YEREMIYA 5:2 - Bibliyeeda Ghaydit

² Eara gwayeena, “Aba gidabiideata NG'UTAMIIDA,” gudu gweaga habeawajeega ng'uyeega.

YEREMIYA 5:2 Mawu Ofanana

ISAYA 48:1

Oaleaydiit fuga gheeh Yakobo, ghayi siguushteawa gheawunga Israeli, nea goobea dooshta Yuda, ghayi ghoayaaji habeawooda aba gheawunga NG'UTAMIIDA ak goohindi geat gili oakghadawanyi ASEETA Israeli, ak ea mii huumwa gil nea mwadoabiiwa.

YEREMIYA 4:2

Inyas gajaga habeawooda, ‘Aba gidabiideata NG'UTAMIIDA,’ aba huumeanda, ea aba doobiiwnata, ea aba alooheeda, abeeda gaygabadiischeesa geat eemoojiga aba gheawungaaschi, nea aba gheawungaaschi gayghoaghaambiit geat.”

YEREMIYA 44:26

Asi ooleeysiina iit ng'asheanda NG'UTAMIIDA, oogasean oobeayi Yuda was gea abiita ng'eanyiida Misri: Ng'ula, aniini naayaaji habeawooda aba gheawungeasu haw, gwarugu NG'UTAMIIDA, maygudu gabiikta gwarugu ghuuta siida wassean bea Yuda aba jeeda ng'eanyiida sean bea Misri nea gwayi, ‘Aba gidabiideata Ng'utamiida was ASEETA.’

YEREMIYA 7:9

Ghamneawa gajajagwadiischeena, gajareang'ni, gajahiseada, gajayaaga habeawooda ng'uyeega, gajagwardeaysiina Baali geediga ng'andidi, ak ghoabwachi aseecheeka miyoanala,

YEREMIYA 9:2

Gideabali ghwanya ghaanyaschi heeda jea deabiida aba dareapcheeda, ghwanya gaydanung'wa heeda fugeasu ak geasheagiideewi heeda nyaawa! Saawa aba giteena nihiseada, Niiw guuyeeda fuga munyas.

HOSEYA 10:4

Inyeesa gwaruku ng'asheega mwadaagha; inyeesa ghwaak habeawooda ng'uyeega gheata neajeeda; hean girweaksiinda gaygwariteayda nyeega mideawa furooda aba jeeda madamnyeanda sibwar.

HOSEYA 4:15

Ghamneawa eara hiseada, ea Israeli, adiidu ginung' goodiiy Yuda. Adiidu gooweayi Gilgali, ak adiidu goodiiyeesi Besafeni, ak adiidu ghoayaaji habeawooda, “Aba gidabiideata NG'UTAMIIDA.”

NG'ASHEEGA LAWI 19:12

Ak ea adiidu giyaagi habeawooda aba gheawungeasu nea ginabayi ng'uyeega, ak gibwari ririnnyeanda gheawunga ASEATAANG'U: Aniini geawooschi NG'UTAMIIDA.

SEFANIYA 1:5

ea giika inyeesa gwatkuy aba iheenga ghoorajeegean ea miinga mida humng'eedean; ea giika inyeesa gwatkuy nea ghwaak habeawooda aba heeda NG'UTAMIIDA ak gweaksa habeawooda Milkomu;

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

1 Dimotteo 1:10

ea fuga mealuuli, ea ng'eedeeda mealuuli sea niirja, ghana fuga jagwadi suurja, ea gea ng'uyeega, ea fuga ak habeawooda ng'uyeega, ea iimida ng'asheanda wassean maweapchi sea giinealshoodida bea huumwaan.

2 Dimoteo 3:5

Inyeessa gawuurji gili bada ASEETA ak ghaheawa uurdaanyi ang'aamwana geaw fiisu.

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.