YEREMIYA 4:6 - Bibliyeeda Ghaydit

⁶ Amiinda beendeerajeanda nea gookeali Sayuni, amung'awa anyasa ghuhooda, adiidu ghoashing'di, aba gideaba gaydeana munyinda wiilooda ng'eanyiida ghayeawa, ea giibeedeayda haw.

YEREMIYA 4:6 Mawu Ofanana

YEREMIYA 50:2

“Arukwiida aba bugusta eemoojiga nea ghoapwaashchi iit, amiinda beendeerajeanda nea goorukwiidi, adoafunyi, nea gooyeenyi: ‘Babeli sigeanda, Beli sinung' ghabwaspwas, Merodaki ning'ut muuwda. Sanaamajeagaaschi sinung' ghabwaspwas, haleanjeadaanyi bada siipwaaspwaas.'

YEREMIYA 51:27

“Amiinda beendeerajeanda aba badayda ng'eanyiida, aghuuda durumbeati aba bugusta eemoojiga; asisiina eemoojiga jea gang'uchi niny, aguursiina sugoodiga jea gang'uchi sea niny, sugoodiga Ararati, ea Mini, ea Ashkenasi; iina madeadaanyi shirikareeda hees jea gang'uchi niny, ayeani faraasajeega deena dayeega deashamga.

YEREMIYA 51:12

Amiinda beendeerajeanda aba iheenga ghamarda Babeli; ak goomajeekchi furiischooda; ageani furiischoodiga; ak googeanu fuga jea gwasham; aba gideaba NG'UTAMIIDA nibada ak gwasim gidarugu aba badayda fuga abiita Babeli.

YEREMIYA 25:9

ng'ula gaydeajeagu eemoojiga mida wiilooda ng'eanyiida ghayeawa, gwarugu NG'UTAMIIDA, ea Nebukadinesa siideanyu bea gadiyeeda was sugoocheanda Babeli, hean gaydanung' ghapka gang'uchi ng'eanyiini ea fuga abiita jeeda, ea eemooji ascheayi sea saawa; hean gaydahuuyda goosha, ak gaydanung' ghoah gichea easit, nea geemachiida, nea geefool damanda manda muudeanooda.

YEREMIYA 6:22

Gwayi NG'UTAMIIDA, “Ng'ula gwanda fuga jea ghapka nea gwaleabu ng'eanyiida mida wiilooda ng'eanyiida ghayeawa, eemeeda haw uur goodiing'diing'da nea gwaleabu heeda sheagi.

YEREMIYA 6:1

Ea fuga Benjamini, amung'awa anyasa ghuhooda, ang'amwana bugusta Yerusalemu! Aghuuda durumbeati aba Dekowa, ak goosinyi gwadeagooda aba Bet-hakeremu; aba gideaba giishealda geedaahaan nea gwaleabu wiilooda ng'eanyiida ghayeawa, ea nyariida haw.

YEREMIYA 4:21

Gaydang'ula beendeerajeanda ng'ucheeda ea ghoah eeju, nea ghaayiinyi nyeashta durumbeati?

ISAYA 62:10

Ang'ata, ang'ata asiga dooshinga, asina naweeda buuneeda, adeasa, asina naweeda bareanda oopuusa nea googeandi lagheanga, amiinda giirooraneeda aba badahuuka buuneeda.

SEFANIYA 1:10

“Aba eaweedida,” girugu NG'UTAMIIDA, “gajeayiiy shookcheanda aba gidaghuuta dooshta siguura Ghweayeega, ea shookcheanda haw aba meatkweeda niirja bea mujiini, ea nyeashta haw bea giibeedeayda aba iheenga giijeega.

YEREMIYA 51:54

“Giiguuleanda! Shookcheanda leabu Babeli! Nyeashta nyariida haw gwaleabu ng'eanyiida Galdayo!

YEREMIYA 50:22

Ghuuta ng'ucheeda gwanda jeeda ng'eanyiida, ea nyariida haw!

YEREMIYA 21:7

Ng'ata, gabiikta gwayi NG'UTAMIIDA, Sedekiyaheeda was sugoocheanda Yuda, sea fugaaschi bea gadiyeeda, ea fuga mida jeedeaba mujiineani gea gudu gwandeawa eaweega ghuha dawni, ea ng'uta, ea geejeeda gaydaahaak geatinga sugoocheanda Babeli was Nebukadinesa ea geatinga weajoodiga nyaawa, ea geatinga fuga gasa eaweega nyaawa. Ak gaygahuuyda saawa aba ng'uta, ak ea mayghabwayda saawa, ghana gwalagu, ghana ghawiish jih.’

YEREMIYA 18:11

Ng'ata gwayi, fuga Yahudi ea gea abiita Yerusalemu: ‘Gwayi NG'UTAMIIDA, Ng'ula ghaang'waaniichi munyinda aba badahuukeagwa nea ghaadapchi munyinda aba badahuukeagwa. Daba siisi yamwa geaw naweadinga munyas, ak goobiikti ooweeshiida naweadingeagwa ea sinaweegeagwa.’

YEREMIYA 22:7

Gaydasin fuga jea ghaghabwasnyi, Nea gaba nih mideawa dabitaanyi bea ng'ucheeda; Ak gaygabarsa ng'eanyi gubooyeekaagu ibwariinyi; Ak gwahisa jeeda beasta.

SAKARIYA 6:6

Gawa mutukwajeandida angiir faraasajeega duwasiin, nea gagal wiilooda ng'eanyiida ghayeawa, nea faraasajeega eashish gaweay nea gwarakta, nea giika murjeewiin gaweay nea gagal wiilooda ng'eanyiida biyeara.”

YEREMIYA 10:22

Oaleaydiit, nyeashta! Ng'ula ghwahidu– giijasta haw nea gwaleabu wiilooda ng'eanyiida ghayeawa jea ghwanung' ghoah mujiinajeega Yuda raghoonyeanda, ghoah shoomeanga fureayoonga.

ESEKIELI 9:1

Hean gooyeawda aba ghuuta haw aba jeeda iidigeasu nea gwayi, “Nung' goosiibu fugiga ahaaghwa mujiiniin. Nea daba siisi mideawa dabita ng'ucheeda aba geatindaanyi.”

ESEKIELI 9:2

Ak ghapka fih lah leabu meatkweeda gidaghuuta mida heetiyeada bea meatkweeda wiilooda ng'eanyiida ghayeawa, nea gaba nih mideawa dabita ng'ucheeda aba geatindaanyi. Nea aba jeenyaawa gwanda siyagi akwa hang'weaka bumbuni miyaas, nea gwandeawa jupajeanda wiinooyda sing'ooriida. Hean geeweay jeeda gheeda sibata ASEETA, ak geamiinaada aba murdeeda heeda wagiida oomu.