YEREMIYA 4:4 - Bibliyeeda Ghaydit

⁴ Ea fuga Yuda ea gea abiita Yerusalemu, Ooyiila geat aba badayda NG'UTAMIIDA, ageanda mughooka gurooruunatkeagwa adiidu ghwayeata nyarasteanyu beasta, ak ghwayeat ea ghwaroat siichea gwanuus, aba munyasnacheeka gadiyoojigeagwa.”

YEREMIYA 4:4 Mawu Ofanana

2 DAMANYOOJIGA 34:25

Aba gideaba ninung'wanaani heeda, ak gagwardeaysa geediga ng'andidi aseecheeka suuk, ghwanung' danyareas aba ng'asheega geatinga nyaawa, ak abeeda nyarasteanyu gayghwahidu badaydeaba ng'eanyiini ak ea majeemiis.

ISAYA 10:17

ASEETA weeshinda fuga Israeli gil ak gawuurji beasta, dea ghaydit bea Israeli gayghoah ng'ushapta beasta; nea aba jeemba eaweecheanjagi gayghwaak haleanjeeda sean eara ng'eamga ea halaghweenga aba jeemba askweareanagi.

ISAYA 30:33

Aba gideaba heechea ea ghwardaawa sugoocheanda Ashuru goola eesin garayi; nea shoomanda gidahaw gil, ak aahaw jih ak beasta gwanda ea ghweenga aasaang'a, ak gayghaghuut NG'UTAMIIDA aba Giisiimeandaanyi uurji eenda gulda.

ISAYA 51:17

Ng'eada, ng'eada, miinaada ea Yerusalemu, ang'iing'eeda ileaydi geatinda NG'UTAMIIDA bea gikoombeeyda nyarastaanyi gweeriida ea gikoombe booktuumeeda nileaydi ea goosha.

YEREMIYA 15:14

Ak gaydanung' agadiyeesiina weajoodigeagwa aba ng'eanyiida moanali, aba gideaba nyarasteanyu niyeata beasta jea ghwayeat damanda manda muudeanooda.”

YEREMIYA 21:12

Gwayi NG'UTAMIIDA, Ea gheeh Dawdi “‘Asina ng'asheega doobiiweadi gidang'eada sakteayda, Ak goolealni geatinga siida ghabwas fuga goola eang'waay, Adiidu ghwayeata nyarasteanyu beasta, Ak ghwayeat nea maygudu gwanda siichea gwanuus. Aba sinaweegeagwa munyas.’”

YEREMIYA 21:5

Ak eara aniini gaydang'ucheeweegwa aba geatinda doabiiwaat nea haw uur, aba nyarasta ea ng'weaninda.

YEREMIYA 23:19

Ng'ula, siilakghta NG'UTAMIIDA! Nea nuwa mwadi nyarasta ea shaarareeda neay gwaneayi ak gaygoobisa uhuuda siida muy.

YEREMIYA 36:7

Gwadeepa ghamwaash NG'UTAMIIDA nyaawa ak gaba nih abuut naweadingaaschi muy, aba gideaba nyarasta ea ng'weaninda ghayi rugu NG'UTAMIIDA aba badaydeaba fiisu aahaw muuchi.”

YEREMIYA 44:22

NG'UTAMIIDA mudughoamu ghamilikghta ng'asheegeagwa munyas oosinayi ea aba badayda riing'eega oosinyi; asi ghamneawa ng'eanyiideang'wa niiw raghoonyeanda ea eeshtearajeanda ea mooshteayda ak ea manda buuneeda, ea gawuurji giduurji bea ghamneawa.

YEREMIYA 9:25

Gwayi NG'UTAMIIDA, “Ng'ula gayghapka eawoojiga jea deargweaksa fuga siiyiil nea ghwasam fuga miyeeyiil–

YEREMIYA 9:26

was fuga Misri, ea Yuda, ea Edomu, was orjooga Amoni, ea fuga Moabu, ea fuga sean abiita jeeda eeshtearajeanda reegwa iheenga nyaawa goonuweagi buudeega nyaawa, aba gideaba eemoojisu miyeeyiil, nea gheeda sean bea Israeli ea miyeeyiil gurooruunatka.”

HEAREEGA 4:11

NG'UTAMIIDA niihiimu ng'weanindaanyi, nea goobuugu nyarastaanyi ng'waan; ak ea niyeat beasta aba Sayuni, nung' goosha sindeetaanyi.

ESEKIELI 16:38

Ak gaydeargweakseey gawuurji gidasiirgweakiisiinda gadeemga sigeena mealuuli. Ak ghoahiida foojeanda, ak gaydeargweakseey aba foojeanda nyarasta lachng'eanyiida.

ESEKIELI 18:31

Ahisana hoowa sheagiin giidiinyeanyeekeagwa sean ghayi oosinyi ak ghoanyaschi jeeda miy ea guroorooda miy, ghwasaan anda googasayi ameawa Ea fuga Israeli?

ESEKIELI 20:33

“Aba gideabideati gwarugu NG'UTAMIIDA was ASEETA, aba huumwa aba geatinda mideawa uurda gaydeambaleegwa aba nyarasta jea goobisseegwa gaydoaw sugoocheandeang'wa jea goombaleegwa.

ESEKIELI 21:17

Eara aniini gaydabwar baneaguuka, eara aniini gaydealang'u nyarasteanyu aniini NG'UTAMIIDA gil, neargu ng'asheanji.”

ESEKIELI 24:13

Aba jeeda ririnnyeandaang'u gwanda hiseadayeanduumeeda, aba gideaba geahuunyeey ak ririnnyeandaang'u ea moosha, maygudeehuun ririnnyeandaang'u gicha ak goosha. Bwak ea danung' goosha nyarasteanyu aba badaydaang'u.

ESEKIELI 24:8

Ak goodiing'u nyarasta jea ghawaldaawa mureandooda, naayiinyi foojeandaanyi uhuuda lagheaneeda mida heeda daachi, ea meedukuta.

ESEKIELI 44:7

Noong'udi ririnnyeanda heeda eabiiti, aba gideaba goonung' gaweay jeeda fuga miyeeyiil, fuga mamwasa ng'asheegeasu, nea nagheeda ea foojeanda geaghadoawanaan. Asi agooga fugeasu noadataschi neajeedeanyu aba ng'asheegeagwa munyas.

ESEKIELI 6:12

Dea sheagi muuchi gayghami aba dawni, nea dea neeki gajeabwar aba ng'uta, nea boostaaneeda ghuh aba jeeda mujiini gayghabwar jalooda, asi nih gichea dahinda nyarasteanyu gil aba badayda nyaawa.

ESEKIELI 8:18

Aba badaydeaba ng'asheesu gayghwadaah giteena nyarasteanyu, maydasiksa eara akaleala ghabwasang'da nea maydabwayda eara sih. Eara gooyeawda aba ghuuta haw maydealeeysiit saawa.”

NG'ASHEEGA LAWI 26:28

abeeda gaydabeada gidamoogasiidani nea ghaanyareaschi, ak gwaheedu bileangideang'wa niba ispwa aba badayda riing'eegeagwa.

NG'ASHEEGA LAWI 26:41

gwasunu eara aniini ghaabeadi gidamwabeada saawa ak geayeadu ea ghwahidu ng'eanyiida weajoodiga nyaawa; abeeda gurooruunatka nyaawa meayaada ghasmeahooda iiyaat geat ng'eanyi ak ghamwas lasooda aba riing'eega nyaawa;

AMOSI 5:6

Agasa NG'UTAMIIDA ak gajoopiidana, adiidu ghwayeata beasta dea gheeh Yosefu, ak ghwanung' goosha, ea ea mudugwanda siida jea ghwanung' gamis aba Beteli,

SEFANIYA 2:2

heeda miyeeheananeey, awuurjeewana looyda siileal, heeda mii ghwahina nyarasta ng'waan bea NG'UTAMIIDA, heeda mii ghwahina eaweeda nyarasta NG'UTAMIIDA.

Ruumi 2:25

Aba gideaba ghasmeahooda gammiisa Iiwoosi siida sissa mureeda deaweeda ama iinuusi deaweeda abeeda ghasmeahoadaang'u ea niiw gideaba mii una ghasmeahooda.

GIIPKEATA DIIGHEANDA 10:16

Asi ayaada ghasmeahooda gurooruunatkeagwa, adiidu goowooschi fuga hang'oonyi iheeni.

GIIPKEATA DIIGHEANDA 30:6

Ak gaygooyiil gurooroadaang'u NG'UTAMIIDA was ASEATAANG'U, ea guroorooda jeacheengaagu, ak gaybwariinya NG'UTAMIIDA was ASEATAANG'U aba gurooroadaang'u sean ea aba jeadaang'u sean, ak ginyasi eaweega.

GIIPKEATA DIIGHEANDA 32:22

Aba gideaba beasta sighwar aba nyarasteanyu, ak gayghwaagaada ea ghwahita heeda maloonghajeega, ak gayghwaak ng'eanyiida ea beagaaschi, ak beasta gayghwaak sindeecheeka giijeega.

Golosaayi 2:11

Nea aba badaydeaba niny eara agooga siyaadeagwa ghasmeahooda aba ghasmeahooda meesinana geatinga, nea ghoanung'waadi ng'asheega saseeda aba ghasmeahooda Gristo,