

Hean nea ghwaraanya sawanadeeda hean gwajakta NG'UTAMIIDA muuchi sugoocheanji was Ahasiin.

NYIIGHEEGA 51:6

Ng'ula, ang'iing'i gibwariinyi huumeanda mida jeeda guroorooda; ak ang'iing'i gayrukunean fughareeda aba makcheameeda mida gurooroodeanyu.

NYIIGHEEGA 51:8

Anyiidaan hooseaneega ea ng'weelooda; nung' gahoosan geaka ghayi ihirjeawayi.

NYIIGHEEGA 55:20

Siida eandeawi niihaakta geatinda ghabwar siida duupchi, ninuus neajeadaanyi.

GHWASIILDEANGA 21:29

Siida muy seara iissa ghoahiimu geaw gideaba ea mwaay, nea siida doabiiwaat gwasawsa gideaba nisin gida hidaat.

GHWASIILDEANGA 22:12

NG'UTAMIIDA gafur siida mideawa fughareeda ak ghwayam ng'asheega fuga munyas.

GHWASIILDEANGA 23:35

Ak gajeena, “Gealasan ak ea mii dasawana, hean geabwaran ak ea meandeawani iita, gaydang'eat eeju, gaydawa dagasa gicha gichea dali.”

GHWASIILDEANGA 27:22

Siida dasha eara gula aba jeeda gunyooda sea booga, maygwaheeli sea leendeadaanyi.

ISAYA 26:11

Ea NG'UTAMIIDA, gigatgadi geatindaang'u, ak ea meadaaha ahiimsiina gidubwariiydi fugaagu, ak gajeapwaaspwaas, beasta nyarastaang'u gaygwaduulu sean.

ISAYA 42:25

Ak gwanyareeksa aba nyarastaanyi ng'waan, ak ghwanung'waada gwaroonyi ng'ucheeda ng'waan, nea gwarina nyarastaanyi meadajeega sean, nea saawa ea majeeng'na gil ghwaak beasta ak ea mwayiina ng'asheanji jeadaanyi.

ISAYA 48:4

Aba gideaba ghaanali gideaba ang'iing'i guwoosi hang'waay uhu, ak ghahang'waayda uhuudaang'u dea gharinyeanda, nea gheamamdaang'u ea ghaghajaamiit ea gawuurji lagheanga oomng'i.

ISAYA 9:13

Ak fugiga ea mii gwayamsa geat ninyeeda bwar saawa, nea miyeegasa NG'UTAMIIDA lugweega.

YEREMIYA 15:7

Naalalakti aba gida silalakiideawa booga Aba jeeda gidaghuudajeega sean bea ng'eanyiida; Neahuteawayi saawa, ak ea neahuuydi goosha fugeasu.

YEREMIYA 17:23

Ak hean ghweanigeagwa ea mooleeysiinean iit nea maduupa eara gil, hean ghoahaang'waay iheenga nyaawa ak ea mwayiinya girgweaguutkeasu.

YEREMIYA 19:15

“Gwayi NG'UTAMIIDA bea lugweega, was ASEETA fuga Israeli, “Ng'ula gaydaahaak mujiinajeesu ea gharang'weakaaschi munyinda ghayi eargu, aba gideaba niihang'waay iheenga nyaawa, ak ghaheawa gooleeysiit ng'asheegeasu.”

YEREMIYA 2:30

Aniini naayaagi fugaagu ghoorjooda ak ea marachi gil, ak ghaheawa girgweaksinda; ak ng'utaang'u ea nihuuydeayda sibangaagu ng'adiida bearji jalooda.

YEREMIYA 3:3

Ghamneawa shiishiiyda siiteal nea eara roopta girjeanda ea miighoan; gindeawi gheanyanga hang'oonyi uurji gea gatmooda hiseada nea eara baspaseega ea mindeawani.

YEREMIYA 32:19

Dea haw aba girgweaksiinda buuneeda, ak ghoamu sinooda, nea gheanyangaaschi ea nijaada aba naweadinga sean bea buuneeda, ak ghoadaw giliwas sih aba giteena naweadingaaschi ea giteena haghweega sinaweagaaschi.

YEREMIYA 35:13

“Gwayi NG'UTAMIIDA bea lugweega was ASEETA Israeli, una ak giyeeshi fuga Yuda, ea fuga Yerusalemu, heapi moogasi oang'waanya giinealshooda ak gooleeysiit ng'asheegeasu? Gwarugu NG'UTAMIIDA.

YEREMIYA 44:10

Ak ea mii ghwaat geat ng'eanyi ea ghoah ghamneawa, ak ghanyea mabeala, ak ghanyea moang'waanya deaweedeedeanyu ea diigheanyeekeasu ghayi aayiinyi madeedeang'wa ea madeeda ghweanigeagwa.

YEREMIYA 7:26

ak eara gwasa, saawa ea mooleeysiinean iidiga nyaawa nea maduupa gil, hean goohang'oonyi gheatkweaka nyaawa. Ak gwasin dea muy ea ghwanaawa ghweaniga nyaawa.

YEREMIYA 7:28

Ak gajeeshina saawa, ‘Nih eemeeda mooleeysiina iit NG'UTAMIIDA was ASEETA nyaawa, nea gwanya mureeda, nea ea ning'amwa jeenyaawa huumeanda; sigeandeawa ghuusiga nyaawa.

YEREMIYA 8:5

Ghwasaan anda fiisu nisaja geat naweeda ak gagutguta sinooda ng'asheega munyas? Nea ghabwat aseecheeka nyaawa bea ng'uyeega, Nea ghaheawa ghwayam geat.

ESEKIELI 2:4

Nea fiisu ea mandeawana mureeda, ak gurooruunatka nyaawa ea mandeawana baspaseega, asi gaydeajeaktaneey heedeaba fiisu. Ak gajeeshiina ‘gwayi NG'UTAMIIDA was ASEETA.’

ESEKIELI 24:13

Aba jeeda ririnnyeandaang'u gwanda hiseadayeanduumeeda, aba gideaba geahuunyeey ak ririnnyeandaang'u ea moosha, maygudeehuun ririnnyeandaang'u gicha ak goosha. Bwak ea danung' goosha nyarasteanyu aba badaydaang'u.

DANIELI 9:13

Gawuurji gissing'oarda aba jeeda deaweedeeda Musa, hean ghwahidu badahuukaasa ng'asheesu seaniin, ak ghanyea miyeegasa alooheeda NG'UTAMIIDA was ASEETEANYA, ak geenung'usi heeda munyasnacheakaasa ak geang'waanyi huumeandaang'u.

NG'ASHEEGA LAWI 26:23

“Nea iimoogasi abiiksean aba badaydeaba ng'asheesu, ak goosinyi gidameagasiidani aniini,

AMOSI 4:10

“Ak ea neayeadu bugusteang'wa geeyooda muy uurji deaghayi bea Misri; nea ghaabwarji gheareemangeagwa aba ng'uta; ak ea naayaachi faraasajeegeagwa deasheagiit; ak ghaanung' gaweay shearooda ng'uh bea murearoodeang'wa jeeda sareenuukeagwa; ak ea mii abiikni heedeanyu,” gwarugu NG'UTAMIIDA.

AMOSI 4:11

“Ea naanung' goosha fiisu ng'ay aba jeedeang'wa, gawuurji gidaghayi nung' ASEETA gooshealda fuga Sodoma ea Gomora, ak gawuurji ghweendooda silealna jeeda beasta; ak ea mii abiikni heedeanyu,” gwarugu NG'UTAMIIDA.

AMOSI 4:6

“Ak gaydaweadaneegwa hamita aba jeeda mujiinajeegeagwa sean, nea ghwasuunya mukaate aba heedoondi sean, ak ea mii abiikni heedeanyu,” gwarugu NG'UTAMIIDA.

AMOSI 4:8

hean ghang'eat fuga mujiinaji iyeenya ghana samwagu, ak gaweay gagasa beega leeyda, aba mujiineanagi ak ea madeayi; ak ea mii abiikni heedeanyu,” gwarugu NG'UTAMIIDA.

AMOSI 4:9

“Ak gaydalaseagwa ak ghoanyaschi geayda ng'waan; nea ghaabwari darari madameegeagwa was boosteaneedeang'wa ea madameegeagwa bea sabiibu, ea shaboogheeteang'wa ea saytuunajeegeagwa gaydanung' ghwaak deashamga; ak ea mii abiiksean,” gwarugu NG'UTAMIIDA.

SEFANIYA 3:7

Ak geayeenyi, ‘Aba huumwa gayghoawalan, nea ghamwas gileapooda; ak ea maygwaroosa, ak ea manda lasooda naalachi saawa jea ghwanung' ghwayamwa.’ Nea eara aba gida nyareesiida hean gwasin ng'asheega munyas raanya,”

Ruumi 2:2

Ak geanali aseasa gideaba girgweageeda ASEETA gaba huumwa aba badahuuka fuga sina ng'asheesu.

Ebraniya 12:9

Murdeedeaba ng'asheesu, geendeawi ghweanigaasa bea ng'eanyiida jea ghwalaseasa ak geesisi saawa mureeda. Abeeda ea mammiiseasa muuchi gideaba gajeetuuksiina geat Bwaabeeda gurooruunatka ak geanyaschi eaweega?