YEREMIYA 40:7 - Bibliyeeda Ghaydit

⁷ Ng'ata nea ghwayiiy fuga hees bea lugweega mida jeeda ng'eanyiida bwara sea fuga nyaawa gideaba sugoocheanda Babeli niloat Gedaliya orjeeda Ahikamu ghoah sugoocheanda haw bea ng'eanyiida, ak ghoadaw niny headiga, ea gadeemga, ea diibiga was fuga barbari bea ng'eanyiida was gea ghayi sinung'wa heeda meapaleaga gaweay Babeli.

YEREMIYA 40:7 Mawu Ofanana

2 SUGOODIGA 25:12

Ak shirikarajeandida haw ambal shirikareeda furiischiin, ghwanung'wa heeda fiisu ng'ay barbari jea gang'ula sabiibu nea ghabwar ng'eanyi.

2 SUGOODIGA 25:4

Hean geenyarja meatkweenagi bea ghamarda mujiini, ak gamng'aw sugoocheanda sea fuga sean bea ng'ucheeda eawa nea gwasik naweeda mida dageascheeda ghamardida asiyeenya mida murdeeda boostaaneeda Ng'utamiida. Abeeda fuga Galdayo gwaneaweesa mujiini meadajeega sean, hean geeweay nea geayaat naweeda gal Araba.

YEREMIYA 39:10

Iidu Nebusaradani was shirikarajeanda haw ambal furiischoodiga ghwanung'wa ng'eanyiida Yuda fiisu ng'ay barbari mandeawana gil, ak ghoadaw madameega sabiibu ea heechea eabwar aba damandida.

YEREMIYA 39:14

geecheakta buuneeda ak geang'aamwa Yeremiya doodooda furiischoodiga, ak geayiin geatinga Gedaliya orjeeda Ahikamu was orjeeda Shafani, ak ghwaat gheanyi hean goobiida bugusta buuneeda.

YEREMIYA 39:4

Ak Sedekiya was sugoocheanda Yuda, ea lugoadaanyi sean hean daah saawa, geawapta ak geeriteawa mujiini eawa, nea geesik naweeda boostaaneeda sugoocheanda ak geesik dooshta mida bugusta ghamar iyeenya ak geeweay meatkweeda Araba.

YEREMIYA 39:9

Hean Nebusaradani, was shirikarajeanda haw ambal furiischoodiga ghoang'waay easanga buuneeda ghayi abit aba mujiini ak ghwaat Babeli, ea fuga ghayi was easanga nung'wa heeda mujiini ak gaweay gaguuy sea niny.

YEREMIYA 41:1

Hean aba sheedeaba ispwa bea gweaydida, gawa Shumwaheeli was orjeeda Netaniya, was orjeeda Elishama, was siyagi aba jeeda dooshta sugoocheanda, ak ea siyagi gil aba jeeda shirikareeda hees bea sugoocheanda, sea fih damanamughuush mideayi sea niny ak gaweesa heeda Gedaliya orjeeda Ahikamu aba hoowa bea Mispahiin, ak gweagiischi sean aba Mispa,

YEREMIYA 41:10

Ak ghoang'waay Shumwaheeli fuga sean abit mida hoowa bea Mispahiin, was haweega sugoocheanda sea fuga sean abit aba Mispa was fuga geanu Nebusaradani, was shirikarajeanda haweewa furiischoodiga nea abeeda ea niideaga Gedaliya orjeeda Ahikamu. Shumwaheeli orjeeda Netaniya nigeanda fiisu ghoah giing'oonyanga ak ghang'eat gawa ea ghwahita heeda fuga Amoni.

YEREMIYA 41:11

Nea abeeda Yohanani orjeeda Gareya sea shirikareeda sean bea lugweega mideawa iidu nea ghwayiiy iiteaba ng'asheesu sean munyas sin Shumwaheeli was orjeeda Netaniyahiin,

YEREMIYA 43:6

headiga, ea gadeemga, ea diibiga, sea haweega sugoocheanda, sea giliwas sih abuusa Nebusaradani was shirikarajeanda haw ambal shirikareeda furiischi heeda Gedaliya orjeeda Ahikamu, was orjeeda Shafani, sea Yeremiyaheeda was sibaneeda ea Baruku was orjeeda Neriya.

YEREMIYA 52:16

Iidu gageanu Nebusaradani was shirikarajeanda haweewa gea furiischi ghwanung'waada fuga barbari muuchi ghoah fuga jea gwasisin sabiibu nea ghabwar ng'eanyi.

ESEKIELI 45:16

Fuga sean bea ng'eanyiida gajeataw siida haw bea Israeli haleanjeeni sisabwa geadiin.