YEREMIYA 48:8 - Bibliyeeda Ghaydit

⁸ Nea nyarjeawi giliwas mujiini, ak ea manda mujiineeda jea ghaghu; Mwangwachi gaygoosha, nea ng'eanyiida awiida gajeenyarja, gawuurji gidarukuteayda NG'UTAMIIDA.

YEREMIYA 48:8 Mawu Ofanana

YEREMIYA 15:8

Naanung' ghwasaang'ayiit mooneeda masinung'weega nyaawa, ea gaburdeawa iseaskweanda jeeda basooda ak ea neajaksi heeda gadeemga mideawa diibiga was orjooga nyariida askweari; ak hean geajeagu sawanadeeda ea beelda jea gwasham saawa.

YEREMIYA 25:9

ng'ula gaydeajeagu eemoojiga mida wiilooda ng'eanyiida ghayeawa, gwarugu NG'UTAMIIDA, ea Nebukadinesa siideanyu bea gadiyeeda was sugoocheanda Babeli, hean gaydanung' ghapka gang'uchi ng'eanyiini ea fuga abiita jeeda, ea eemooji ascheayi sea saawa; hean gaydahuuyda goosha, ak gaydanung' ghoah gichea easit, nea geemachiida, nea geefool damanda manda muudeanooda.

YEREMIYA 48:18

“Rarang'aanana jeeda giigheambiitaang'u, ak giipteadi aba bugharjeanda ghajaam, Ea orjeeda siida abiita Diboni! Aba gideaba nihidu dea jea gwanyarja Moabu nihidu dea jea gang'ucheeweey; ninyarja hilgweandaang'u majeek.

YEREMIYA 51:56

aba gideaba nihidu headaanyi dea jea ghwalas uhuudaanyi, badayda Babeli; gheareemangaaschi siing'waay, ghuweanga nyaawa sihirjeaweada ea ghoah basanga; aba gideaba NG'UTAMIIDA niny ASEETA mureandooda aba huumwa niny gayghawalda.

YEREMIYA 6:26

Ea hudeaba fugeasu, akweala beareadanga, ak giyeashti deareeda; agutuuni heareega ng'weani awuurjeewana siida ayeawdi jeaptaanyi asagi, aba gideaba gayghwahidu weajoocheanda gwashameasa.

ESEKIELI 25:9

Ak aniini gaydanung' eabwar mujiinajeega fur moonghajeega Moabu, eara mujiinajeegiga miyaasiin muuchiin was Bet-yeshimoti, ea Baal-meoni ea Giriataimu.

YOSHUWA 13:17

Sea Heshboni, ea mujiinajeega sean mida jeeda mooheeda; Diboni, ea Bamot-baali, ea Bet-baal-meoni,

YOSHUWA 13:21

suh mujiinajeegiga sean mida mooheedean, ea sugoocheanduumeesean bea Sihoni was sugoocheanda fuga Amori, ghayi ambal ng'eanyiida Heshboni, ghayi joar Musa sea fuga hees bea Midiyani, nea Efi gil ea Rekemu ea Suri ea Huri ea Reba, was sugoodiga Sihoni mida jeeda ng'eanyiita.

YOSHUWA 13:9

ghang'eada Aroya mida ghuuta moangoachiyda Arnoni, ea mujiineeda mida bugusta moangoachi, ea mooheeda Medeba ea ghwahita Diboni;